Mobilizazioak bertan behera utzi ditu ‘Lo que no te cuentan de Donosti’-k
Bere Telegram kanalaren bidez jakinarazi du ez dituela deialdi erreakzionario gehiago egingo oraingoz. Aurreko larunbatean, nabarmen egin zuen porrot Eason antolatu zuen kontzentrazioak, eta agerian geratu da kontramobilizazioen eraginkortasuna.
Lo que no te cuentan de Donosti-k asteak daramatza hirian mobilizazioak antolatu eta egin nahian, nahiz eta ez duen beti lortu. Egia auzoan Kaleko Afari Solidarioen kontra mobilizatu ostean, pertsona migranteak seinalatzeko elkarretaratzeak beste toki batzuetara hedatzen saiatu da, baina ez du horretarako gaitasunik izan: Eason eta Amara Berrin egin zituen deialdi batzuk, baina atzera bota behar izan zituen kontramobilizazio deialdiak ere egon zirelako. Eta, aurreko larunbatean, Eason ahalegindu zen berriz protestara jotzen, baina porrot egin zuen.
Larunbatean, dozena bat pertsona baino ez ziren batu Lo que no te cuentan de Donosti-ren elkarretaratzera. Kontrara, ehunka pertsonak egin zuten bat kontradeialdiarekin, aldarri batekin: Aniztasuna, elkartasuna eta segurtasuna bai. Arrazakeria, klasismoa, faxismoa ez. Lo que no te cuentan de Donosti-ren gorroto-mezuari aurre egiteko asmoz bertaratu zen jendetza zela-eta, Easoko bazter batean elkarretaratu behar izan ziren hara joandako erreakzionario apurrak, Ertzaintzak babestuta.
Badirudi eraginkorra izan dela Donostian erreakzionarioei aurre egitea, Lo que no te cuentan de Donosti-k jakinarazi baitu bertan behera utziko dituela bere mobilizazioak. Telegram kanalaren bidez eman du horren berri, eta larunbateko gertakariei egin die erreferentzia erabakia justifikatzeko: ertzainek une oro babestu zituzten arren, erreakzionarioek diote ezin dutela bermatu euren protestetara bertaratzen direnen "segurtasuna", eta horregatik erabaki duela momentuz ez mobilizatzea.
"Kontu hau [Telegramekoa] herritarren kezkak salatzeko eta partekatzeko bozgorailu gisa erabiltzen jarraituko dugu. Gure jarduera beste espazio batzuetan indartuko dugu, eta auzotar guztiei eragiten dien arazo bat ikusarazteko modu berriak bilatuko ditugu, haien jatorria, adina edo ideologia kontuan hartu gabe", gaineratu dute taldeko administratzaileek.
Badatoz urteko asterik magikoenak, edo hobe esanda, kontsumistenak. Askori gustatuko litzaieke opariak Olentzeroren zakutik jasotzea, zerutik erorita bezala, baina errealitatea da Gabonetan gure zakutxoak direla gehien sufritzen dutenak, poltsikoak hustuta hasten dugula urtea... [+]
.jpg)
Sortu berri duten organoaren eginkizun nagusien artean daude, besteak beste, diskriminazioaren aurkako politikak sortzea, migratzaileen eta gutxiengo etnikoen elkarteen parte hartzea sustatzea, Nafarroako arrazakeriaren egoera globala aztertzea, eta Arrazakeriaren eta... [+]
Kasua auzitegietara eramateko aukera aztertzen ari dira.
Irutxuloko Hitzak asteartean parte hartu zuen Hordago - El Saltok antolatutako mahai inguruan, Hibai Arbide, Lucia Mbomio, Xalba Ramirez eta Miriam Najibi kazetariekin.
Azkenaldian nabarmen areagotu dira kutsu arrazistadun mezuak San Inazio auzoko Facebook taldean. Kalean lapurretak ugaritu ei direla-eta, auzokideen erantzuna bazterketa eta miseria egoeran daudenak kriminalizatzea, polizia gehiago eskatzea eta auzoko segurtasun brigadak... [+]
Andoaingo institutuan izan da Pape Niang, bere migrazio-esperientzia kontatzen. 16-18 urteko gazteek, aurrez Pape Niang, hasiera berri bat liburua irakurria zuten ikasleek, jakin-minez, gogoetez eta galderez bete dute aretoa. Bejondeiela, pertsona kritikoak heztea baita... [+]
Londres, 1928. Victoria and Albert Museum-era koadro berezi bat iritsi zen dohaintzan: margolanean gizon beltz bat ageri da, ileordea eta lebita jantzita, liburuz eta tresna zientifikoz inguratua. Museoan horrela katalogatu zuten: “Erretratu satiriko bitxia, beltzen... [+]
2018ko maiatzean Getxoko Ertzaintzaren komisarian jipoitu zuten Silvia emakume migratu eta arrazializatua, bidegabeki atxilotu ostean. Epaiketan zigor arinak ezarri zizkioten ertzain bati, baina emakumea ere zigortu zuten desobedientzia leporatuta. Silviak Espainiako Epaitegi... [+]
Azken asteetan albiste izan da Gasteizko Errota auzoa, urriaren 8az geroztik delinkuentziaren aurkako eta segurtasunaren aldeko mobilizazioak egiten baitituzte zenbait auzokidek asteartero, bi lonja huts okupatu zituzten gazte migratzaile batzuk jo-puntuan jarrita. Inguruan... [+]
Mundu-mailan antifeministak eta arrazistak diren gorroto-diskurtsoak larriki areagotzen ari diren testuinguruan bizi gara. Mundu zabalean sare sozialek zein agenda
politikoek txertatzen dituzte eskuin-muturreko narratibak. Arrazismoa eta antifeminismoa tokian tokiko... [+]
Lo Que No Te Cuentan de Donosti-k 30 pertsona soilik batu zituen Easo plazan larunbatean, eta haren aurkako deialdi antifaxistak 300. Bestalde, Gasteizko Errota auzoko mobilizazio arrazisten sustatzaileek auzotik irten eta Gasteiz mailako mobilizazioa deitu zuten iragan... [+]
Lo Que no te Cuentan de Vitoria eta Lo Que no te Cuentan de Pamplona Telegram taldeak sortu ditu Lo Que no te Cuentan de Donosti taldearen administratzaileetako batek berriki. Gasteizko kontuak ez du jarduerarik momentuz, baina Iruñekoak 500 jarraitzailetik gora ditu eta... [+]
Gasteizko Errotako (Koroatze) auzoan izan diren manifestazio "anonimoek" kolokan jarri dute auzokoen arteko elkarbizitza. Azalera atera dituzte ere hauetan parte hartu duten partidu politiko batzuen eta beste kide batzuen izaera faxista eta arrazista.
Lo Que No Te Cuentan De Donosti taldeak mobilizazio berri bat antolatu du datorren astelehenean, hilak 11, Amara Berrin, Kaleko Afari Solidarioak banatzen diren ordu eta leku berean. Hiriko hainbat eragile antifaxista eta antirrazista batzen dituen plataformak... [+]
Korrika eta presaka ekarri dute megafonoa. Hau onartezina da. Hau ezin da onartu. Denok batera oihu egin dezagun, ezin dugu honela jarraitu. Zurean ere sartu direla? Bai arrazoi duzu, jo ditzagun txaloak zuretzat. Hurrengo astean hemen batuko gara denok eta aurre egingo diegu,... [+]