Mola deshobiratu dute
Sanjurjoren gorpuzkiak azaroaren 16an aterako dituzte Erorien Monumentutik, hasieratik iragarri bezala. Iruñeko Udalak eta Artzapezpikutzak akordioa lotu dute: deshobiratzeak intimitatean eginen dituzte, eta ez da helegite gehiagorik izanen.
Joseba Asiron alkateak gaur eguerdian ezagutarazi du albistea: Emilio Mola jeneral faxistaren gorpuzkiak urriaren 24an atera zituzten Erorien Monumentuko kriptatik, hildakoaren familiak hala eskaturik.
Abuztuaren 31n, Asironek gorpuzkiok azaroaren 16an deshobiratuko zituztela iragarri zuen. Eta Iruñeko eta Tuterako Artzapezpikutzak espediente administratiboaren aurkako alegazioak aurkeztu zituen, gorpuzkiak zeuden kripta “kultu gunea” denez “bortxaezina” dela argudiatuz.
Udal zerbitzu juridikoek alegaziook ez aintzat hartzea erabaki dute, kriptak berdin funtzionatuko duelako kultu gune moduan, gorpuzkiak handik aterata ere. Bestalde, nabarmendu dute kriptaren jabea Udala dela, eta Elizak erabiltzeko eskubidea duela soilik.
Nolanahi ere, Artzapezpikutzak ez du ebazpen horren aurka eginen, Udalarekin akordioa sinatu baitu. Horrek zehazten du deshobiratzeak intimitatean eginen dituztela, ahalik eta langile gutxien baliatuz, familiak han direla –hala nahi badute–, eta kazetaririk eta argazkilaririk gabe –baldin eta familiek ez badute espresuki horretarako baimenik ematen–.
Molaren familiak deshobiratzea urriaren 24an eta kamerarik gabe egitea galdegin zion Udalari, eta ez du beste adierazpen publikorik egin. Jose Sanjurjo beste militar golpistaren sendiak, aldiz, bai: publikoki salatu du Udala Memoria Historikoaren Legearen kontra ari dela, eta oinarrizko eskubideak urratzen ari direla.
Sanjurjo eta Mola militar golpistenak ez ezik, kriptan daude Arregi Olalkiaga, Aznar Zozaia, Munarriz Escondrillas eta Martinez Chascorenak ere.
Gorpuzkien afera gaindituta, azaroaren 16tik aurrera galdera beste bat izanen da: zer egin Erorien Monumentuarekin?
Albiste hau Euskalerria Irratiak argitaratu du eta CC-by-sa lizentziari esker ekarri dugu ARGIAra
Abuztuaren 5ean emango dio domina zentroari Gasteizko Udalak, eta abuztuaren 2rako elkarretaratzea eta prentsaurrekoa deitu du Memoria Osoa plataformak. Martxoak 3 elkarteak salatu du “planteamendu diskriminatzailea” eta “irakurketa partziala” egiten... [+]
Otxandioko bonbardaketaren erantzule nagusietako bat da Angel Salas Larrazabal urduñarra. Hortaz, herritarren aurka Euskal Herrian eginiko lehen bonbardaketan parte hartu zuen.
1936an fusilatu zuten frankistek, une horietan Arabako diputatua zela, eta herriko beste 42 fusilatuen hilobian bertan sartu zituzten Manuelen gorpuzkinak.
Antonia Manot hil da 95 urte bete berritan, bere seme Diego Paredesek sare sozialetan jakinarazi duenez.
Gurasoak hilik, etxeko ganbara husteari ekin zioten
seme-alabek. Hainbat gauzaren artean, koaderno eta paper sorta, argazkiak eta nahi beste agiri. Bego Ariznabarreta Orbeak aita aspaldi zenduaren gerrako memoria harrigarriak zurian beltz irakurri, eta jabetu zen altxorraz,... [+]
Aurten ere, uztailaren 8an, astelehenean gogoratuko dute German Rodrigez haren omenezko oroitarriaren alboan. 13:00etan izanen da: aurreskua lehenbizi, Mikel Lasarteren bertsoak gero eta La Furia eta Fermin Balentziaren emanaldiak bukatzeko. Iluntzean, Peñak, isilik eta... [+]
Naiz.eus-ek aurreratutakoaren arabera, 2004ko martxoan Espainiako polizia batek eta bere semeak erail zuten Angel Berrueta eta bere alargun zein seme alabek, Nafarroako Gobernuaren aitortza ofiziala jasoko dute, indar polizialen indarkeriaren biktima moduan.
1939 eta 1941 bitartean Igari eta Bidankoze arteko errepidea eraikitzera behartu zituzten frankismoaren 2.400 esklaboak omendu zituzten larunbatean, Igariko gainean. Errepresaliatu antifaxista haien memoriak gure bidea izan behar duela aldarrikatu zuten omenaldia antolatu zuen... [+]
Nafarroako Torturatuen Sareak jakinarazi du hemeretzi biktima berri onartu dituela Nafarroako Gobernuko Aitortza eta Erreparaziorako Batzordeak, horietariko bost 2005-2011 urte artean torturatu zituzten Mikeldi Diez, Iker Aristu, Oihan Ataun, Garbiñe Urra eta Mikel... [+]
Alesbesekoa jaiotzez, Saratxon bizi zen Unión Republicana alderdiko kidea, bere emaztea hango maistra baitzen. 1936ko irailean erail zuten frankistek eta ostiralean lortu zuten bere gorpuzkinak identifikatzea.
Hari buruzko aipamenik apenas iritsi zaigu historia liburuetan, baina Jesús Carrera Olascoaga (Hondarribia 1911 – Alcala de Henares 1945) Espainiako Alderdi Komunistaren idazkari nagusi izatera iritsi zen. Frankistek atxilotu, torturatu eta fusilatua, bere... [+]