‘Moio’ kalea Hernanin, memoria ariketa kolektiborako urratsa
Aimar Elosegi Ansa ‘Moio’ kalea inauguratu dute Hernanin maiatzaren 14an, LGTBfobiaren aurkako egunaren harira. Omenaldi xume eta hunkigarria egin diote Elosegiri, bere buruaz beste egin zuen gazte transexualari, eta eskerrak eman dizkiote transfobiaren aurka herria esnarazteagatik.
“Izan nahi zuena izateko oztopo sozialak gainditu ezinik bere buruaz beste egin zuen transexuala”. Horixe dio maiatzaren 14an Hernanin inauguratu duten Aimar Elosegi Ansa ‘Moio’ kalean jarritako plakak. Kale izendegia “lupa morea jarrita” berrikusteko beste urrats bat eman dute, Hernaniko Berdintasun Sailak bultzatuta, eta oraingoan LGTBfobiaren kontrako nazioarteko egunaren karietara egin dute inaugurazioa.
Hamarnaka lagun, senide eta herritar bildu ziren larunbateko inaugurazioan, eta Elosegiri omenaldi xumea bezain sentitua egiteko baliatu zuten. Gogorarazi zuten duela 15 urte haren heriotza mugarri izan zela Hernani transfobiaren aurka esnarazteko, eta hurrengoei bidea erraztu ziela, transexualen errealitatea mahaigaineratuta. Brayan Altimasberes Loratuz Lotu elkarteko kideak eskerrak eman zizkion Elosegiri, haren “testigua hartu duten guztien izenean”, eta nabarmendu zuen oso presente izan duela Moioren figura bere bizitzan.
Memoria ariketa kolektiboa
2019an Kattalin Minerrek Moio. Gordetzea ezinezkoa zen liburua argitaratu zuen, lagunaren suizidioa eta transexualitatea ardatz hartuta, eta memoria ariketa gisa ere bai. Orain, Elosegiren memoria jasotzeko beste urrats bat eman dute, Biteri kaleari Moio izena jarrita: “Inaugurazioa baino askoz gehiago da gaurkoa; memoria ariketa kolektibo baten parte da”, azpimarratu zuten antolatzaileek. Hernaniko Kulturarteko Plaza Feministaren Gobara podcasta ere Elosegiri eskaini diote, eta bertan Minerrek eta Altimasberesek transexualitatea izan dute hizketagai, besteak beste.
Hernaniko Udala azken urteetan kale izendegia berrikusten ari da, “kaleak errealitatera egokitzeko” beharragatik, Xabier Lertxundi EH Bilduko alkateak ekitaldian gogorarazi zuenez: “Heteronormatik kanpo gaudenok kaleak hartu behar ditugu, baita kaleen izenak ere”.
Borrokan segitzeko deia
Elosegiren senideek ere hitza hartu zuten omenaldian, hunkituta, eta bertaratutakoei esker onez: “Ekintza honekin 15 urteko sufrimenduari itxiera emango diogu, beste ziklo bat hasteko”. Omenaldiko hizlariek azpimarratu dute Elosegiren suizidioa bezalakoak saihesteko oraindik urrats asko eman behar direla, eta dei egin dute maiatzaren 17ko manifestazioetan parte hartzera eta LGTBfobiaren aurkako aldarria egitera. “Ez dago omenaldi hoberik borrokan jarraitzea baino” esanez amaitu dute emozioz betetako ekitaldia, txalo eta musika artean.
Hainbat kolektibok salatu du Gurutzetako ospitaleko Genero Identitatearen Unitatean arreta jasotzen duten transei lehen harrera psikiatrikoko profesionalek egiten dietela, horrek transak patologizatzen dituela eta harrera endokrinoak egin beharko lukeela. Harrera endokrinoak... [+]
1.075 pertsona artatu ditu Barakaldoko ospitaleko genero-identitateko unitateak, 2016ean unitate hori martxan jarri zenetik. Erdiak baino gehiagok adin-nagusitasuna bete aurretik jaso zuen lehen arreta. Eta, kopuru osoaren herenak hamasei urte baino gutxiago zituen.
Pasa den otsailaren 24an Egia, Justizia eta Erreparaziorako ekitaldi bat antolatu zuten Bilbon, Mugarik Gabe erakundeak, Bizitu Elkarteak, Feministaldek, Mujeres del Mundok, Zehar Errefuxiatuekin elkarteak eta Colectiva Feminista Para el Desarrollok. Hiru indarkeriak ardaztu... [+]
BAMBIk (Amurrio, 1999) diru bilketa abiatu du, bere trantsizio prozesuaren barruan, aurpegia feminizatzeko asmoz. Trans kolektiboaren egoeraren eta bere ibilbide artistikoaren inguruan mintzatu da.
Erantzunik gabeko galderez inguratuta eta “tristezia sakona” sentituz bizi izan da Daniela Cano. Artista kolonbiarra da, eta pandemia betean Madrilera ihes egin behar izan zuen Kolonbian mehatxatuta zegoelako. Arteaz, bereziki literaturaz baliatzen da erantzunak... [+]
Izaera berezia duten elkarteak eta behar bereziak dituzten haurren familia-elkarteak biltzen ditu Bizipozak, 38 denera. Familia horien errealitatea ikusarazi eta bertatik bertara ezagutzeko asmoz, jaia egingo dute apirilean. Unitate didaktikoak eta material pedagogiko ugari ere... [+]
LGTBI kolektiboko hamar lagunetik bederatzik sekretuan mantentzen du bere sexu-joera laneko nagusien aurrean, eta lautik hiru ez da armairutik ateratzen lankideekin. Zergatiez, beldurrez eta arriskuez hitz egin dute Espainiako LGTBI+ Federazioak egin duen ikerketan.
Lege honek oztopoak kendu eta aitortza legala izatea “berebizikoa” dela adierazi du Naizen elkarteko Bea Severrek.
Osasunean, hezkuntzan eta lan eremuan eragingo du erreformak, eta pertsona ez binarioak eta intersexualak kontuan hartuko ditu.
Polemika artean atera zen aurrera Espainiako Estatuko Trans Legea, 2023ko otsailean. Erregistro Zibilean izena eta sexua aldatzeko prozesua erraztea zen helburuetako bat. Urtebetean 227 pertsonaren aldaketa burutu dute Araba, Bizkaia eta Gipuzkoan.
Gehiengo zabalarekin onartu dute. EAJ, PSE-EE, EH Bidu eta Elkarrekin Podemos-IU-k baiezkoa eman dute, eta PP aurka agertu da.“Hainbat hobekuntza” txertatuko dituzte Osakidetzan, hezkuntzan eta lan-arloan.
Gurutzetako ospitaleko Genero Identitatearen Unitatearen “arreta txarra” eta “tratamendu bortitza” salatu du Izei Etxeberriak.
Trans pertsona arrazializatuek, trans pertsona arrazializatuentzat sortutako dantza da vogue-a. Interneten bideoak ikusita horren berri izan zuen Anouar Merabetek (Martil, Maroko, 1991), eta Euskal Herrian komunitaterik ez zegoenez, Parisera joan zen ikastera. Ostean, Kiki house... [+]
Ehundik gora lagun bertaratu ziren iragan larunbatean Laudioko Orbeko Etxean eginiko ‘Txao Titis, Titi gabe bada paradisua’ jaialdira. Ekimenaren helburu nagusia mastektomia egin nahi duen Laudioko pertsona trans bati ebakuntza hori egiteko dirua biltzen laguntzea... [+]
Tratu txarrak Osakidetzako langile batzuen eta Ertzaintzaren partetik pairatu dituela salatu du.