Milaka lagun kalean 238 herritan, euskal presoen aurkako salbuespen legediak amaitzeko eskatzen
Azken urteetan euskal herritar gehien kalera ateratzen duen deialdia izan ohi da urtarril hasieran euskal preso politikoen babeserako egin izan dena, eta aurten ere, hala izan da. Aurten, baina, pandemia testuinguruan, modu deszentralizatuan egin dituzte larunbat arratsaldean mobilizazioak 238 auzo, herri eta hiritan. Sare arduratu da Hego Euskal Herriko protestak antolatzeaz, eta Bake Bidean eta Bakearen Artisauak Ipar Euskal Herrikoaz. Estatuei dei egin diete salbuespen legediak bertan behera uzteko, euskal presoak Euskal Herriratzeko eta bake prozesuan aurrera egiteko.
Azken urteetan Baiona eta Bilbon euskal preso politikoen eskubideen alde kalera atera ohi ziren milaka lagun, aurtengoan, beste nolabait mobilizatu behar izan dira, COVID-19 pandemiagatik. Aurten mobilizazio deszentralizatua egitea erabaki dute antolatzaileek, eta hala, milaka lagun atera dira kalera. Lurraldeka xehatuta, Nafarroan 78 deialdi egin dituzte, Bizkaian 74, Gipuzkoan 69, Araban 17 eta Baionan izan da Zuberoa, Nafarroa Beherea eta Lapurdiko mobilizazio bateratua.
Baionakoa mobilizaziorik handiena
Ipar Euskal Herriari dagokionez, hitzordu bakarra finkatu zuten Bake Bidea eta Bake Artisauek Baionan. Zuberoa, Nafarroa Beherea eta Lapurditik bertaraturik, 2.000 lagun elkartu ziren Errobi ibaiaren bi aldeetan, Baiona Tttipiaren eta Baiona Handiaren arteko muga “euskal presoak etxera” aldarriz estaliz eta giza-katea osatuz.
Aieteko Adierazpena egin zenetik hamar urte pasa direla, bake prozesuari bultzada bat emateko beharra eta eskaera berretsi zuten bukaerako hitzartzean Bake Bidea-ko Anais Funosas eta Mixel Berhokoirigoinek: “Azken eguneko aktualitateak berriz ere agerian eman digu: atzo, Xistor Harambururen baldintzapeko askatasunarekin piztu zen esperantza izpia, Mikel Barriosen presondegiratze aginduarekin itzali da berehala. ‘Bien arteko’ egoera hori, ez dugu onartzen; gure zainekin jostatzea, ez dugu onartzen. Bake prozesuaren kontrako neurririk ez dugu gehiago onartzen. Ez gibelera egite, ezta statu quorik ere: aitzinatu behar dugu!”.
Bozketa bidez Euskal Hirigune Elkargoak gehiengo zabalean sostengaturiko mobilizazioa izan zen larunbatekoa eta hauen ordezkari gisa, Donibane Lohizuneko eta Aiziritzeko auzapezek ere hitza hartu zuten mobilizazio bukaeran, Frantziako Gobernuaren “axolagabekeria” salatzeko eta preso politikoen auziari begira “konponbidea” exijitzeko. Lapurdiko, Nafarroa Behereko eta Zuberoako 150 bat hautetsi egon ziren Baionako giza-katean.
Hego Euskal Herriko 237 herri kalean
Sei puntuko aldarrikapena irakurri zuten EHUko errektore ohi Iñaki Goirizelaiak eta Amaia Goirigolzarrik Bilboko mobilizazioaren amaieran, Berria-ko kronikan irakur dezakegunez: euskal presoen euskal herriratzea, senideei eragindako zigor erantsia amaitzea, preso guztiei gradu progresioa ahalbidetzea, larri gaixo dauden eta adinez nagusi diren presoak etxeratzea, haur motxiladunek gurasoekin bizitzeko duten eskubidea errespetatzea, eta Frantzian betetako zigor urteak Espainian kontuan hartuak izatea.
Prentsara bidalitako oharrean, Sarek, datuak emateaz gain, nabarmendu nahi izan du "garai itxaropentsuak ditugu aurrean. Zerbait mugitzen ari da. Preso batzuk hurbildu dituzte, baina oso astiro, eta gutxi dira Euskal Herrira ekarri dituztenak".
