Milaka herritar bildu dira Ondarroako IbilaldiXEn ikastolen festan
Zubi Zahar Herri Ikastola izan da 2023ko antolatzailea, eta balorazio positiboa egin du igandeko egunaren inguruan. Euskarazko hezkuntza aldarrikatu dute festa giroan, eta testigua pasa diote San Nikolas Algortako ikastolari.
Milaka haur, gazte eta heldu elkartu dira Ondarroan igandean, ikastolen aldeko festan. IbilaldiXE izan da aurtengoa, eta ekintza ugari egon dira egun osoan zehar, musika, dantza eta jolasak, besteak beste. Zubi Zahar Herri Ikastola izan da antolatzailea, eta ordezkariek balantze positiboa egin dute; giro atsegina azpimarratu dute. Azterketak Euskaraz-eko ikasle, irakasle eta gurasoak ere bertan izan dira, Ipar Euskal Herriko ikasleen aldarriak Ondarroan ere zabaltzeko.
Eider Aldarondo ikastolako irakasleak ikastolen garrantzia azpimarratu du: “Gure ikastola bizirik egoteak ahalbidetzen du Iparraldeko eta Nafarroako haurrek euskaraz ikasteko aukera edukitzea”. Gogorarazi dute ikastolak hasieratik hezkuntza sistema euskalduna defendatzen duela Euskal Herri osorako: “Zoritxarrez, gaur egunean ere leku batzuetan ez da posible euskaraz ikastea, eta guk gure haurrak euskaratik eta euskaraz hazi eta hezi nahi ditugu, Ondarroan zein Itsasun, Altsasun zein Alozen, Oreretan zein Etxarri-Aranatzen, Donapaulen zein Oionen”.
Instituzio publikoetako ordezkari batzuk ere Ibilaldian egon dira, horien artean Jokin Bildarratz Eusko Jaurlaritzako Hezkuntza sailburua, eta azaldu du euskara “oso osasuntsu” dagoela Ondarroa eta inguruetan, baina “kilometro gutxira” egoera guztiz desberdina dela. Hain zuzen, antolatzaileek nabarmendu nahi izan dute Ondarroa “euskara berea duen herri bat” dela, eta herri hori ikusarazi nahi izan dute IbilaldiXEn.
2024ko Ibilaldia antolatzeko ardura San Nikolas Algortako ikastolarena izango da, eta jada hartu dute testigua, ikastolak sostengatzeko festa prestatzen hasteko.
Bilbotik Tafallarako dagoen bidean, eskuz esku eta ikastolaz ikastola idazten ari den ipuina da aurtengo Liburu Ibiltaria. Idazleek ez dute elkar ezagutzen eta eremu soziolinguistiko desberdinetako ikasleak dira, baina asmo komun bat dute denek: guztien artean, txandaka, euskara... [+]
Hiruka.eus-en Iker Rincon Morenok Sopelan antolatutako Ibilaldiaren jarraipena egin du igandez. 1.800 lagun bildu dira Sopelako lau gunetan Leioako Betiko ikastolak eta Sopelako Ander Deuna ikastolak antolatutako ikastolen aldeko jaialdian. Hurrengo Ibilaldia Bilboko Abusu... [+]
Sopelan egingo da Ibilaldia, maiatzaren 30ean. Aurtengo edizioak ez du ibilbiderik izango, ez janari ez edari zerbitzurik, Ander Deuna eta Betiko ikastoletako ordezkariek jakinarazi dutenez.
Aurten Leioa eta Sopelan ospatuko den Ibilaldiaren abestia eta bideoklipa kaleratu dituzte, Kala kalata! leloa oinarri hartuta jarri dio letra Xabi Payak.
Ikastolen Elkarteak datak zehaztu ditu: Herri Urrats irailaren 20an Senperen, Kilometroak urriaren 4an Amasa-Villabonan, Araba Euskaraz Amurrion eta Ibilaldia Elorrion urriaren 18an. Aldiz, Lizarrako ikastolak eta Nafarroa Oinez fundazioak adierazi dute ez direla baldintzak... [+]
Udaberriko ikastolen jaiak atzeratuko dituela iragarri du Ikastolen Elkarteak. “Saminez” hartutako erabakia izan dela adierazi du, baina uneotan "gizateria eta gizarte mailako beste lehentasun batzuk" dituela, eta egoera orokorra aldatu arte ezingo duela... [+]
Atsekabe handiz jaso dugu iragan maiatzaren 27an Santurtzin sexu eraso baten salaketa izan denaren berria. Ibilaldia igaro eta astebete geroago horrelako berri bat jasotzeak atsekabea eta asaldura eragin digu, egun handia izan zelako Bihotz Gaztea ikastolarentzat eta, oro har,... [+]
Sustrai Colina bertsolariak idatzi du abestiaren hizkia eta Ze Esatek taldeak jarri dio doinua. Bideoklipean Santurtziko Bihotz Gaztea ikastolako neska-mutilek hartu dute parte.
Larramendi ikastolak antolatu du 39. Ibilaldia, Mungian, eta milaka lagun elkartu dira zirkuituaren lau guneetan. Araba, Bizkaia eta Gipuzkoarako Hezkuntza Legea lortzeko akordioak bilatzeko eskaera egin du Ikastolen Elkarteak.
Mungiako Larramendi ikastola eraldaketa unean dago. Plan integral baten erdian murgilduta daude, ikastolaren beharrak atzeman eta horien araberako proiektuak abiatzeko. Prozesuak krisia eragin du etxe barruan, baina eraldaketaren bide aldapatsuari gogoz heldu diotela kontatu... [+]
Parekidetasuna zeharlerro moduan landu dute Ibilaldian, eta, horretarako, lau pertsonako lan-taldea sortu dute.
Ikastola ezohikoa da Harrobia: Lanbide Heziketako ikasketak eskaintzen ditu euskaraz Bilbon, duela lau urtetik. Aurtengo Ibilaldia antolatzeaz arduratu den ikastetxe honetan, gainera, adindunentzako ariketa fisikoa dute ikerketagai, egitura argirik ez duen gaiari oinarri... [+]