Abortu eskubidearen alde egin dute AEBetako hainbat estatutan
Washingtonen zein beste hiri ugaritan manifestazioak antolatu dituzte, eta oihukatu “ez dutela atzera egingo” abortu eskubideari babesa kentzeko Gorte Gorenaren epaiaren aurrean.
Washingtonen eta Amerikako Estatu Batuetako beste hiri ugaritan protestak egin dituzte larunbatean abortatzeko eskubidearen alde. Hiriburuan hiru mila pertsona baino gehiago bildu dira antolatzaileen arabera, eta ehunka beste estatuetan zehar. Emakume Martxa hau Donald Trumpek 2016ko hauteskunde presidentzialak irabazi zituenetik urtero antolatu dute. Aurtengoak, aldarrikapen zehatza izan du: estatuarteko mailan abortatzeko eskubidearen babesa deuseztatu duen Gorte Gorenaren epaia arbuiatzea.
Auzitegi Gorenak 1973an ebatzitako epai batek AEB mailan babesten zuen abortatzeko eskubidea. Gorenak aurten hartutako erabakiak, ordea, estatu bakoitzari eskumena eman zion ugalketa-eskubideen gaineko legeak egiteko. Ordutik, AEBetako 50 estatuetatik hamahirutan murriztu egin dira aborturako baldintzak, eta hiru emakumetik batek ez du horretarako eskubiderik.
Azaroan egingo dira Kongresuko bi ganberak berritzeko agintaldi erdiko hauteskundeak, eta lehenak izango dira Gorenak epaia eman zuenetik. AEBetako hainbat hedabideren arabera, emaitzak erabakigarriak izan litezke, abortatzeko eskubidea estatu bakoitzaren esku dagoen testuinguru honetan. Horren harira, Washingtonen Kapitolioaren aurrean oihukatu dute "ez dutela atzera egingo" Gorenaren epaiaren aurrean.
Gaur egun abortatzeko eskubidea erabat debekatuta dago Alabama, Arkansas, Hego Dakota, Idaho, Kentucky, Oklahoma, Louisiana, Mississipi, Tennessee, Texas eta Mendebaldeko Virginian, Center for Reproductive Rights erakundearen datuen arabera.
Ehunka emakume irten dira manifestatzera ostegunean, Brasilgo Sao Paulo eta Rio de Janeiroko kaleetara. Partidu Liberalak legea proposatu du, abortua 22. astetik aurrera homizidio arrunta bezala epaitua izateko. Lege horren arabera bortxatua izan den emakume batek, denbora epe... [+]
Abortuaren eskubidea Frantziako konstituzioan sartu da aste honetan. Baina abortatzeko eskubidea ez da gaur goizeko afera. Jadanik 1970. hamarkadaren hasieran mugimendu azkarrak izan ziren eskubide horren erdiesteko Ipar Euskal Herrian.
Senatuaren babesa jaso zuen joan den ostegunean, eta Kongresuak berretsi du astelehenean konstituzioaren aldaketa agintzen duen neurria. Frantzia da konstituzioan abortu eskubidea "bermatzen" duen munduko estatu bakarra.
267 senatarik alde bozkatu dute eta 50ek kontra. Frantziako Legebiltzarrak eta Senatuak alde bozkaturik, bi ganberak biltzen dituen Kongresuaren bozketa eskas da: martxoaren 4an eginen da, eta printzipioz aldeko botoa gailendu beharko litzateke.
Abokatu Kristauek "iraingarritzat" jo dituzte Donostian agertutako kartelak. Haien ustez, hiru delitu egin dituzte egileek: gorroto-delitua, erlijioen-sentimenduen aurkakoa eta egoera zibilaren usurpazioa. Ekintza anonimoa izan da, Askabide klinikaren ondoan jarritako... [+]
Espainiako Gotzainen Batzarraren izena daramaten kartelak agertu dira Askabide klinikaren ondoan: "Orain abortatzen baduzu, zer joko dugu larrutan hemendik 5 edo 6 urtetara?".
Askabide klinikako langileen ordezkaritza batek agerraldia egin du Gasteizko Parlamentuan, klinika horretako langileek eta bertara haurdunaldia eteteko joaten diren emakumeek bizi duten egoera azaltzeko: izan ere, abortuaren aurkako 40 días por la vida mugimenduak mehatxu... [+]
PPk aurkezturiko helegitea ez du onartu auzitegiak: zazpi magistratuk babestu dute 2010eko Abortuaren Legea eta lauk eman dute kontrako botoa.
Espainiako Estatuan Abortuaren aurkako lobbyak Abortuaren Legea erausteko beste saiakera bat egiten ari dira Gaztela eta Leonen. Hango gobernukide den Vox-ek iragarri du abortatu nahi duten emakumeei fetuaren taupadak entzunarazi edota ekografiak ikusaraziko dien protokoloa... [+]
Espainiako Ogasun Ministerioak urteroko txostenean jaso ditu datuok.
Hilabete hasieran Donostiako epaile batek hartutako bide beretik, Gasteizko epaile batek ere kautelazko neurriak hartu ditu abortuaren kontrako protesten aurka. Askabidek bi hiriburuetan dituen kliniken ateetan ezingo dira bildu abortuaren aurkakoak, gutxienez 100 metroko... [+]
Abortuaren aurkako jazarpena jasateko arriskua dute beren obulazioari buruzko informazioa plataformetara igotzen duten emakumeek. AEBetako estatu guztietan abortatzeko eskubidea bermatzen zuen aurrekaria bertan behera geratu berri den honetan, App hauek erabiltzeari uzteko deia... [+]
