Miseriazko baldintzak salatu dituzte Pasai Antxon, Etxebizitza Sindikatuarekin batera
Alokabidek kudeatzen ditu alokairu sozialeko etxebizitza horiek, baina bizitzen ari diren "egoera jasangaitzen" berri eman dute bizilagunek. Neurriak hartzeko exijitu diote Alokabideri.
Ordaindu beharreko komunitate tasaren edota uraren eta gasaren prezio neurrigabeak, bizilagunen hitzaren gutxiespena, alokairu kontratu ezegonkorrak, etxegabetze arriskuan dagoen bizilagun bat... Horiek dira, nagusiki, Pasai Antxoko (Gipuzkoa) Eskalantegi kaleko 45. zenbakian bizi diren pertsonek jasan behar dituzten baldintzak. Agerraldi bat egin zuten atzo bizilagunek eta Oarsoaldeko Etxebizitza Sindikatuak, eta orduan eman zuten egoeraren berri.
Alokairu sozialekoak dira atari horretako etxeak, eta Alokabidek kudeatzen ditu. Han bizi direnetik, bizilagunen "ezinegona handituz joan da, gehiegizko prezioak, baldintza txarrak eta etxebizitza sozialen arduraduna den Alokabideren kudeaketa negargarria eta axolagabea direla-eta".
Fakturak pilatuta
Esaterako, alokairu sozialeko etxeak izan arren, komunitate tasa neurrigabeak ordaindu behar dituzte bizilagunek, edozein unetan alokairu kontratua berritzea uka diezaieketela eta euren egoera kolokan egon daitekeela jakin arren.
Bestalde, ura eta gasa bezalako oinarrizko bitartekoak izateko, prezio ikaragarriak ordaindu behar dituztela ere azaldu zuten agerraldian. Horrek eraman ditu "ordaindu ezin diren zorrak" pilatzera. Etxeetan ur beroa edota berokuntza sistema edukitzeko, esaterako, zenbait enpresa bitartekariri ordaindu behar diete bizilagunek, eta, hiru hilean behin, 1.000 euro inguruko fakturei egin behar izaten diete aurre. Eskalantegin bizi direnek, gainera, salatu dute ez direla beraiek egoera hori pairatzen ari diren bakarrak: mankomunitateko babes ofizialeko beste hainbat ataritako bizilagunek prezio antzekoak ordaindu behar dituzte.
Hitzik ez eta egonkortasunik ez
Mankomunitateko gainerako babes ofizialeko etxeetan bezala, etxebizitza-bloke bakoitzeko, boto bakar bat daukate bizilagunek. Hortaz, euren etxeei buruz hartzen diren erabaki ofizialetan, atari bakoitzeko boto baten bidez baino ezin dute esku hartu, "euren hitza hutsaren hurrengoa izatera kondenatuz".
Eta ez hori bakarrik: bere etxetik kanporatua izateko arriskuan dago Eskalantegiko 45. zenbakiko bizilagun bat. Alokabidek berak etxegabetu nahi du, eta etengabe ari da pertsona horri presioa egiten.
Bizilagunek eta Oarsoaldeko Etxebizitza Sindikatuak Alokabide seinalatu dute egoera horren guztiaren errudun eta erantzule modura. Hala, salatu dituzten arazoen aurrean, neurriak hartzeko exijitu diote Alokabideri. "Azken finean, Alokabide bera da beste enpresekin negozioak egiten dituena eta bizilagunen miseriazko egoeraren erantzule", esan zuten.
Etxera itzuli ahal izan diren arren, joan den azaroan kaleratu zuten Astrabuduko familia berriz ere arriskuan dago. Uribe Kostako Etxebizitza Sindikatuak salatu du mailegu-enpresa berriz ere saiatzen ari dela kanporatzea gauzatzen, oraingoan, desokupazio-enpresa bat... [+]
Etxebizitza berrien promozioak ez atzeratzea da Eusko Jaurlaritzako Gobernu Kontseiluak onartu duen dekretuaren helburu nagusietako bat. Zentzu horretan, udalei "autonomia" gehiago emango diela ziurtatu du Denis Itxaso sailburuak.
