Mobilizatzen hasi dira Zaldibarko gazteak, emantzipatzeko dituzten zailtasunak gainditzeko
Barrura ekimeneko partaideak dira Pello Zabarte eta Ismene San Martin. Zaldibarko Gaztetxean 18 eta 25 urte arteko dozena bat lagunek sortu dute mugimendu hori, gazteen emantzipatzeko zailtasunei loturiko kezkak elkarturik.
Azaldu dutenez, Gaztetxean egin zuten motibazio asteburu batean atera zen etxebizitzaren gaiari buruzko kezka hori. “Arazoa geurea da, eta geu mugitzen ez bagara, inork ez digu soluziorik emango”, azpimarratu du San Martinek. “Askok bizi dugun arazoa da, eta lanean hastea erabaki genuen: lehenengo, egoera zein den aztertu genuen, eta gizarteratze fasean gaude orain”.
Gazte burujabeak izateko gurasoenetik joan ahal izatea ezinbesteko pausoa dela uste dute Barrurako kideek, eta “gazteok daukagun arazoaz kontzientzia hartzea eta denon artean alternatiba bideragarri bat bilatzea” dute helburu.
Alternatiba bideragarria
Emantzipatu gura eta ezin duten Zaldibarko gazte guztientzat alternatiba izango dena bilatzea gura dute Barrurako kideek: “Alternatiba hori zein izango den denon artean erabaki beharko dugu”, diote. San Martinek azpimarratu duenez, “ideal asko daukagu, baina aukera erreala sortu behar dugu”.
Alternatibak eraikitzeko baldintzak Zaldibarren badaudela uste dute: “Batetik, erroldaren arabera 244 etxebizitza huts daudelako gure herrian, Durangaldean badagoelako etxebizitza eskubidearen inguruko mugimendu bat, eta badaukagulako, teorian, udalagaz harreman onak edukitzeko aukera”. Zabartek eta San Martinek uste dute gazte asko ez direla “kontziente arazoaren tamainaz”. Diote, gazteen ia %100ek erantzun duela gurasoenetik joatekotan bikotekideagaz joango liratekeela. “Jenderik gehienak ez du lagunartean alokairuan bizitzeko aukera planteatu ere egiten...”, diote.
Egoeraren erretratua
16 eta 35 urte arteko zaldibartarren egoeraren berri jakiteko, etxebizitzari buruzko inkesta egin zuten irailean. “Bagenekien gazteak oso berandu emantzipatzen direla, baina orain datuak dauzkagu”, diote: “Adibidez, 25 eta 30 urte arteko gazte askok esan ziguten emantzipatzeko asmoa badutela, baina asmo hori bi urteren buruan gauzatzeko modurik ez dutela ikusten”. Bestalde, udalera ere jo zuten informazio eske, eta alokairuaren prezioen eta eredu alternatiboen inguruan ere bildu dute informazioa.
Apirilean, etxebizitza eskubidea aldarrikatzeko akanpada egin zuten Barrura ekimenak deituta, eta Gasteizko Errekaleor auzo okupatuko ordezkari baten berbaldia ere antolatu zuten. Herriko etxebizitza hutsak seinalatu dituzte, eta etxebizitza eskubidea gauzatzeko gazteek dauzkaten zailtasunen berri zabaldu dute herrian.
Albiste hau Anbotok argitaratu du eta CC-by-sa lizentziari esker ekarri dugu ARGIAra.
Maiatzak 8an abiatu eta ekainaren 3ra arte luzatuko da epaiketa. Guztira 35 espetxe urteko eta 200.000 euroko zigorra eskatu ditu fiskalak auzipetuentzako.
HAPOn etxebizitza turistikoak arautu eta mugatzeko aldaketa puntual bat egin arte eten egingo da herrian gisa horretako etxe gehiago irekitzeko aukera. Alokabiderekin hitzarmen bat egin duela ere iragarri du udalak, etxe hutsak alokairuan jartzeko.
