“Moda jasangarriaren esparruak kontsumo eredu alternatibo bat abian jartzea da Ekomerkatuaren helburua”
Ingurumenean kontzientzia duten norbanako eta profesionalak biltzen ditu urtero Durangon ospatzen den Berdeago Azokak, eta seigarren edizio honetan 20.000 bisitari inguru erakartzea espero du. Azokaren jarduera paralelo gisa, arduradunek tailer eta solasaldi sorta bat antolatu dute, begirada beti bezala ingurumenean ezarriz. Jarduera horietako bat izango da datorren larunbatean, urtarrialk 13, Cristina Enean izango den Ekomerkatua, moda jasangarriari lotua.
Berdeago egitasmoko kide Karmele Gomezen esanetan, tailerrak "kontsumo eredu alternatibo bat habian jartzea du helburu", bai eta "gabonetan bizitzen dugun desorekaz ohartu eta kontzientzia hartzea" ere. Jarduera honetan, modaren jasangarritasunean interesa duen orori irekia, Emaús eta Intermón Oxfam-en esperientziak ezagutu ahal izango ditugu, eta Maider Alzaga diseinatzaile usurbildarra izango da moda jasangarriaren enbaxadore.
Nola eta noiz sortu zen Berdeago Azoka abian jartzeko asmoa?
Berdeago azoka orain dela 6 urte sortu zen, alde batetik, ingurumenarekiko kontzientzia sortzeko Euskal Herritarron artean eta bestetik, ingurumen iraunkortasunarekin lotura duten produktu eta zerbitzuei erakusleiho bat emateko.
Momentu horretan, 6 ikasle ziren proiektu hau abian jarri zutenak, hauek denak, ingurumenarekiko kontzientzia eta kezka haundiarekin. Lehenengo edizioak 35 erakusle eta 6.000 bisitari inguru batu zituen, azokak bi egun izanik. Urtarrilean Dundangon ospatuko den seigarren edizio honek, aldiz, 130 erakusle eta 20.000 bisitari erakartzea espero du.
Azokaren jarduera paralelo gisa hainbat ekintza burutzen dituzue. Horietako bat izango da urtarrilaren 13an Cristina Enean izango den Ekomerkatua. Zertan datza? Zein da bere helburua?
Berdetxe deitzen den hitzaldi eta tailer sortaren barne dago Cristina Enean ospatuko den tailerra. Moda arloan berrerabilpena landuko dugu bertan, bai goizeko 11:00etan izango diren hitzaldi batzuen bitartez eta bai ondoren hasiko den merkatuan. Bigarren zati hau bigarren eskuko moda artikuluen jasotze, berreskuratze eta salmentan oinarritzen da. Horretarako Maider Alzaga slow fashion diseinatzailea izango da gurekin, moda jasangarriaren gure enbaxadora izango baita.
Bere helburua da kontsumo eredu alternatibo bat habian jartzea, eta gabonetan bizitzen dugun desorekaz ohartu eta kontzientzia hartzea.
Nork hartu ahal izango du parte, eta nola? Zein izango da dinamika eta egitaraua?
Jardunaldiko antolatzaileak Cristina Enea Fundazioa eta Berdeago dira, eta modaren berpiztearen katea kudeatuko dute bertan EMAÚS S.COOP. eta OXFAM Intermón erakundeek. Ekomerkatua, ordea, donostiarrei zuzenduta dago, bertatik pasa nahi direnentzako irekita egongo da goizeko 11:00etatik 13:30etara eta arratsaldeko 15:00etatik 18:30tara.
Goizeko lehenengo orduan EMAÚS eta OXFAM erakundeen hitzaldi bat izango dugu, haien esperientzia eta errealitatea hurbilduko digutelarik.
Horrelako egitasmo edo jarduera gehiago egiteko asmoa duzue?
Berdeagok ingurumenarekiko ardura izatearen kontzientzia zabaltzeko helburua duenez, urtean zehar kontzientziazio jarduerari jarraipena emateko aktibitateak antolatzen hasi da, eta aurtengo urteari begira ere, Durangoko Mugikortasun astean egiten diren jarduerez gain, beste hainbat jarduera antolatzea ere espero dugu.
Ekomerkatua urtarrilaren 13an izango da, larunbata, Cristina Eneako Ingurumen Baliabideen Etxean.
Elkarrizketa hau Cristina Enea Fundazioak argitaratu du eta CC-by-sa lizentziari esker ekarri dugu ARGIAra.
