Milaka lagun batu dira Frantziako Poliziak hildako Nahel gaztearen oroimenez antolaturiko ibilaldian
Ekainaren 27an hil du tiroz Frantziako Poliziak hamazazpi urteko gaztea. Pertsona batek filmaturiko bideoan ageri da polizia, arma gaztearen burura hurbildu eta tirokatzen duenean. Haserrea eta ezinegona piztu ditu hilketak eta orduz geroztik kale borrokak ez du etenik Frantziako hainbat auzo popularretan.
Frantziako Poliziak hildako Nahel gaztearen amak deituriko martxa zurira jendetza batu da ostegunean: 20.000 lagun antolatzaileen arabera eta 6.200 Poliziaren arabera. Aniztasun handia zen nagusi: gazteak, zaharrak, familian etorritako auzoak, hautetsiak eta eragile sozialak. Paris ondoko Nanterre hirian gertatu da Poliziaren hilketa, ekainaren 27 honetan. Hamazazpi urte zituen Nahelek eta polizien kontrol batean gertatu da ezbeharra.
Haserrea, pena eta ezinegona nagusi ziren martxa zurian. Nahelen gisa, Zyed, Bouna, Adama, Théo eta beste hainbat gazteren izenak oihukatu dituzte –guziak Frantziako Poliziak hildakoak–. 2020az geroztik 130 lagun baino gehiago ditu hil Frantziako Poliziak, Bastamedia komunikabideak egindako ikerketa independentearen arabera: 2020an 40, 2021ean 52, eta 39 iaz (aurtengo daturik ez dute zehaztu). Nahelen gisara, beste 26 zituen iaz tirokatu. 2017ko otsailean onartutako Segurtasun Publikoaren Legeak egoera okertu besterik ez du egin, arma erabiltzeko aukera legalak zabaltzen dizkiolako Poliziari. Gaztea hil duen polizia preso sartu du fiskaltzak, nahita egindako homizidioa egotzita. Hain zuzen, hilketaren unea filmatu zuten pertsona batek eta bertan ageri da polizia arma gaztearen burura hurbiltzen eta tirokatzen.
Nahelek senideek ezin izan dute hitza hartu martxaren bukaeran, Poliziak, gas negargarriak erabilita, jendea sakabanatu duelako bukaera baino lehen.
Arazo sistemikoa
Frantziako hiri handien inguruko auzoetan dute nagusiki pairatzen Poliziaren gehiegikeria, arrazakeria eta klase-zapalkuntza juntatzen direlarik. "Arrazakeria sistemikoa" salatzen ari dira eragile politikoak. "Anaia hil zen beltza zelako, Adama Traore deitzen zelako, langile auzokoa zelako" kontatu zion ARGIAri Assa Traorek, Poliziak hildako gaztearen arrebak. Arazoaren sustraietara jo eta ondokoa adierazi zuen elkarrizketan: "Esklabotzaren garaira itzuli behar da ulertzeko. Frantziaren kolonialismoa ere hor da, oraindik erroturik. Ez baduzu larru kolore egokia, ez zara pertsonatzat hartua. Nire nebaren aldeko borrokaren bidez logika hori dugu gainazpikatu nahi".
Poliziaren errepresioaren eta presioaren bukaeraz gain, zerbitzu publikoen garapena galdatzen dute auzo horietako eragileek, martxa zurian egondako batek Mediapart-ei errandakoari segi, "Poliziaren instituzioa delako gaur egun dugun zerbitzu publiko bakarra". Urteak dabiltzala langabeziari, diskriminazioei eta bazterketa sozialari aurre egiteko neurriak galdatzen, baina egoera ez doa hobera, auzo popularrak sutan direlarik bakarrik zaielako begiratzen. Berriro ere sutan dira, 2005ak utzitako irudiak berriz gaurkotuta.
Hiri bazterrak sutan
Nahelen hilketak –fiskaltzak ere nahita egindako homizidio gisa sailkaturikoak– sua piztu du beste behin Nanterren eta handik gutxira Frantziako auzo herrikoietan.
700 lagun baino gehiago atxilotu dituzte. 40.000 polizia baino gehiago kalean dira, drone bidezko segipenak baimendu dituzte eta gauean etxeratze-aginduak hartu dituzte hainbat hiritan, Estatuaren erantzuna gogorra da, baina giroa ez da eztitzen ari.
