Mingainak astindu ditu Iruñeak
Inoiz baino jende gehiago bildu da Iruñerriko III. Mintzodromoan. 180 pertsona inguru aritu dira euskara praktikatzen eta sare euskalduna zabaltzen.
Jendez lepo dago Iruñeko autobus geltoki zaharra. Albo batean haurrak jolasean dabiltza. Bestean, jendea pilatuta eta aulki eta mahi ugari hutsik. “Iruñerriko III. Mintzodromoa hastear da”, esan du bozgorailuetatik Reyes Ilintxeta kazetariak. Iruñerriko AEK euskaltegiak, Iruñerriko IKA euskaltegiak, Iruñeko Hizkuntza Eskola Ofizialak, Zubiarte euskaltegi publikoak eta Euskaltzaleen Topaguneak antolatuta mintza praktikari ekin diote euskara ikasleek, euskaldunek eta euskaltzaleek.
Mintzodromoaren helburua da euskara praktikatzea, sare euskalduna zabaltzea, euskaraz mintzatzeko lotsa galtzea eta beste. Horretarako, launaka eseri eta hiru gaien bueltan mintzatu dira. Ordubete izan dute euskaraz, lanaz eta kontsumo ereduez mintzatzeko; hogei minutu gai bakoitzeko. Horretarako, gai bakoitzaren inguruko zenbait galdera izan dituzte; hala nola “Noiz eta nola sentitzen zara erosoen euskaraz?”, “Telelanaren abantailak eta desabantailak” eta “Behar duguna baino gehiago erosten dugu?”.
Eztabaida handirik ez pizteko, “oso gatazkatsuak ez diren gaiak” aukeratu dituztela azaldu du Euskaltzaleen Topaguneko Emma Arrizabalagak. Horrez gain, “errazak” izatea nahi zuten, euskara maila askotariko jendea dagoelako. Hala ere, parte hartzeko gutxieneko maila B1 da. “Kontsumo ereduak igual zailena izan daiteke hiztegi bereziagoa izan dezakeelako”, azaldu du.
Parte hartzen ari direnez gain, jolasten ari diren haur eta heldu batzuk ere hurbildu dira kuxkuxeatzera. “Kaixo! Barkatu, zer… qué es esto?”, galdetu du batek . “Euskara praktikatzeko ariketa bat”, erantzun diote. “Oraindik gutxi dakit, baina aurrerago…”. Arrizabalagarengana ere hurbildu dira haurrak galdezka. “Oso ongi dago, haur eta familia asko dagoelako. Ongi egonen zen ere kalean egitea, eta hortik pasatzen den jendeak ikustea”, esan du.
Bakoitza bere tokian dagoelarik, aulki dantza hasi da. Gai berri bat hasten den bakoitzean lekuz aldatu behar dira. Xedea da ezezagunekin elkartzea jende gehiago ezagutzeko. Batzuk urduri eta beste batzuk gogoz. Ainhoa, parte-hartzaileetako bat, “oso urduri” esnatu da: “Jende gehiago ezagutu nahi dut. Asko kostatzen zait, baina euskara praktikatu nahi dut”. Batzuk azkar mintzatzen dira, beste batzuk motel, eta elkarri laguntza eskatzen diote. “Nola esaten da electricista euskaraz?”, galdetu du batek. “Elektrikari”, erantzun du besteak.
Mintzatzeko grina
Inoizko parte-hartze handiena izan da: iaz, 100 lagun inguru izan ziren eta aurten 180 inguru. “Ez dakit oso ongi zergatik izan den, izan daiteke apirilean jendea animatuago egotea uda hurbilago ikusten dutelako edo duela gutxi Korrika izan denez jendeari euskaraz hitz egiteko gogoa piztu zaiola”, esan du Arrizabalagak.
Aurten ere, iaz bezala zenbait gonbidatu “berezi” izan dituzte; hala nola Demode Quartet taldeko Iker Huitzi eta Joli Pascualena, eta Jagoba Arrasate Osasuna futbol taldeko entrenatzailea. Laba sarean eta Karrikiri dendan gastatzeko bonuak, Demode Quartet taldeko diskoak eta beste zozketatu dituzte. “Solasean edo abesten, euskaraz beti ongi”, esan du Pascualenak.
EHEk deituta, Baionan manifestazioa egin dute apirilaren 6an. Euskararentzat eta euskaldunentzat justizia eskatu dute, eta Euskararen Errepublika aldarrikatu. Hilaren 11n EHEko bi kide epaituko dituzte Baionako auzitegian desobedientzia ekintza bat egin izanagatik.
