Arabako 35 enpresa batzordek, ostalariek, pentsiodunek, gazteek eta beste hainbat sektorek enplegu duinaren defentsan deitutako mobilizazio bateratuak milaka lagun bildu ditu Gasteizen.
Larunbat honetako 17:00etan, manifestazio handi eta bateratu bat abiatu da Gasteizko Bilbo Plazatik, Araba enpleguaren defentsan! Defenda dezagun enplegu duina! lelopean.
Aernnovako langileek Los Angeles elizan egindako itxialdian sortutako egitasmoaren antolatzaileen artean, Aernnova, SDA Factory, Laminaciones Arregui edo Alestiseko enpresa batzordeak daude; baita SOS Ostalaritza plataforma, Arabako pentsiodunen mugimendua, Gazte Prekarioen Sarea eta kirol jardueretako langileak ere.
Gainera, ostiral honetan euren atxikimendua plazaratu dute 50 enpresa batzorde eta kolektibok baino gehiagok. Atxikimendu horien artean aipatzekoak dira, besteak beste, Arabako 35 enpresa batzorderen babesa, Martxoak 3 Elkartearena, Haurreskolak Partzuergoko langileena, taxilariena edo Glovoko riderrena.
Sindikatuei dagokienez, LAB, ESK, STEILAS, LSB-USO, CGT eta CNT sindikatuek mobilizazioa babestu dute, baina ELA, CCOO eta UGT sindikatuek, berriz, ez dute parte hartu.
Enpresa batzorde eta askotariko sektore zein kolektiboen manifestazio "bateratua, globala eta plurala" antolatu dute, "edozein arrazoirengatik enplegu duinarekin konprometitutako egoera bizi duten enpresa eta sektore guztiak" gonbidatuz. Sektore horiekin bat egin dute herritar askok, "erantzun sozial bateratu eta masibo bat" emateko helburuarekin.
"Araban enplegu duina defendatzea, gizarte eskubideetan, zaintzan, zerbitzu publikoetan eta abarretan dituen ondorioekin, gizarte osoak inplikatu behar duen eta administrazioek ozen eta argi entzun behar duten aldarrikapena da", adierazi dute.
"Enpleguaren aurkako eraso sistematikoa"
"Azken hilabeteetan, enpresa eta sektore asko atera gara kalera, kaleratzeak, EEEak, eskubideen murrizketa, zaintzaren merkantilizazioa, itxiera behartuak, zerbitzu publikoen murrizketak, kontrataziorik eza eta abar salatzeko", azaldu dute mobilizazioa iragartzeko egindako prentsaurrekoan.
Sektore horiek guztiek indarrak batzea erabaki dute: "Kalera atera garenean, ehunka lagunen elkartasuna eta babesa ikusi dugu; gaur egungo egoerak, norbanakoaren edo sektore jakin baten arazoa izatetik urrun, lantokiak gainditzen ditu eta herritar guztiei eragiten die".
"Edonori eragin diezaiokeen enplegu duinaren aurkako eraso sistematikoa" bizi dugula uste dute, eta erakundeei leporatu diete langileak "pandemiaren kudeaketan egindako akatsen erantzule" egitea.
"Ezin gara geldirik egon, langabeziak eta egungo enplegu prekarioak gazteei, emakumeei, pertsona arrazializatuei eta lan egiteko adinean daudenei eragiten dielako, baina etorkizuneko pentsioei ere eragiten die, eta pentsiodunen kolektiboak aspalditik salatu du hori —azaldu dute—, gure ekoizpen sarea desegin eta administrazioetatik diru laguntzak jasotzen dituztenek eskubideak deuseztatzen dituzten bitartean".
Atxikimenduen zerrenda
Enpresa batzordeak —guztira, 35—:
Aernnova
Alestis
Arabako Suhiltzaileak
Askora Plus
Auria Vitoria
Betoño Tailerrak
Biocompost
Burulan
Cartonajes IGAMO
CIDI — Hizkuntzen Nazioarteko Zentroa (eskola garraioa)
Condes Fabril
Cuarhtoset
Derichebourg (Araia)
Elecnor
Elkar
Garbialdi (Arabako ESIko osasun zentroak)
Gas to Move Transport Solutions
Gizarte etxeetako aisialdi eta denbora libreko zerbitzuak
Grup la Pau Anbulantziak
Laminaciones Arregui
Nuevo Futuro
Olazabal y Huarte
Pepsico
Rokodromoetako langileak
SDA Factory
Shuton
Sidalava. Hiesaren aurkako Arabako Batzordea
Sidenor
SNA (Arangiz)
SNA Europe
Tamar Las Arenas
TLA (Condesa ohia)
TRI Amurrio
Tubos Reunidos
Udapa S. Coop
Beste sektore batzuk:
Adisalava (banatzaileak)
Arabako etxeko langileen eta zaintzaileen elkartea.
