Mila pertsonatik gora elkartu dira Donostian zezenketen aurka
“Donostia Antitaurina Orain” plataformak deituta, zezenketak gelditzea eskatzeko manifestazioa egin dute Donostian igandean. Hiru urtez zezenketarik gabe egon ondoren, abuztuaren 13tik 16era bueltatuko dira Illunbe zezen plazara.
18:00etan abiatu da protesta Bulebarretik, eta Katalina plazara bitarteko ibilbidean zezenketen aurkako eta animalien eskubideen aldeko oihu eta mezu ugari zabaldu dituzte parte-hartzaileek. Koloretsua izan da manifestazioa: pankarta eta kartel asko eraman dituzte bertaratutakoek, eta hainbat lagun toreroz jantzita agertu dira.
Parte-hartzaileen artean, Donostiako hainbat eragiletako ordezkariak izan dira. Hala nola, Juan Karlos Izagirre alkate ohiak, EH Bilduko Amaia Almirallek edota Irabazi Donostiako Amaia Martinek bat egin dute protestarekin. Piratek ere parte hartu dute manifestazioan, beren zapi eta txalekoekin gerturatu dira martxara.
Amaiera ekitaldian, Nora Barragues plataformako kideak hartu du hitza, eta protestarako arrazoi asko dituztela azpimarratu du: “Urteetan diru publikoko milioika euro gastatu dituzte Illunben. Zezenketak defizitarioak dira, eta ez dugu nahi gutxiengo batek gure dirua erabiltzea”.
2013ko eta 2014ko Aste Nagusian ez zen zezenketarik egin, orduko udal gobernuak ekitaldi mota horretarako Illunbe ez alokatzea erabaki zuelako. Hauteskundeen ondoren, Eneko Goia alkate berriak adierazi zuen, eskaera zuzen eginez gero, ez zuela oztoporik jarriko Ilunben zezenketak egiteko. Chopera familiak alokatu du aurten zezen plaza.
Gipuzkoako Plataforma Antitaurinoak deitu zuen mobilizazioa, “Ez da kultura tortura da” lelopean. Donostiako Aste Nagusian zezenketak egongo dira aurten ere, jaietako egitarautik kanpo bada ere, hiru ikuskizun eskainiko dituzte abuztuaren 15,16 eta 17an Illunbeko... [+]
Zezenketez gain, burtzikatzeak, zekorketak eta haztegiak debekatuko dituzte 2027. urtetik aurrera. “Erabaki historikoa” izan dela adierazi du Kolonbiako presidente Gustavo Petrok.
Zezenketarik gabeko besten inguruan mintzatu dira zenbait eragile, Zaunk! Iruñerria antiespezista eragileak Iruñeko Laban antolaturiko 'Zezenketen bidegurutzeak' solasaldian. Alternatibak indartzearen garrantziaz, peñen erantzukizunaz eta legeak... [+]
Zezenak torturatu eta hilko dituzte aurten ere Donostiako Aste Nagusian, hiru egunez. Arte y Cultura BMF enpresak iragarri ditu Illunben aurten egingo dituzten zezenketak, eta Aste Nagusiko bigarren asteburuan izango dira, abuztuaren 15ean, 16an eta 17an (18:00etan).
Herriko festetan, zezenak erabiltzen dituzten ekitaldietan udalek zenbat diru gastatzen duten ikertu dute AnimaNaturalis eta CAS International elkarteek. Hego Euskal Herriko datuei erreparatuz gero, Azkoien eta Azpeitia nabarmendu dituzte.
AnimaNaturalis eta PETA erakundeak antolatu dute protesta, Udal Plazan 12:00etan, festak hasi baino egun bat lehenago. Nafarroako, Espainiako eta Europako aktibistak elkartuko dira. Manifestazioa AnimaNaturalisen “odolik gabeko Sanfermin” kanpainaren barruan dago.
Joan den larunbatean, ekainaren 17an, Bilbon, Animalistak kolektibo antiespezistak Azken erasoaldia lelopean antolatu zuen manifestazioa.
Cristina Lage Turismo zinegotziak Urrezko Maskorra saria eman dio berriki Roca Rey toreatzaileari, 2022ko Aste Nagusian faenarik onena egiteagatik. Horren aurrean, Eguzki Erakunde Ekologistak salatu du Donostiako Udaleko zinegotzi batek toreatzaile bati sari bat emateak... [+]
Sindikatuak azaldu duenez, greban dagoen udal langile brigadari dagokio zezen plaza muntatzea, baina horren ordez "zezen zale elkartekoak ari dira alkatearen laguntza zuzendarekin". ELAren ustez langileen greba eskubidea urratzen ari dira eta Lan Ikuskaritzaren esku... [+]
Abuztuaren 15ean Donostiako Ilunben sei zezen nola hiltzen dituzten erakusten duen bideoa kaleratu du Gipuzkoako Plataforma Antitaurinoak, Linas Kortarekin batera egina, herritarrak sentsibilizatzeko helburuarekin.
Abuztuaren 13rako deitu dute mobilizazioa Donostian, arratsaldeko 18:00tan.
Abuztuaren 13rako deitu dute manifestaziora, Donostian, bertako udalak zezenketak onartzen eta errazten dituelako.
Ostegunean onartu du Ministroen Kontseiluak lege-dekretua. Hori zen PAN alderdi animalistak jarritako baldintza aurrekontuak onartzeko.