Aurtengo Lokizaldeako Euskararen Eguna Murieta herrian ospatu dute, larunbatean, goizean hasi eta ordu txikiak handitu arte. Zita garrantzitsua eta gozagarria da Nafarroako Lizarra ondoko eskualdeko euskaltzaleentzako.
Aurtengo berritasuna da. Ahobizi eta belarriprest rolen artean aukeratzeaz gain, herritarrek Euskaraldia Hikan parte hartzeko aukera izango dute. Hitanoa erabiltzen ez den herrietan, toka eta noka, bien erabilera bultzatuko da, eta hitanoa bizirik dagoen herrietan nokaren... [+]
Ezagutzen duzue Kneecap filma? Oscar sarietarako hautatu zuten. Belfasteko hirukote baten istorioa da. Kneecap Hip Hop talde ezaguna da gaur egun, eta hizkuntzaren aldeko jarrera (gaelikoa) argia dute, IRAren osteko belaunaldiaren gorabeherak kontatzen ditu filmak; drogak eta... [+]
Behatokiak Hizkuntza Eskubideen Egoera 2024 txostena aurkeztu du. Herritarrek helarazitako gertakarien bilduma aztertuta, ondorioztatu dute 2024an egoerak ez duela hobera egin, eta gainera, kexak jaso dituzten hainbat entitateren eskutik urraketak iraunarazteko jarrera sumatu... [+]
Kutxa Banku Fundazioak adierazi du Kutxabankeko presidentearen adierazpenek ez dutela fundazioaren pentsamoldea islatzen, "Hizkuntza aniztasuna beti da aberastasun iturri, nekez izan daiteke oztopo", argudiatu dute.
Gozamen aparta bezain deskribatzeko zaila dakar, norbaiten hitzak irakurri edo entzun ostean, zera pentsatzeak: “Horixe zen neu aurreko hartan azaltzen saiatu nintzena!”. Idazlea eta itzultzailea da María Reimóndez, eta galegoz aritzen da, hizkuntza... [+]
Nafarroako biztanle gehienak (% 63) "euskara sustatzearen aldekoak edo oso aldekoak" dira, eta %17 baino ez daude aurka, Xabier Erizek eta Carlos Vilchesek Eusko Ikaskuntzaren eta Nafarroako Gobernuko Memoria eta Bizikidetzako, Kanpo Ekintzako eta Euskarako... [+]
Hizkuntzakeriatik edo glotofobiatik eta, zer esanik ez, euskararen aurkako gorrototik, askotan ikusi izan dugu gure euskara makila guztien zahagi bihurturik. Azkena, Anton Arriola Kutxabankeko presidentea ibili zaigu makilakari lanetan gure hizkuntzari astindu eta makilakada... [+]
Hemen da "uda bete abentura bizitzeko aukera." Zabalik dago aurtengo Euskal Udalekuetan izena emateko epea. 6 urtetatik 17 urtera arteko haur eta gazteentzako hamaika txanda antolatu dituzte Bernedo, Abaigar eta Goñi herrietan.
Ez atera zalapartarik, ez konfrontatu, ez biktimizatu... eta obeditu. Subjektu zapaldu gisa, kasu honetan euskaldun gisa, mintzo gara, zenbatetan entzun behar izan ditugu halakoak? Ironiaz, honelaxe esan zuen, duela bi urte, Euskaltzale Independentiston Topaketan, Amets... [+]
Euskal hizkuntzalaritza esperimentaleko katedra berria estreinatu dute Baionako fakultatean.
Bilbon eginiko aurkezpenean iragarri dute ekitaldia, euskarari "arnas berri bat emateko eta behar duen indarraldia gorpuzten hasteko" lehen urratsa izango dela nabarmenduta. Euskaltzale guztiei, baina, oro har, "justizia sozialean eta gizarte kohesioan aurre... [+]
Euskal Herrian Euskarazek manifestazioa deitu du apirilaren 6rako, 11n EHEko bi kide epaituko dituztelako. Hiriburuetatik autobusak antolatzen ari dira. Bi helburu bete nahi dituzte, batetik, epaituak izango diren bi kideei babesa erakustea, eta bestetik, euskararentzat justizia... [+]
Anton Txekhov, Raymond Carver eta Alice Munroren ipuingintzari buruzko mahai-ingurua egin dute Iker Sancho, Harkaitz Cano eta Isabel Etxeberria idazle eta itzultzaileek, Ignacio Aldecoa zenaren ipuin literarioaren jaialdian, Gasteizen. Beñat Sarasolak gidatuta, autore... [+]