Milaka lagunek eskatu dute Barcinaren dimisioa
CANeko dieten auzia dela-eta Yolanda Barcina Nafarroako Gobernuko presidenteari dimititzeko eskatu diote milaka lagunek Iruñeko kaleetan. Auzia Nafarroan ikertzen jarraitzeko ere eskatu dute.
Kontuz plataformaren arabera, 10.000 lagun bildu zituen larunbatean egindako manifestazioak. Besteak beste, Sortu, Amaiur, Bildu, Izquierda-Ezkerra eta Geroa Bai alderdietako eta ELA, LAB, Eilas, EHNE eta CGT sindikatuetako kideek hartu zuten parte.
"Ez dizugu ukatzen zeure burua defendatzeko duzun eskubide legitimoa, zure errugabetasun presuntzioa ere errespetatzen dugu eta aukera ematen dizugu frogatzeko legearen arabera jokatu zenuela", zuzendu zitzaizkion Kontuzeko ordezkariak Barcinari, manifestazio ondorengo hitzaldian (pdf). "Baina gainerako herritar nafarrek egin beharko genukeen modu berean egin dezazula exijitzeko bildu gara hemen: pribilegiorik gabe eta Nafarroako epaitegien aurrean, hemen hartu baitzenituen erabakiak, hemen gauzatu baitzenituen erabaki horiek, hemen sinatu baitzenuen Nafarroako kutxaren heriotza agiria eta hemen jaso baitzenituen dietak eta opariak... labur esanda: Nafarroako epaitegien aurrean ematea kontuak".
"Gauza bakar batek ekidin dezake iruñean hasitako auzia madrilen ez bukatzea: Barcinak gobernuko presidentea izateari uztea, herritarrok aldi batera eman genion karguan jarraitzeari uztea. Gaur, tribuna honetatik, dimisioa eman dezala eskatzen diogu, duintasunagatik, baina ez bere duintasunagatik, gure duintasunagatik baizik. Dagokion tokian, Nafarroan, defenda dezala bere burua eskatzen diogu".
Ion Telleria Naiz.info-ko kazetariak sareratutako bideoa:
Ebatzi gabe geratzen zen azken zirrikitu judiziala da artxibatu duena. Ikerketak iraun dituen sei urteren ondoren, epaileak, kasua istea erabaki du irregulartasunik ez dagoelakoan, Diario de Navarra-n jaso dutenaren arabera.
Nafarroako Kutxaren desagertzean "orain arte jakin gabeko datuak" eskuratu direlako eta adierazgarriak izan daitezkeelako helarazi dituzte ondorioak epaitegietara.
Diario de Noticias egunkariak aurreratu ditu Nafarroako Kutxa ikertzen duen batzordeko ondorioak. Alderdiek diote CANek aurrera segitu ahal izanen zukeela bere bidea bakardadean eta ondarearen hondatzea txikiagoa litzatekeela.
Miguel Sanz Nafarroako presidente ohiak Nafarroako Parlamentuan CAN auzia ikertzen ari den batzordean hitz egin du asteazken honetan. Nafarroako Kutxan ustelkeria kasurik izan zenik ukatu du.
Patxi Zamora Kontuz elkarteko eleduna lanetik bota zuten Guardia Zibilak hegazkinean sartzeko baimena kendu eta gero. Lau auzi ditu abian eta 20.000 euro beharko dituztela kalkulatu du elkarteak.
Gobernua babesten duten lau alderdiek eskatu dute presidente ohien agerraldia batzordean. Enrique Goñi Nafarroako Kutxako presidenteak bere burua eskaini du batzorde horretan agertzeko. Jose Antonio Sarria Enpresarien elkarteko presidentea, Jose Antonio Asiain Banka... [+]
Uxue Barkos buru duen gobernuak Nafarroan banku publiko bat sortzeko dauden aukerak aztertuko dituen txostena osatzeko agindu du. Irailean egingo da esleipena eta hamabi asteren buruan txostena bukatuta izango dela aurreikusten da. Orduan “asko eztabaidatu beharko... [+]
Hitzetik hortzera dabiltzan bi gai landu dituzte Geroa Baiko Jokin Castiella, EH Bilduko Bakartxo Ruiz eta Ezkerrako Joseba Ezeolaza parlamentariek, Juan Kruz Lakasta kazetariaren gidaritzapean: Nafarroako Kutxako ikerketa batzordea eta Espainiako hauteskundeak.
Erantzukizun politikoak argitu behar dira CAN desagertu izanak arduradunak dituelako. Argudio horiekin egin zuten ikerketa batzordearen alde Geroa Baik, EH Bilduk, Ahal Duguk, PSNk eta Ezkerrak.
Gero Bai, EH Bildu, Ahal Dugu, PSNk eta I-Ek eskari bateratua erregistratu dute Parlamentuan, Nafarroako Kutxaren "desagertzeari" buruzko ikerketa batzordea berriro martxan jar dadin.
Santiago Cervera PPko diputatu ohia absolbitu du Nafarroako Justizia Auzitegiko Zigor arloko 3. Epaitegiak.
Asteazkenean amaitu da Santiago Cervera PPko diputatu ohiaren aurkako epaiketa. Alde bakoitzak berean jarraitzen du eta fiskalak absoluzioa eskatu du.
Santiago Cervera PPko diputatu ohiak gogor idatzi du Diario de Navarra-ren aurka eta CANen desagerpenean dituen erantzukizunak azpimarratu ditu.