Dozenaka mila palestinar Gaza iparralde suntsitura itzultzen ari dira
Su-etenaren akordioarekin barnean, Israelgo armadak Netzarim korridorea ireki du. Ia urtebeteko erbestealdiaren ondoren, milaka palestinar euren etxeetara abiatu dira bidaia emozional sakonean. Trumpek gazatarrak Egiptora eta Jordaniara desplazatzea proposatu du, eremua erabat suntsituta dagoela eta "garbitu" beharra dagoela argudiatuta.
Hamasek datozen egunetan hainbat preso israeldar askatuko dituela adierazi ondoren ireki du bidea Israelgo armadak. Astelehen honetako 07:00etan (hango ordua) ireki dute Netzarim korridorea, eta horrek Gaza iparraldean bizi diren palestinarren zirkulazioa ahalbidetu du.
Hamasek “garaipen” gisa eta okupazioaren aurkako borrokaren adierazgarri gisa ospatu du Gazarako itzulera. Adierazi du itzulera “handitasunaren eta erresilientziaren” adierazgarri dela, "dolu eta tragedia" sakonaren aurrean.
Gaza iparraldea izan da Israelek gehien eraso duen eremuetako bat, eta egun etxebizitza eta azpiegitura gehienak suntsituta daude. Bertako biztanleek hilabete askoren ondoren lehenengo aldiz izan dute etxera itzultzeko aukera. Etxebizitza eraitsiak eta suntsitutako eremua aurkituko dute. Hala ere, Hamasek adierazi du itzulera Israelen okupazioaren eta desplazamenduaren porrotaren adierazgarri dela.
Trumpen Nakba berri baterako proposamena
Donald Trump Ameriketako Estatu Batuetako presidenteak Palestinari begirako proposamena egin du igandean. Gaza suntsituta dagoela eta "garbitzea" ezinbestekoa dela argudiatuta, Gazako milioi eta erdi palestinar Egipto eta Jordaniara desplazatzea proposatu du, herrialde horietan epe motzeko edo betiko egoitzak sortuta.
Israelgo ultraeskuineko hainbat kideren babesa jaso du Trumpen planteamenduak. Bezalel Smotrich Israelgo Finantza ministroak esan du "soluzio praktikoak" behar direla bakea eta segurtasuna lortzeko.
Hamasek Trumpen proposamena "arriskutsua" eta "palestinarren eskubideen aurkakoa" dela salatu du. Egiptok eta Jordaniak argi utzi dute ez dutela onartuko palestinarren desplazamendua, eta adierazi dute ezin dutela palestinarren bizitzaren aurka egin.
Armadak egindako genero krimenen gero eta froga gehiago dauden arren, Israelgo emakumeen kolektiboek ez dute aintzat hartu edo ukatu egin dute, neurri handi batean, NBEren gaitzespen txosten berria.
Hamabost langile humanitario hil zituen Israelgo armadak martxoaren 23an, terroristak zirela eta ez zutela euren burua identifikatu argudiatuta. Bideo batek bertsio hori gezurtatu ostean, gertatutakoaren barne-txostena egin dute Israelgo Defentsa Indarrek, baina bertan esaten... [+]
Palestinaren aldeko manifestazioetan parte hartzen duten atzerriko ikasleak kanporatzea baimentzen duen dekretua izenpetu zuen urtarrilaren 30ean AEBetako presidente berriak. Orduz geroztik ikasleen bisen baliogabetzeak errepikatzen dabiltza.
Bi langileek Microsoften 50. urteurreneko ekitaldia moztu zuten ostiralean, eta enpresako buruei Gazako genozidioan duten papera leporatu zieten. Adimen artifizialarekin eginiko armak saltzen dizkio multinazionalak Israelgo armadari.
Palestinako Ilargi Gorria larrialdi zerbitzuak baieztatu du gorpuei eginiko autopsiak erakusten duela soldadu israeldarrek tiro egin zietela medikuei. Hil aurretik osasun langileetako batek soldaduek eraso egin zien unea grabatu zuen mugikorrarekin, eta bideoan ikus daiteke... [+]
Gergely Gulyas Hungariako Presidentetza ministroak eman du erabakiaren berri, Hagako auzitegiak atxilotze agindua ezarrita dion Benjamin Netanyahu Israelgo lehen ministroa herrialdera heldu den egun berean. Israelgo armadak Gazako eremu gehiago hartzeko asmoa duela... [+]
Palestinarekin Elkartasuna plataformaren ekimenez, txirrindularitzarekin lotura duten 70 bat pertsonak eskatu dute talde sionistak ez dezala txapelketan parte hartu, eta lortu dute.
Lekukotasunak, autopsia txostenak eta atxiloaldian izenpeturiko adierazpenak bildu ditu The Independent komunikabide britainiarrak. 2023ko urriaren 7az geroztik 70 palestinarrek dute bizia galdu Israelgo presondegietan. Palestinar presoen alde dabilen Addameer elkartearen... [+]
Berriki zabaldu da Gazako lurralderako Egiptok egindako hirigintza-antolaketa plana. Marrazki batean jaso dira etorkizuneko kale, eraikin eta iruditeria, oraindik metraila eta lehergailuen usaina darion errealitate baten gain. Hirigintza proposamena, beste bonba jaurtiketa bat... [+]
Aurten "Israel Premier Tech" txirrindularitza talde israeldarra ez da Lizarraldeko Miguel Indurain Sari Nagusia lasterketara etorriko. Berri ona da hori Palestinaren askapenaren alde gaudenontzat eta munstro sionistarekin harreman oro etetea nahi dugunontzat, izan... [+]
Zer esango zenioke Palestinako aktibista bati aurrez aurre izango bazenu? Ni mutu geratu nintzen Iman Hammouri nire herrian bertan aurkeztu zidatenean. Eskerrak andre nagusi bat gerturatu zitzaigula eta solaskide roletik itzultzailearenera pasa nintzela.
Palestinako Popular... [+]
Gure Haurrak ere Badira ekimenak deituta, Israelek azken egunetan Gazan hildako gehienak haurrak direla salatu dute. Gobernuei eta erakundeei Israelekin harreman oro etetea ere exijitu diete, "genozidio honen aurka argi eta tinko" lerratu daitezen.
No other land dokumentalaren zuzendari Hamdan Ballal kolono sionistek jipoitu zuten astelehenean bere herrian, beste hainbat palestinarrekin batera, eta Israelgo militarrek eraman zuten atxilo ondoren. Astarte goizean askatu dute.