Arropa bera luzaz eramatea ez da ongi ikusia, eskasa-edo dateke. Behin, lagun irakasle bati lizeoan ohartarazi zioten bazela ordua jaka berria eros zezan. Aspaldiko joera hori indartuz joan da. Telebistako esatari eta berriemaileek jantzi desberdinak luzitzen dituzte egunero... [+]
Erabili eta bota. Abiadura handiko modak saltokiak eta etxeetako postontziak bete ditu aspaldion, fast fashion ere esaten zaio. Baina azkarretik baino inozotik gehiago du: lan prekarioarekin hondakin mordoa sortzeaz gain, arropa garraiatzen fuel-olio kopuru izugarriak erretzen... [+]
Moda alfer klasearen denbora-pasa izatetik erabat zeharkako fenomenoa izatera pasa da. Gehienontzat Fast Fashiona eskaintzen du arroparen industriak. Aldian aldiko ustezko joeren arabera milioika jantzi sortu eta merkaturatzen dituzte, armairua etengabe aldatzeko beharrak... [+]
Diseinatzaile gisa, Letitare marka sortu zuen Irati Guarretxena Sandamianek diseinu ikasketak egin orduko. Ordura arte bezala, bizitzaren erritmoak bultzaturik eman zuen horretarako urratsa. Modaren zikloek eta azkartasunak gogaiturik, kontziente zen ez zela gustura ari... [+]
Emakume sortzaileak biltzen dituen Dinagu kolektiboak azoka antolatu du martxoaren 12an, Aiaraldeko Faktorian (Laudio). Emakume sortzaileen lana bisibilizatzea eta sortzaileen beharretara egokitzen diren ekimenak sortzea helburu, “herriz herri sortzaileak batuko dituen... [+]
Errealitatetik gertuago dauden gorputzak islatzen dituzten manikidun denda eta erakusleihoak gutxiengoa dira oraindik, baina modaren mundutik bertatik dator gogoeta: gorputz itxura errealagoa duten manikietan ikusi nahi dute arropa bezeroek, identifikatuago sentitu... [+]
Jantzia, berez beharrizan oinarrizkoa dena, kontsumogai bilakatu da. Erosi eta bota logikari jarraiki biratzen duen gurpil kontsumistaren parte izanik, jasangarritasun eza du ezaugarri moda eredu hegemonikoak ere. Ehungintza industriaren etengabeko hazkundea ezin daiteke ulertu... [+]
Mariano Camio Getariako alkate ohia (EAJ) lau urteko kartzela zigorrera kondenatu dute Balenciaga auzia dela eta. Administrazio desleiala eta merkataritza-dokumentuen faltsutzeagatik zigortu dute.
Urteak bete eta konturatzen zara bizitza erdi baino gehiago egin duzula. Etapa batzuk pasatu direla, atzean laga duzula fase bat baino gehiago, gorputza ez dela atzera ere bera izango. Emakume bazara, gainera, umeak egiteko gaitasuna desagertu dela ziurtatuko duzu.
Zelan... [+]
“Balenciaga auzia” gisa ezaguna den ustelkeria kasuaren epaiketa astearte honetan hasiko da Donostian. Fiskaltzak zortzi urteko kartzela zigorra eskatu du akusatu nagusia den Mariano Camio Getariako alkate ohiarentzat (EAJ).
Esnatu, leihotik begiratu, ikusi zein eguraldi egiten duen, armairua ireki eta arropa aukeratu. Ohikoa den ekintza horren atzean kasu askotan miseria eta zapalkuntza istorioak daude. Izan ere, modan dago esplotazioa.
Jantziek eta janzkerak gauza asko erakusten dute norberaz. Nolakoak gara, ordea, guztiok berdin janzten garenean? Irati Salsamendi Lozanok erantzun dio galderari, Jantzigintza eta Patroigintza ikasten ari den donostiarrak. Moda, manipulazioa eta interesak aipatu ditu, besteren... [+]
Zer dio arropak hura janzten duenaz? Zer ezkutazen du armairuan dugun kamiseta edota praka bakoitzak? Nork ekoiztu eta kontsumitzen ditu? Noiz erosten ditugu beharrak bultzatuta, eta zenbatetan kapritxoz? Hainbat solaskidek ehungintza eta modaren inguruan emandako azalpenek,... [+]
Munich, 1945eko apirilaren 29a. Lee Miller eta David E. Scherman argazkilariak Hitlerren apartamentuan sartu ziren. “Helbidea urtetan poltsikoan gordeta izan nuen” adieraziko zuen gero Millerrek. Hitlerren bainugelan, arropa erantzi eta bainuontzian sartu zen Miller... [+]