Azken boladan gero eta gehiago entzuten dugu gazte askok etxebizitza erosteko ahalmenik ez dugula. Batzuetan, badirudi ez dagoela beste gairik; egia da gai serioa dela. Niri neuri ere, 31 gertu izan arren, oraindik pixka bat falta zait neurea izango den etxebizitza lortzeko... [+]
Azken egunak garrantzi handikoak izan dira Bartzelonan, etxebizitzaren aldeko mugimenduarentzat eta espekulatzaileen aurkako borrokarentzat. Urtarrilaren 28an, polizia-armada batek Raval auzoko Massana Zaharrari [zentro sozial okupatua] eraso egin zion goizaldean, aurrez abisatu... [+]
Lau urte eta erdira arteko kartzela-zigorrak eta 25.000 eurorainoko isunak eskatzen dituzte auzipetuentzat. Duela lau urte, etxe-kaleratze bat gelditzen saiatu ziren Herrandarren kalean.
70 urteko emakume bat eta bere biloba bota zituzten euren etxetik, baina hura bereganatu dute berriz. Etxea defendatzeko konpromisoa azaldu du Uribe Kostako Etxebizitza Sindikatu Sozialistak.
Genero-indarkeriaren biktima den emakume bat eta haren bost seme-alabak, horietatik hiru hemezortzi urte beherakoak, etxetik bota nahi izan dituzte ostegunean. Erabakia aurrera eramateko baldintzarik ez zegoela argudiatuta ez dute kaleratzea burutu, baina beste data bat... [+]
Etxebizitza Sindikatu Sozialistak azaldu duenez, gizarte-zerbitzuek ez dute bestelako aukerarik eskaini, kaltetuak eskaera bat baino gehiago egin badu ere. “Legearen, erasotzailearen eta erakundeen aurrean” emakume horrek pairatzen duen erabateko babesgabetasuna... [+]
Burgosko Gamonalen 2014ko urtarrilean gertaturikoa M15 mugimenduak eta antzekoek hauspotutako protesta soil batzuk izan zirela uste duena, oso erratuta dabil. Auzoaren memorian arakatzea besterik ez dago konturatzeko zer nolako eragina izan zuten iraganeko galera sentimenduak,... [+]
Ekainaren 5ean bota zituzten Desokupacyl enpresako bi matoi Sorazuletik, eta bi pertsona identifikatu zituen Poliziak. Urtarrilaren 29an deklaratu beharko du haietako batek.
Iaz egin nuen topo lehen aldiz Ander Zangiturekin, Azpeitiko Dinamoa sormen gunean antolatzen duten Hitzaren Eskolan. Isiltasunaren inguruan aritu ginen, batez ere, hausnarrean. Harrezkeroztik tentu handiagoz erreparatu die haren formei bere ogibidearen mundutik, arkitekturatik... [+]
Auzoko familia bat etxea galtzeko arriskuan dagoela salatu du Berriozarreko Hipotekak Kaltetuen plataformak, hipoteka 600 eurotik 1.150 eurora igo eta gero. Familiarentzako irtenbide bat eskatu du plataformak.
Burlatan, Nafarroan, bi familia euren etxeetatik kaleratuak izateko arriskuan daude. Iruñerriko Etxebizitza Sindikatu Sozialistak azaldu duenez, familia bat putre-funts batek bota nahi du, alokairu kontratua berritzea ukatu diolako; beste familia, berriz, etxejabeak bota... [+]
Urte berria hasi dugu, baina etxebizitza arazo oso potoloa bihurtu zaigula aspaldi honetan, hori ez da berria. Hala ere, azkenaldian zabaldu diren datuak ikusita, 2025a mugarri bat markatzekotan dela esan daiteke, eta iragar ezinak diren ondorio sozial eta politikoak antzeman... [+]
.jpg)
Espainiako Estatistika Institutuak erreferentziazko indize berria argitaratu du urtarrilaren 2an. Horren arabera, alokairuen prezioak gehienez %2,2 garestitu ahalko dira urtean. Indize hau 2023ko maiatzaren 25ean indarrean sartu zen Etxebizitza Legearen ondorio da, eta data... [+]