Arabako Pensionistak martxan
Arabako Taxi Elkartea
Glovoko langileak (riderrak)
GPS (Gazte Prekarioen Sarea)
Haurreskolak Partzuergoa
Kirol jardueretako langileak
Langabeen Asanblada
Martxoak 3 Elkartea
Osakidetzako pribatizazioen aurkako langileen plataforma
Ribera Bizirik
SOS Ostalaritza
Teknikariok (aktoreen eta agertokiko langileen elkartea)
Manifestazioari atxikimendua eman dioten sindikatuak:
CGT, CNT, ESK, LAB, LSB-USO eta STEE-EILAS.
Lan istripuz 33 pertsona hil dira Euskal Herrian aurten. Azkenekoa, Iruñeko sanferminetan garbiketan lanean ari zen Iosu izeneko langilea. Kamioiaren gainetik erori zen eta hartutako golpe larriaren ondorioz hil da. LABek FCC (Iruñerriko Mankomunitateko... [+]
Ezbeharra astelehen goizean izan da, eta gizonaren emazteak 13:23ean dei egin die larrialdi zerbitzuei. Bi biktimak bihotz-gelditze egoeran aurkitu dituzte, eta sorospenek ez dute lortu horien bizitza salbatzea. Umea herriko bizilaguna zen.
2019ean, Gorlizko emakume udaltzaingo batek tratu iraingarria eta sexu izaerako jokabide desegoki larriak sufritu zituela salatu zuen bere kidea zen gizonezko batengatik, eta, horren ondorioz, 2021an baja eskatu zuen. Orain, Bilboko Lan Arloko 2 zenbakiko epaitegiak ebatzi du... [+]
Nire lehendabiziko poema liburua argitaratu nuenean errezitaldi bat ematea eskaini zidaten unibertsitate batean. Musikariak dirutan kobratu zuen eta niri Jorge Oteizari buruzko liburu bat eman zidaten, hartu ez nuena, baneukalako etxean. Horixe izan zen onartu ditudan eskaera... [+]
Badirudi hamasei urteko semea buruhauste handirik gabe ari zaigula batxilergoaren ondotik jarraituko duen bideari buruzko gogoetak egiten. Batean, batxilergoko gai berezien hautaketari buruz hitz egiten digu, bestean, egin beharko dituen pausu administratiboei buruz, galderarik... [+]
Itsasoan gertatutako istripu baten ondorioz hil da arrantzalea. Hunekin Aski itsasontzian lanean ari zelarik erreskatatu zuten gizona, larunbat arratsaldean. Erietxean hil zen.
Badator uda, eta horrekin batera, herri, auzo eta hirietako jai herrikoiak. Jaiak beti izan dira aldarrikapen sozial eta politikoen, auzokideen arteko harremanen eta euforia herrikoiaren aterpe. Gure kaleak hartzen dituzte, eta egun batzuez autogestioaren, desberdinen arteko... [+]
Irakaslea zara eta lanordutan nahiz lanorduz kanpo, berehala erantzun beharreko mezuz josten zaituzte ikasleek, haien gurasoek, ikastetxeko zuzendaritzak, lankideek? Deskonexio digitalaren beharraz gogoetatu dugu, Aitor Idigoras irakaslearekin: "Ateak ixten eta mugak... [+]
Last Tour enpresa eta Gasteizko Udala seinalatu ditu erantzule gisa, azken horrek "langileon prekaritatea finantzatzen eta legitimatzen" duela nabarmenduta. Azkena Rocken aritu diren hainbat langileren lekukotzak bildu ditu LASek.
Emantzipatu nahi duten baina ezin duten gazteen kopurua gero eta handiagoa da Europar Batasunean. Errealitate hori datutan jarri du Eurofund erakundeak argitaratu berri duen ikerlan batek, eta etxebizitzaren garestitzea da arrazoi nagusietako bat, baina ez bakarra.
Iragan asteko ostegunean zauritu zen larri Bergarako (Gipuzkoa) Embalan 3 lantegiko langilea, zama bat gainera erorita. 2024 urtean hiltzen den 26. langilea da.
51 urteko garraiolariaren kamioia irauli egin da Ejea de los Caballerosen (Aragoi). 2024an hiltzen den 23. langilea da.
Amazonek Trapagaranen duen lan zentroan grebalarien kontra "jazarpen eta zigorrak" darabiltzala salatu du sindikatuak
Maiatzaren 11n egin dira mobilizazioak eta Euskal Herriko Eskubide Sozialen Kartak, Emakumeen Mundu Martxak eta Gune Ekosozialistak antolatu dituzte. 60 eragile sozial baino gehiagok bat egin dute mobilizazioekin.
Estresa, nekea, antsietatea eta beste dira sisifemiak eragiten dituen zenbait ondorio. Esanahiaz, jatorriaz eta prebentzio neurriez mintzatu da Ziortza Karranza psikologoa.