Milaka pertsona batu ditu Bizitza plataformak Bilbon, COVID pasaportearen eta haurren txertatzearen aurka
Bizitza plataformak manifestazioa egin du Bilbon “Stop diktadurarako pasaportea” eta “Askatasuna” zioten bi pankartarekin. Milaka pertsona batu dira La Casillatik atera eta Autonomia kalean barrena joan den mobilizazioan. Covid pasearen eta haurren txertatzearen aurkako aldarriak izan dira nagusi.
"COVID pasea herritarrak kontrolatu eta esperimentu horretan parte hartu nahi ez dutenak diskriminatzeko da". Irakurketa hori egiten dute Bizitza plataformako kideek, eta beren ustez, "agerikoa da pasaporte lotsagarri hau ez dela osasun kontu bat, baizik eta orain arte ezagutzen ez dugun totalitarismo bati atea irekitzen dio, eta oraingoz, atzera bueltarik ez duen totalitarismoa".
Paseaz gain, txertoen aurkakotasunak ere presentzia izan du, zehazki haurren txertaketak. "Gure haurrak babesteko prest gaude: haurrak, ez baitira laborategiko saguak, ez baitira mundura sortu farmazia industriaren medikamentu esperimentalak probatzeko". Aurreko astean Iruñean egin bezala, datozen egunetan Bilbon umeen txertaketa gelditzeko asmoz kereila sartuko dute Liberum elkartearekin batera "preskripzio faltagatik eta informazio faltsua emateagatik".
Pankarta nagusiaren atzetik, beste ugari eraman dituzte manifestatzaileek: "Gera dezagun COVID-19 txertatze esperimentala", "Adin txikikoekin ez da esperimenturik egiten", "Babestu natura" edo "Stop vacunazi pasaportea: terrorismo informatiboa".
Manifestazioan jakinarazi dute epaitegietara jotzear direla pasearen aurka, eta hau indarrean jarri denetik jendeak herrietan aurkeztutako erreklamazioak jasotzen ari direla urtarrilaren 31 bitartean. Ondoren lurralde bakoitzeko epaitegietan aurkeztuko dituzte horiek.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.
Bilboko Lan Arloko Epaitegiak arrazoia eman dio ELA sindikatuari eta ezintasun iraunkor absolutua onartu dio COVID19 iraunkorra duen osasun zentro bateko zeladore bati.
Espainiako Gobernuko Osasun ministro Carolina Dariasek jakinarazi duenez, Ministroen Kontseiluak otsailaren 7an sinatuko du garraio publikoan musukoa derrigorrezkoa ez izatearen dekretua.
Txinan derrigorrezko isolamendu neurriak kendu dituzte nazioarteko bidaiarientzat, eta eguneroko kutsatzeen datuak emateari utzi. Politika aldaketa baten ondorioz dira neurriok, baina egoeraren kontrolik ezak nazioartean izan dezakeen eraginaz ohartarazi dute zenbait adituk.
Iraungi diren gehienak Pfizer markakoak dira, Europar Batasuneko hornitzailerik handiena.
Milaka herritar kalera atera dira hiriburu nagusietan, Txinako Gobernuaren zero COVID estrategiak eragiten dituen kalte ekonomikoak eta psikologikoak salatzera. Aspaldi ikusi gabeko mobilizazioetan orri zuria erakusten dute manifestariek, zentsura irudikatzeko. Pandemia hasi... [+]
Sumindura pikor batekin hartu dute batzuek zero-covid estrategiaren inguruan Renmin Ribao egunkari txit ofizialak aste honetan bertan argitaratu duen artikulu-segida. Ondorioztatu baitute –zuzen, behingoz– Beijingeko agintariek, Partiduaren XX. Kongresua amaitu... [+]
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]
"Azken txanpan" sarturik, arrisku taldeak txertatu, aldagai berriak kontrolatu eta osasun sistemak hobetu behar direla dio MOE erakundeak.
Irailaren 1ean ekin diote 2022-2023 ikasturteari Zuberoan, Nafarroa Beherean eta Lapurdin, COVID-19aren aurkako neurririk gabe. Berrikuntza gehiago ere izan dituzte: Seaskako ikastola eta kolegioetan ehun ikasle gehiago dituzte, eta Irisarrin, Larrainen eta Barkoxen murgiltze... [+]
Ikerketan ia 40.000 hilekodun pertsonek parte hartu dute eta haietatik ziklo erregularra dutenen %42k txertoaren ondoren odoluste handiagoa izan dutela ondorioztatu dute ikerketan.