Milaka herritar mobilizatu ditu Bilbon “Amnistiaren norabidean, presoak eta iheslariak etxera” manifestazioak
Preso ohiek deituta, milaka euskal herritar gerturatu dira igande eguerdiz Bilboko La Casillara. Preso Politikoen Nazioarteko Egunean hauen aitorpen politikoa egin eta gatazkaren konponbidean duten garrantzia nabarmendu dute.
12:00ak pasata abiatu da mobilizazioa La Casillatik. Preso ohiek hartu dituzte manifestazioko lehenengo lerroak, ikurrinak eskutan eta espetxean jarraitzen duten ehundaka kide gogoan. Preso politikoen eta iheslarien aitortza politikoa egin asmoz, oihuka irten da protesta. Bilbora gerturatu diren milaka manifestariek txaloka hartu dituzte preso ohiak, eta bat egin dute "Amnistiaren norabidean, presoak eta iheslariak etxera!" leloarekin.
Manifestariek hainbat aldarri zabaldu dituzte. Amnistiaren aldeko eta dispertsioaren aurkako ohiuek hartu dute kalea. Preso gaixoak, deportatuak zein deserrian diren militante politikoak gatazka konpontzeko ezinbesteko subjektuak direla azpimarratu dute.
Ibilbidean zehar Mirentxin gidariak, deportatuen senideak eta hainbat sumario politikotan auzipetuta dauden herritarrak presente egon dira. Mirentxin gidarien taldeak esaterako, maiatzaren 7an Larrabetzun ospatuko duen jaialdiko egitaraua zabaltzeko ekimena egin du, furgonetetara igota.
13:00ak aldera iritsi da manifestazioa Bilboko udaletxera. Preso ohiek eraikineko eskilarak hartu dituzte, "espetxera eraman zituen borrokaren jarraitzeko" hautua eginda.
Espainiar zein frantziar estatuetako espetxeetan dauden presoen gutunek hasi dute ekitaldia: "Mundua eraldatu nahi dugulako gara preso politiko, zapalkuntzarik onartzen ez dugulako".
Ana Belen Egüesek (Cordoban espetxeratua) Ezker Abertzalearen proiektu independentista bultzatzeko deia egin du. Ondoren, EPPK-ren izenean "kalea gatazkarekin bukatzeko" lerrokatzearen beharra nabarmendu dute, Abian prozesuarekin eta preso ohiek aurkeztutako erabakiarekin bat eginez. Modu horretan, legediaren barruan mugitzeko asmoa adierazi dute, bi marra gorri ezarriz: damua eta barkamena.
Amaitzeko, Juan Mari Olanok hartu du hitza. EPPK-k prozesu indepentistari egin beharreko ekarpenaz mintzatu da, dispertsioa salatu eta egoera soziopolitikora egokitzeko ahalmena nabarmendu du.
Mundu zabalean dauden preso politiko guztiei egin die keinu, tartean azken astean hil berri den Brahim Saika preso politiko sahararrari. Gatazka konpontzeko herritarrek hartu beharreko ezinbesteko konpromisoa azaleratu dute, EPPK-k bere baitan egin beharreko prozesu eraldatzaileari aipamena eginez: "motzean lotuko gaituen katerik ez dago, gure ametsak hertsiko dituen kaiolik ez dagoen bezalaxe".
Albiste hau Topatu.eus-ek argitaratu du eta CC-by-sa lizentziari esker ekarri dugu ARGIAra.
ETAko presoek espetxetik ateratzen direnean, egindako mina onartzeaz gain, "eragindako kaltea injustua" izan zela aitor dezaten lan egingo du Jaurlaritzak, María Jesús San José sailburu sozialistaren arabera.
Plataforma herritarrak gaur egun arte lortutakoaren balioa nabarmendu du, eta adierazi du gizarteak “bultzada bat” eman behar duela “oraindik erbestean eta deportazioan daudenak” etxeratzeko. Etorkizuneko belaunaldiei gizarte hobeago bat uzteko garrantzia... [+]
Bi edizio baino ez zaizkio geratzen elkartasun jaialdiari. Antolakuntzak iragarri bezala, ohiko jaialdia eginen dute abenduaren 28an, eta 2025eko uztailean lau eguneko jaialdi berezi baten ostean, agur esateko une gazi-gozoa helduko da. Aritz Colio Hatortxuko antolakuntzako... [+]
2024ko abenduan eta 2025eko uztailean egingo dituzte euskal preso politiko, iheslari eta deportatuekiko elkartasuna ardatz duen musika jaialdiaren azken bi edizioak. “Hatortxu badoa, baina erreminta berriei bide emateko”.
Palestinako umeek ere galdera hori buruan ote duten pentsatu dut gure liburua eskuartean dudala. Zenbat lo falta ote diren genozidioa amaitzeko. Zenbat haur hil ote behar dituen oraindik Israel estatu sionistak munduko estatuen konplizitatearekin.
Beraien amei luzatuko ote... [+]
Torturatu zuten Iratxe Sorzabal presoa eta haren ama ditu protagonista Bi arnas dokumentalak. Duela bi urte abiaturiko prozesua borobiltzeko ekitaldia egin dute eta bide horretan lortutako etekin ekonomikoak bi elkarteri eman dizkiote: Harrera eta Axut! Ekitaldiak une... [+]
Espetxe eskaera AVT biktimen elkarteak egin du eta, horren bidez, presoen ongi-etorriak antolatzeaz akusatutako sei pertsonari bederatzi urteko espetxe zigorra eskatzen zaie.
Badira sei-zazpi urte kartzelan dauden presoek euskara ikasteko duten eskubidea bermatzeko helburuarekin, lanean aritu den euskara-irakasleen sare bat: Presoen Euskara Irakasleen Taldea.
Espainiako Auzitegi Nazionaleko Manuel Carcía Castellón epaileak sei pertsona epaituko ditu Ongietorrien auzian: Antton López Ruiz Kubati, Kai Saez de Egilaz, Pipe San Epifanio, Haimar Altuna, Oihana Garmendia eta Oihana San Vicente. Guztiak Sortuko kideak... [+]
Astelehenean jakinarazi du albistea Etxerat elkarteak. Otxandioko preso politikoa baldintzapeko askatasunean zegoen 2023ko martxoaz geroztik.
Kontzertuen bidez euskal preso eta iheslariak laguntzea da xedea. Aurten, Rakatapunk, Xutik eta Esne Beltza dira egitarauan.