Ospitaletik irten eta berehala prentsaurrekoa eman du Iker Aranak, Errekaldeko gaztetxearen aurrean. Gaztetxearen desalojoan ertzainek "neurrigabeko indarkeria" erabili zutela salatu du, eta salaketa hurrengo egunetan aurkeztuko du.
Iazko abuztuan, Irundik gertu, ertzainek atxilotzean izan zuen bihotzekoa gizon batek. Eneko Valdésen heriotzaren ikerketan, Polizia errugabetu zuten.
Bilboko Etxarri II gaztetxearen hustuketan gertatutakoaz hitz egin du Ertzaintzaren jaurtigai baten ondorioz barrabila galdu duen 33 urteko bizilagun batek. Beste zenbait bizilagunekin zegoen han, gaztetxeko kideen elkartasunean, "modu baketsuan".
"Amorru handiko eguna" dela adierazi du Zabarteren senar Noboak, emazteak epailearen aurrean deklaratu berritan. 2024ko martxoan jokatu zen Realaren partidu baten atarian zauritu zen foam jaurtigai batekin, eta Donostiako ospitaleko Zaintza Intentsiboko Unitatean... [+]
Azken astean ezagutarazi moduan, Eusko Jaurlaritzaren Balorazio Batzordeak txosten banatan aitortu ditu estatuaren biktima gisa. Justizia sailburuak ekitaldi pribatu banatan entregatu dizkie dokumentuak.
Rosa Zarra Ertzaintzaren pilotakada baten ondorioz hil zela da Eusko Jaurlaritzako Poliziaren Biktimen Balorazio Batzordeak atera duen ondorioa, Berria-k jakinarazi duenez. Orain arte, Ertzaintzak beti egin dio uko bertsio horri, eta Rosa Zarra berak zuen gaixotasunaren ondorioz... [+]
Lau agenteak lesio-delituengatik ikertzen ari dira eta horrek galarazten du 2024ko amnistia aplikatzea. Polizia horietako batek, ustez, gomazko bala batekin begi bat zartatu zion Roger Español kataluniarrari.
Ertzaintzak martxoaren 13an Bilbon zauritutako bi pertsonaren testigantza jaso ditugu. Athleticen partidaren ostean larriki zauritu zituzten aita-semeak, borra-kolpeka, eta atxilo eraman zuten haietako bat. Furgonetatik ikusi zuen ertzainek nola egin zuten tiro jendearen kontra,... [+]
2023an Zaballako espetxean euskal presoen alde egindako martxarengatik ezarri zizkieten isunak. Helegiteen ezeztapenaren aurrean epaitegietara joko dutela adierazi du antolakundeak, eta Poliziaren inpunitatea salatu du.
GALeko biktima talde batek eman du kereilaren nondik norakoen berri Bilbon egindako prentsaurrekoan, Egiari Zor fundazioak eta Giza Eskubideen Euskal Herriko Behatokiak lagunduta. GALen aurkako eta, zehazki, José Barrionuevoren aurkako kereila aurkeztuko dute.
Euskal Herrian Euskarazen arabera, Tolosako tren geltokiko segurtasun agente batek eraso egin zion militante bati, agenteari euskaraz hitz egiteko eskatu ziolako. Tolosako alkateak "kezka" adierazi du eta azalpenak eskatuko dituela jakinarazi.
.jpg)
31 urteko emakume kolonbiarra osasun zentrora eraman ordez ertzain etxera eramatean agenteek "akatsa" egin zutela aitortu du Segurtasun sailburuak, baina azpimarratu du ez zuela "jipoirik" jaso.
Martxoaren 3ko Memoriala hornitzeko erabiliko dira bildutako objektuak. Ekimena ahalik eta jende gehienarengana iristeko asmoz, jardunaldiak antolatuko ditu Martxoak 3 elkarteak Gasteizko auzoetan.
.jpg)
Karen Daniela Ágredok dioenez, zortzi bat ordu eman zituen ziegako zoruan etzanda Ertzaintzak ospitalera eraman aurretik. Segurtasun sailburu Bingen Zupiriak berak eskatu du Eusko Legebiltzarrean agerraldia egitea.
Karen Daniela Ágredok dioenez, atxilotu zutenean berak ez zuen ertzainik zauritu, haiek lurrera bota zuten eta konortea galdu zuen. Ondoren, Ertzaintzaren komisariaren zoruan iratzartu zen eta handik ospitalera eraman zuten.