Mursik uko egin dio akusatu jantzia janzteari
Hainbat herritarren hilketak bultatzea egotzita, Mohamed Mursi estatu kolpez botatako Egiptoko presidente ohia epaitzen hasi dira Kairon. Ordubete baino ez du iraun lehen epai saioak, auzipetuak ez duelako epaitu jantzia jantzi nahi izan. Epaileak eten egin du saioa.
Epaitegiaren "zilegitasun eza" salatu du Mursik eta horren ondorioz, ez du jantzi epaileak agindutako akusatu arropa zuria.
20.000 polizia baino gehiago bidali ditu Egiptoko Gobernuak epaitegiko atarira. Izan ere, Anaia Musulmanek Mursiren aldeko mobilizazioak iragarri dituzte. Facebooken argitaratutako ohar batean, salatu dute epaiketa “fartsa hutsa” dela, eta herritarrei kalera ateratzeko deia egin diete. “Balak baino indartsuagoak izango dira protestak”, esan dute.
Astelehen goizean, presidente ohia heldu aurretik, ehunka pertsona elkartu dira auzia salatzeko, eta poliziak gas-potoak bota dizkie. Hainbat kale ere moztu ditu, mobilizazioak eragozteko.
Uztailaren 3ko estatu kolpean agintari postutik kendu eta atxilotu zutenetik, toki ezazagunean dute atxilo Mursi. Horregatik, epaiketara helikopteroz eraman dute.
Harekin batera, Anaia Musulmanen alderdiko hamalau politikari pasako dira epailearen aurretik. Epaitegira blindatutako kotxeetan iritsi dira denak, segurtasun neurri handiekin.
2012ko abenduaren 4ko gertaeren harira epaituko dituzte hamabost pertsonak. Orduan, zortzi manifestari hil zituzten Mursiren aldeko eta kontrakoen arteko liskarretan.
Horrez gain, segurtasun indarretako kideak bahitzea eta torturatzea leporatzen dio Mursiri. Errudun joz gero, biziarteko espetxe zigorrari edo hiltzeko zigorrari egin beharko dio aurre.
Giza eskubideak urratuta, Mubarakekin eta Mursirekin
Kairoko CIHRS Institutoko kide Mohamed Zaarak Egiptoko giza eskubideen urraketaren karietara mintzatu da, Rebelion webguneko elkarrizketa batean. Dioenez, 2011ko otsailera arte, Hosni Mubarak diktadorea boteretik kendu arte, eskubide urraketa zegoen. Eta berdin-berdin jarraitu zuen Mohamed Mursirekin.
Jon Torner Argiako kazetariak itzuli ditu elkarrizketaren pasarte esanguratsuenak.
Hamasek salatu du talde islamistak aurretik onartutako akordio proposamenetan Israelgo lehen ministro Netanyahuk baldintza berriak jarri dituela. Iran su-etenaren alde agertu da, baina Israel “zigortzeko eskubidea” aipatu dute, uztailaren 31n Hamaseko buruzagi Ismail... [+]
Rafahtik gertu dagoen muga-lerroa osorik kontrolatzen dute, antza. Lau bahitu askatzearen aitzakiapean, ia 300 palestinar erail dituzte sionistek Nuseiraten. Azken zortzi hilabeteetan, ia 37.000 palestinar hil dituzte jada.
Egiptok Camp David-eko akordioa haustearekin mehatxatu du Israel, Rafah-ko operazioarekin aurrera egiten badu. Hegoafrikak Nazioarteko Justizia Auzitegiari eskatu dio agindu dezala Israel Rafah-tik ateratzeko.
Mostafa Waziri Egiptoko Antzinaroko Kontseilu Goreneko idazkari nagusiak Mizerinoren piramidea zaharberritzeko proiektu erraldoia aurkeztu du berriki: Gizako piramiderik txikiena granitozko blokez estaliko dute, jatorrizko itxura berreskuratu dezan. Wazirik proiektua gogo biziz... [+]
Gerra eta gezurra bat doaz eta oso gaitza da jakitea gerra batean nor zertan dabilen kazetariak edo bestelako iturriak tartean ez badira. Israelek historikoki erakutsi du ezpata dantzatzeko indarra eta gezurra maneatzeko abilezia. Orain Gaza bonbardatzen ari denean, ospitaleei... [+]
New Yorkeko Unibertsitateko ikerlari talde batek esperimentu bat egin berri du, Gizako esfingearen materialak eta eraiki zuten garaiko baldintza klimatikoak imitatuz.
Joe Bidenen agindupean, AEBetako gobernuak Gazan garbiketa etnikoa gauzatzeko planak egin zituen 2,3 milioi palestinar Egiptora bidaltzen saiatuta. "Biden presidentea beste herrialde batzuekin batera plana lantzen ari da, zibilek Gaza utzi eta Egiptorako muga segurtasunez... [+]
Kairo, 1250eko maiatzaren 2a. Shajar Al-Durr Egiptoko sultan izendatu zuten. Ez zen emakumezko lehen sultana izan; urte batzuk lehenago, 1236an, Raziak Delhiko sultan kargua hartu zuen. Baina esklabo izatetik agintari gorena izatea lortu zuen lehena izan zen.
Brasil, Errusia, India, Txina eta Hegoafrikak osatutako aliantzak Johannesburgon egin duten azken goi-bilerako eztabaidagai nagusia izan da partaide gehiago onartzea. Saudi Arabia, Arabiar Emirerri Batuak, Iran, Egipto, Argentina eta Etiopia gonbidatu dituzte.
Egiptoko Berenize aztarnategian Budaren estatua bat aurkitu berri dute, K.a. II. mendekoa.
2019an atxilotu zuten, talde terrorista bateko kide izatea egotzita. Telebista kate bereko beste bi kazetari oraindik Egipton daude espetxeratuta.
K.o. II. mende inguruan, Maria izeneko alkimista judutar bat bizi izan zen Alexandrian. Lehen emakume alkimistatzat jotzen da eta, haren idatzirik iritsi ez bazaigu ere, beste egile klasiko batzuek eman zuten bere lanaren berri.
Aurten Egipton iragan den COP27 gailurrak emaitza gazi-gozo bat eman du: klima aldaketaren aurrean estatu zaurgarrienen galerak eta kalteak konpentsatzeko funts baten sorrera. Garaipen historikoa izanik ere, funts hori oraindik mekanismo ahula da, eta zehaztu gabeko osagai asko... [+]
Egiptoko NBEren goi-bilerak ez du aurrerapauso esanguratsurik lortu, baina klima larrialdiaren ondorioen aurrean “herrialde zaurgarrienek” dituzten kalteak ordaintzeko funts bat eratzea adostu dute, eragile sozialen urteetako eskariari erantzunez. Ez dituzte hitzartu... [+]
