Milaka pentsionista manifestatu da Gasteizko legebiltzarraren aurrean pentsioen eta eskubide sozialen alde
Euskal Herri osotik heldutako 5.000 pertsonatik gora batu ditu deialdiak, antolatzaileen arabera. Legebiltzarreko alderdiei euren eskaerak helarazi dizkiete. “Batasuna da gure indarra, mobilizazioa gure berme bakarra”, adierazi dute amaierako ekitaldian. Urtarrilaren 30eko greba orokorrean parte hartzera deitu dute.
Gasteizko Legebiltzarraren aurrean mobilizatzeko deia egina zuten Araba, Bizkaia eta Gipuzkoako pentsionisten mugimenduek. Nafarroan astelehenean interpelatuko dute bertako legebiltzarra beste manifestazio batekin. Halere, Nafarroatik ere hurbildu dira pentsionistak Gasteizera. 40 autobus baino gehiago antolatu dituzte herri eta auzoetatik. Aniztasun geografikoa argi antzeman zitekeen manifestarien pankarta, zapi, ikur eta afixetan: Portugalete, Zarautz, Aramaio, Enkarterriak, Barakaldo, Gasteiz, Eibar, Iruñea... Oihu artean eman diote buelta osoa legebiltzarrari. Bitartean, mugimenduaren ordezkariak eraikinean sartu dira alderdi politikoei euren aldarrikapenak eskura emateko. Mobilizazioa jendetsua izan da. Poza nabaria izan da manifestarien artean.
Legebiltzar ondoko katedral berriaren plazan amaitu dute mobilizazioa. 5.000 pertsonatik gora batu direla adierazi dute antolatzaileek. Arabako Pentsionistak Lanean taldeko Jesús María Soubiesek irakurri du komunikatua euskeraz. “Gugatik eta hurrengo belaunaldiengatik” ari direla borrokan esan du Soubiesek. Legebiltzarreko talde politikoei eskakizun ezinbestekoak ez ezik, “egingarriak” luzatu dizkietela azaldu du. Espainiako Gobernuak –funtzioan egonagatik ere– zein Gasteizko Legebiltzarrak –eskumen guztien jabe ez izanagatik ere– pentsioen aldeko neurri ugari hartzeko aukera daukate, Soubiesen esanetan: 2010eko lan erreforma eta 2011 eta 2013ko pentsioen erreformak bertan behera utzi, genero arrakalarekin amaitu, 1.080 euroko gutxieneko pentsioa bermatu edo zerbitzu sozialak indartu, besteak beste. “Egin ahal izan dute eta ez dute egin”, kritikatu ditu alderdiak.
Batasunaren eta mobilizazioaren aldeko aldarria egin dute pentsionistek, eta alderdikerien gainetik kokatu dira: “Batasuna da gure indarra, mobilizazioa gure berme bakarra. Berdin du nork gobernatzen duen, pentsioak defendatu egiten dira. Jo eta ke irabazi arte!”, izan dira Soubiesen azken hitzak.
Greba orokorra
Emmanuel Macronen gobernuak pentsio sistemaren erreforma ezarri nahi du, eta asmo horren aurka mobilizazioak eta grebak izaten ari dira egunotan Ipar Euskal Herrian eta Frantziako Estatuan. Pentsionistek elkartasuna adierazi diete grebalariei. Hego Euskal Herrian greba orokorra deitu du Euskal Herriko Eskubide Sozialen Kartak urtarrilaren 30erako, eta deialdia babestu dute gaurko mobilizazioa deitu duten pentsionisten mugimenduek. Txoriak Txori kantatuz eman diote itxiera ekitaldiari, eta grebaren aldeko oihuen artean sakabanatu dira.