Jarraian zenbait argazki eta bideo.
.jpeg)
.jpg)
.jpg)
.jpg)
.jpg)
.jpg)
#Oñati|ko plaza
— Xabier Igartua (@XabierIgartua) January 9, 2021
Etxean behar ditugu! #BideaGara pic.twitter.com/4alkgWhCdL
Miguel Angel Blanco PPko zinegotzia bahitu eta hiltzearen ardura politikoa egotzi nahi zioten, baina auzia preskribatuta dagoela iritzi dute epaileek.
Datorren urtarrilaren 11n Bilbon Sare Herritarrak deitutako mobilizazioaren leloa “Behin betiko konponbidea” izanen da, eta urtero bezala milaka lagunen babesa espero du Sarek.
EAEko Justizia Auzitegi Nagusiak ebatzi du hirugarren graduan dagoen presoak eskubidea duela langabezia jasotzeko. LAB sindikatuak aurrekari gisa ikusi du epaia eta urrats bat dela dio "presoen oinarrizko eskubideak aitortzera bidean".
Espainiako Estatuko espetxeetatik Euskal Herriratu gintuztenetik Zaballako espetxean komunikazioaren alorrean gabezia ugari topatu ditugu. Aurrez aurreko gutxiago eta laburragoak dauzkagu, lokutorioko bisitak baldintza tekniko kaxkarretan gauzatu behar izan ditugu eta telefono... [+]
"Jarrera proaktiboagoa" eskatu dio Eusko Jaurlaritzaren Justizia Sail berriari Sarek, abuztuaren 20an egindako prentsaurrekoan. Espetxeetako normalizazioa "oraindik urruti" dagoela salatu dute, ikusita 148 presoetatik "ehun preso baino gehiago" egon... [+]
Bakio, Laida, Lekeitio, Mutriku, Orio eta Donostian egin dituzte Etxeratek urtero antolatzen dituen hondartzetako mobilizazioak. Aurten Sare Herritarra batu da aldarrikapenera.
Hamahiru urte pasa ditu preso Atristainek, iragan abendutik hirugarren graduan zegoen eta martxoaz geroztik zigorra etxean betetzen ari zen kontrol telematikoarekin.
ETAko presoek espetxetik ateratzen direnean, egindako mina onartzeaz gain, "eragindako kaltea injustua" izan zela aitor dezaten lan egingo du Jaurlaritzak, María Jesús San José sailburu sozialistaren arabera.
Plataforma herritarrak gaur egun arte lortutakoaren balioa nabarmendu du, eta adierazi du gizarteak “bultzada bat” eman behar duela “oraindik erbestean eta deportazioan daudenak” etxeratzeko. Etorkizuneko belaunaldiei gizarte hobeago bat uzteko garrantzia... [+]
Bi edizio baino ez zaizkio geratzen elkartasun jaialdiari. Antolakuntzak iragarri bezala, ohiko jaialdia eginen dute abenduaren 28an, eta 2025eko uztailean lau eguneko jaialdi berezi baten ostean, agur esateko une gazi-gozoa helduko da. Aritz Colio Hatortxuko antolakuntzako... [+]
2024ko abenduan eta 2025eko uztailean egingo dituzte euskal preso politiko, iheslari eta deportatuekiko elkartasuna ardatz duen musika jaialdiaren azken bi edizioak. “Hatortxu badoa, baina erreminta berriei bide emateko”.
Palestinako umeek ere galdera hori buruan ote duten pentsatu dut gure liburua eskuartean dudala. Zenbat lo falta ote diren genozidioa amaitzeko. Zenbat haur hil ote behar dituen oraindik Israel estatu sionistak munduko estatuen konplizitatearekin.
Beraien amei luzatuko ote... [+]
Torturatu zuten Iratxe Sorzabal presoa eta haren ama ditu protagonista Bi arnas dokumentalak. Duela bi urte abiaturiko prozesua borobiltzeko ekitaldia egin dute eta bide horretan lortutako etekin ekonomikoak bi elkarteri eman dizkiote: Harrera eta Axut! Ekitaldiak une... [+]
Espetxe eskaera AVT biktimen elkarteak egin du eta, horren bidez, presoen ongi-etorriak antolatzeaz akusatutako sei pertsonari bederatzi urteko espetxe zigorra eskatzen zaie.