Mintzalasaik astebetez euskaraz aritzeko egitaraua prestatu du Baionan eta Biarritzen
Mintzalasai taldeak, hamabigarren aldiz, Baiona, Biarritz eta Angelurako zazpi eguneko egitaraua prestatu du. Irailaren 18tik 24ra izango da. Euskaldunek euskaraz aritzeko guneak izatea du helburu, baita euskaraz ez dakitenak hurbiltzea ere.
Oihana Zanponi Mintzalasai taldeko lehendakarikidea da, eta Euskal Irratietan egindako adierazpenetan esan du lantaldea oso pozik dagoela aurten ere ekintza piloa proposatuko dutelako, gauza batzuk berritzaileak eta besteak tipikoak. Astebeteko ekintzen helburua azaldu du: “Berriz hor gara euskaldunak hor garela erakusteko, ikusgarritasuna emateko euskarari, eta euskarazko ekintzak garatzeko”. Berrikuntzen artean da haurren eskola orduetan egingo direla hainbat ekintza.
EPE Euskararen Erakunde Publikoak diru-laguntza apaldu dio Mintzalasairi. Aldiz, herriko etxeek jarraitzen dute diruz laguntzen. Manu Torre Baionako euskara teknikariak hala esan die Euskal Irratiei: “Helburua da bi herriko etxeen [Baiona eta Biarritz] arteko ekimen bat antolatzea eta bien ardura da ekimen hori finantzatzea”.
50 jarduera eta hogei gune Baionan eta Biarritzen
30 elkartek hartzen dute parte astebeteko lanean eta 70 laguntzaile arituko dira. Astelehenetik igandera, egun bakoitzak gai bat jorratzen du hainbat ekintzaren bidez. Astelehenean, kirol eguna izango da; asteartean, hausnarketa eguna; asteazkenean, haurren txanda izango da; osteguna sukaldaritzarako; ostirala kulturari eskainiko diote. Larunbatean, Glisseguna egingo dute eta igandean jai giroa nagusituko da Biarrizko Marion aintziran.
Nafarroa Beherean, Aiherrako 'Beltzegitea' etxean kokatuko da Eguzkilore haurtzain-etxe berria. Euskara, natura eta motrizitate librea oinarri harturik, heldu den apirilean hasiko dira zerbitzua eskaintzen.
Euskarazko murgiltze eredua eta eredu elebiduna duten ikastetxeak gutxiengo izatetik gehiengo izatera pasa dira Ipar Euskal Herrian hogei urteotan, Euskararen Erakunde Publikoaren azterketak erakutsi duenez.
Lehenengo aldiz “euskararen aldarriak hedatzeko” azoka antolatu dute euskararen biziberritzean lan egiten duten zortzi elkartek. Euskararen egunean irekiko da azoka eta abenduko beste hiru egunetan ere egongo da zabalik.
Bankan bizi den Literatura irakasle, ikerlari eta idazlea da. Irailaren hondarrean Itsasun egin zen Irailekoak poesia jaialdiaren baitan Ipar Euskal Herriko Poesiaz eman zuen hitzaldia. Besteak beste, bertan errandakoak hona ekarri nahian hasi gara harekin solasean.
Euskal Herriko lekuen izenen frantsestearen arazoa ez da bakarrik seinale paneletan hizkuntza ez kontutan hartzearengatik izaten, duela zenbait urte hartu helbideratzeari buruzko erabaki baten gauzatzearen ondorioa ere bada.
Azal dezagun, administrazioko hainbat arlo... [+]
Larunbatean ospatu dituzte Ttinka mikro haurtzaindegiaren bost urteak Lakarran. Baxe Nafarroko euskara hutsezko egitura bakarra da, Euskararen Erakunde Publikoaren B ziurtagiriduna.
Maddi Kintanak ekainean aurkeztu du Master Amaierako Lana Bordeleko Unibertsitatearen eta Iker ikerketa-zentroaren laguntzarekin. Gazteen hizkera BAM eta inguruan du izenburu eta Biarritz, Baiona eta Angeluko 18 eta 24 urte bitarteko gazteen hizkera aztertu du. Horretarako,... [+]
“Geldi euskara zapaltzea” lema berriz hartu du Euskal Herrian Euskaraz taldeak larunbatean egin duen prentsaurrekoan. Maiatzaren 17an, esaldi hori Baionako suprefeturan tindatzeaz akusaturik, irailaren 10ean epaituko dute Gorka Roca Torre.
Ikasturte honetan, lehen mailako ehun eskola elebidunetan 5.700 ikaslek ikasiko dute. Bigarren mailan hamasei kolegio eta lau lizeotan 1.600 dira. Zailtasun nagusia aurten ere kolegioan euskararen eta frantsesaren arteko oren parekotasuna erdiestea da.
Uda hasiera. EHZ festibalaren biharamuna (atx, buruko mina). Ikasturte kargatu baten ondotik, hatsa hartzeko gogoa. Burua hustu. Funtsezko elementuei berriz konektatu. Familian denbora hartu, aspaldiko lagunak berriz ikusi eta eguneroko borrokak (pixka bat) pausan eman... [+]
Maddi Kintanak Baiona, Angelu eta Miarritzeko gazteen euskara aztertu du bere tesian. Hitz berriak sortzen dituzte baina baita hitzak beste hizkuntzetatik hartzen ere, besteak beste, interneten eraginez.