Euskal Herriko Etxebizitza Sindikatu Sozialistak deitua, milaka lagun batu dira gaur eguerdian Donostian, “etxebizitzaren negozioaren aurka” eta “etxebizitzarako eskubide unibertsalaren alde”.
Etxebizitza eskuratzeko orduan pertsona arrazializatuek eta migratzaileek jasaten duten bazterketa sistematikoa salatu dute Gasteizen, agerraldi baten bidez. Apirilaren 5ean Donostiara bertaratzera deitu dute, etxebizitza-eskubide unibertsalaren alde.
Aljeriatik datoz Mohamed eta Said [izenak asmatuak dira], herri beretik. “Txiki-txikitatik ezagutzen dugu elkar, eskolatik”. Ibilbide ezberdinak egin arren, egun, elkarrekin bizi dira Donostian, kale egoeran. Manteoko etxoletan bizi ziren, joan den astean Poliziak... [+]
Espainiako hedabideetan aurkitu dugu albistea, salaketa egin dutela Fotocasa eta Idealista etxebizitza-atarien kontra, prezioak manipulatzen dituztelakoan. Salaketan ez dugu manipulazioaren deskribapen zehatzik aurkitu, baina Ameriketako Estatu Batuetan agertu den salaketa... [+]
Ez da gauza berria politikari profesionalak gizarteko arazoak estaltzeko ahaleginetan ibiltzea. Azkenaldian Denis Itxaso -EAEko Etxebizitza sailburua- entzun dugu etxegabetzeei garrantzia kenduz eta aditzera emanez gurean bazterreko fenomenoa direla; eta Begoña Alfaro... [+]
Azpeitiko Udalak etxebizitza hutsei ezarritako kanona abian jarri berritan –eta Euskadi osora zabal daitekeela jakinda–, etxebizitza horien jabeen eta eskuineko alderdien kexak irakurtzen eta entzuten hasiko gara. Jabetzarako Eskubidearen inguruko mantra horiek... [+]
Azora putre funts alokairua igo eta mantentze lanak alde batera utzi ditu, Isaac Lagos eta bere familia etxebizitza uztera behartuz. Kaleratzearen aldeko epai bat jaso berri du maizterrak.
Plataformak "atzerapausotzat" hartu du Eusko Jaurlaritzako Etxebizitza eta Hiri agendako sailburu Denis Itxasok berriki iragarri izana lurzoru urbanizagarrietako etxe babestuen proportzioa %75etik %60ra jaistea. Pradales agintera iritsi zenetik alokairu soziala eskatzen... [+]
Etxera itzuli ahal izan diren arren, joan den azaroan kaleratu zuten Astrabuduko familia berriz ere arriskuan dago. Uribe Kostako Etxebizitza Sindikatuak salatu du mailegu-enpresa berriz ere saiatzen ari dela kanporatzea gauzatzen, oraingoan, desokupazio-enpresa bat... [+]
Etxebizitza berrien promozioak ez atzeratzea da Eusko Jaurlaritzako Gobernu Kontseiluak onartu duen dekretuaren helburu nagusietako bat. Zentzu horretan, udalei "autonomia" gehiago emango diela ziurtatu du Denis Itxaso sailburuak.
Azken boladan gero eta gehiago entzuten dugu gazte askok etxebizitza erosteko ahalmenik ez dugula. Batzuetan, badirudi ez dagoela beste gairik; egia da gai serioa dela. Niri neuri ere, 31 gertu izan arren, oraindik pixka bat falta zait neurea izango den etxebizitza lortzeko... [+]
Azken egunak garrantzi handikoak izan dira Bartzelonan, etxebizitzaren aldeko mugimenduarentzat eta espekulatzaileen aurkako borrokarentzat. Urtarrilaren 28an, polizia-armada batek Raval auzoko Massana Zaharrari [zentro sozial okupatua] eraso egin zion goizaldean, aurrez abisatu... [+]
Lau urte eta erdira arteko kartzela-zigorrak eta 25.000 eurorainoko isunak eskatzen dituzte auzipetuentzat. Duela lau urte, etxe-kaleratze bat gelditzen saiatu ziren Herrandarren kalean.