Euskal Herriko Pentsiodunen Mugimenduak bertso lehiaketa berezia jarri du martxan: "Bertsopentsiotan". "Ari garela, ari garela, astelehenero kalean" gaiari bertsoak jartzeko urtarrilaren 15a arte (astelehena) dute epea 60 urtetik gorako Euskal Herriko eta... [+]
1080€ Orain ekimenak, prentsaurreko bidez, larunbatean 17:30ean Baluarte plazatik abiatuko den manifestazioan parte hartzeko deia luzatu du. Eta gainera, dei berezia egin nahi izan diete nafar emakumeei, "pentsioetan ematen den genero arrakala ukaezina delako eta... [+]
Nafarroan 51.000 pertsona dira 1.080 eurotik beherako pentsioa dutenak. Horietatik %66 emakumeak dira. Nafarroako Gobernuak ardura har dezala eta gutxieneko pentsioak ziurta ditzala eskatzen ari dira.
Milaka pentsionista atera dira kalera astelehenean, txistulariekin eta konpartsekin batera, Bilboko Aste Nagusiaren oihartzuna aprobetxatuz. Hainbat erreibindikazio egin dituzte, hala nola 1.080 euroko gutxieneko pentsioa.
Espainiako Enpresarien Zirkuluak dio pentsioen sistema publikoak "bost urte barru" kiebra ez jotzeko modua dela 68 eta 72 urte artera luzatzea erretiro adina. AEBetan eta beste zenbait tokitan eskuin muturrak darabilen diskurtso bera erabili du lobby honek.
Erretreten erreformaren kontrako manifestazioetako batean atxilotu zuten mauletarrak Baionako auzitegian deklaratu beharko du, datorren astean. Elkartasuna adierazi du hainbat herritarrek: “Errepresio gorakada azkartzen ari da”.
Erretreten erreformaren aurkako hamalaugarren greba eguna dute gaur Ipar Euskal Herrian. Frantziako Estatuko 250 bat hiritan egin dute manifestaziorako deia sindikatuek.
Zer pentsa ematen du apirilaren 28an egindako salaketek utzitako arrasto txikiak, eta haren segida bakarra izatea istripuen eta langileen heriotzen kate etengabea. Azkoitian, eraikuntzan beste behin ere, oso ohikoa eta beraz saihesgarria den istripuan hil da 62 urteko langilea... [+]
Astelehenean Bilbotik eta Bergaratik abiatu dira, eta asteartean Agurainetik. Ostegunean Gasteizen batuko dira hiru mobilizazioak.
Ekainaren 8an dute erretreta adina 62 urtetik 64ra pasa duen legea ezeztatzeko ondoko aukera. Hain zuzen, Liot talde independenteak legea ezeztatzeko aurkezturiko lege-proposamena bozkatuko dute egun horretan. Ekainaren 6rako finkatu dute hamalaugarren greba eguna sindikatuek.
Erretretarako adina 62 urtetik 64 urtera atzeratzen duen erreforma pasa arren, aurkako mobilizazioek segitzen dute. Ondoko bideetatik dabiltza testu horren kontrakoak: greba eta manifestazioak; Konstituzio Kontseiluaren ezeztapenaren esperantza mehea; gobernuaren parean postura... [+]
Teorian pobreak egoera horretatik ateratzea helburu duen Diru-Sarrerak Bermatzeko Errentan aldaketak adostu dituzte EAJ, PSE eta Elkarrekin Podemos-IUk, eta indarrean sartu da lege berria. Jende asko kanpoan uzten duela, pobrezia egoeratik ateratzeko ez duela balio eta txiroak... [+]
23.000 lagun batu dira Baionan sindikatuen arabera, eta orokorki, manifestazio guzietan batu da jendetza esanguratsua –Parisen 800.000 dira une honetan, CGTren arabera–. Tonua gogortuz doa manifestarien partetik eta blokeoak eta barrikadak biderkatuz doaz azken... [+]
Pirineo Atalntikoetako prefekturak jakitera eman du lau manifestari atxilotu dituela Frantziako Poliziak. Elkarretaratzera deitzen du Ipar Euskal Herriko Kontseilu Sozialistak, 18:30ean Baionako komisaldegiaren aitzinean.