Mila ertzain inguru manifestatu dira Gasteizen, eta esan dute ez dutela Tourra saboteatuko
Jaurlaritzaren arabera, jarrera "estu", "irrealista" eta "arduragabea" dute protestan ari diren ertzainek. Negoziazio mahaira itzultzeko eskatu zien ostiralean sailaren arduradun Josu Erkorekak, sindikatuak mahaitik altxatu eta gobernuari negoziatzeko "borondate falta" kritikatu ondoren.
Eusko Legebiltzarraren ataritik abiatu dute manifestazioa 10:00etan, Ajuria Eneatik igaro eta Lehendakaritzan amaitu dute protesta, bertan baitaude bilduta gobernuko arduradunak, asteroko bileran. Euskadi Irratiaren arabera, mila ertzain baino gehiago irten dira protestan Erne, Esan, Euspel eta Sipe sindikatuek eta Ertzainak Borrokan mugimendu asindikalak bat eginda egindako deialdian; El Correo egunkariak esan duenez, 2.500 kide baino gehiago elkartu dira.
Gizonezkoen txirrindularitza proba nagusia den Frantziako Tourra aste honen amaieran igaroko da Araba, Bizkaia eta Gipuzkoatik; larunbatean hasiko da Bilbon, igandean Gasteiztik pasako da eta astelehenean Donostiatik. Tourraren astean sartuta, beraz, Ertzaintzako burua den Josu Bujandak trafiko arazoei, mozketei, moldaketei eta egokitzapenei hitz egin du oro har, astearte goizean, Euskadi Irratian eta ETB1en egin dioten elkarrizketa banatan.
Telebistan, galdetu ere ez diote egin minutu gutxi barru hastekoa zen ertzainen manifestazioari buruz, eta irratian, galdetu eta tematu arren –besteak beste, ertzainen haserrea eragin zuen bere adierazpenen inguruan galdetu zaio; Ertzaintzak "etxe barruan arazoak dituela" aitortu zuen– nahiago izan du kalifikaziorik ez egin, Erkoreka sailburuak ez bezalaxe. Joan den ostiralean eseri ziren sindikatuak eta Jaurlaritzako arduradunak negoziatzeko asmotan, baina altxa egin ziren mahaitik: Erkorekak presazko agerraldia deitu zuen eta komunikabideen aurrera aterata azpimarratu zuen "soldata igoera linealari buruz soilik" nahi zutela hitz egin sindikatuek, eta ez zela posible, ezta egokia ere. Jarrera "estu", "arduragabe" eta "irrealista" izatea leporatu zien sindikatuei.
Protestan ari diren sindikatuek bat eginik jarraituko dute protestan, baina argi diote Tourra ez dutela "kaltetuko", ez dutela sabotajerik edo antzekorik egingo. Hurrengo manifestazioa ostegunean egingo dute, Bilbon, txirrindularitza taldeen aurkezpen ekitaldia egingo dutenean eta jendea erakartzeko hainbat ekintza antolatu dituztenean.
Rosa Zarra Ertzaintzaren pilotakada baten ondorioz hil zela da Eusko Jaurlaritzako Poliziaren Biktimen Balorazio Batzordeak atera duen ondorioa, Berria-k jakinarazi duenez. Orain arte, Ertzaintzak beti egin dio uko bertsio horri, eta Rosa Zarra berak zuen gaixotasunaren ondorioz... [+]
Ustez, lokalaren jabetza eskuratu dutenek bidali dituzte sarrailagileak sarraila aldatzera; Ertzaintzak babestuta aritu dira hori egiten. Birundak epaiketa bat irabazi du duela gutxi.
Ertzaintzak martxoaren 13an Bilbon zauritutako bi pertsonaren testigantza jaso ditugu. Athleticen partidaren ostean larriki zauritu zituzten aita-semeak, borra-kolpeka, eta atxilo eraman zuten haietako bat. Furgonetatik ikusi zuen ertzainek nola egin zuten tiro jendearen kontra,... [+]
ERNE, ESAN eta SIPErekin egin du akordioa Eusko Jaurlaritzak 2025-2028 aldirako. Besteak beste, urteko soldatan 4.200 euro gordineko igoera "graduala" izango du ertzain bakoitzak. Sindikatuen iturriek El Diario Vascori azaldu diotenez, akordioarekin Ertzaintza Espainiako... [+]
49 urte eta gero Espainiako Poliziak Gasteizko Maria Sortzez Garbiaren katedralean eraildako bost langileak oroitu dituzte beste behin astelehen arratsaldean. Milaka pertsona batu dira Zaramagatik abiatutako eta katedralean amaitutako manifestazioan. Manifestari guztiek ez dute... [+]
.jpg)
31 urteko emakume kolonbiarra osasun zentrora eraman ordez ertzain etxera eramatean agenteek "akatsa" egin zutela aitortu du Segurtasun sailburuak, baina azpimarratu du ez zuela "jipoirik" jaso.
.jpg)
Karen Daniela Ágredok dioenez, zortzi bat ordu eman zituen ziegako zoruan etzanda Ertzaintzak ospitalera eraman aurretik. Segurtasun sailburu Bingen Zupiriak berak eskatu du Eusko Legebiltzarrean agerraldia egitea.
Karen Daniela Ágredok dioenez, atxilotu zutenean berak ez zuen ertzainik zauritu, haiek lurrera bota zuten eta konortea galdu zuen. Ondoren, Ertzaintzaren komisariaren zoruan iratzartu zen eta handik ospitalera eraman zuten.
Salburuako futbol kantxetan polizia-operazio planifikatu bat egin zuen igandean Ertzaintzak, eta Gasteizko GKSk nahiz Gasteiz Antirrazista eragileek salatu dutenez, bertan zeuden pertsona ugari identifikatu, miatu eta kolpatu zituzten.
Segurtasun sailburu Bingen Zupiriak adierazi du oraingoz ez dutela neurririk hartuko kasuaren inguruan, "gauzak ondo edo gaizki egin izanaren inguruko segurtasun edo ziurtasunik" ez duten bitartean. Ertzaintzaren agenteek eraso egin zioten emakumea "indarrik... [+]
Emakumearen familiako kideek jarri dute salaketa Bilboko Kolonbiaren kontsulatuan. Otsailaren 1ean jasan zuen erasoa, Donostiako Manterola kaleko diskoteka baten atarian. Hainbat testigantzen arabera, konorterik gabe egon arren berari kolpeka jarraitu zuen ertzain batek.
Gipuzkoako Fiskaltzak sei urteko espetxe-zigorra ezarri nahi dio Donostiako Herritarren Babeseko patruiletako buruari. Ertzainak kokainaren truke prozesu judizialean onurak eskaini zizkion droga trafikatzea egotzita atxilotutako gizon bati.
Eusko Jaurlaritzak isunak kendu dizkie ertzainei euskaraz hitz egiteagatik zigortuak izan ziren Donostiako herritarrei. Manex Ralla eta Amaia Abendaño dira herritar horiek, isunak kendu dizkietela baieztatu diote hedabide honi.
Polizia ez zegoen lanean ustezko gertakaria jazo zenean.
Donostian 2024ko martxoan jokatutako futbol partiduaren aurretik Ertzaintzak egindako kargetan, Amaya Zabarte zaleaz gain bigarren pertsona bat zauritu zuten, ustez foam pilota batekin begian jota. Orain, kasu hori ere ikertzeko agindu du Gipuzkoako Lurralde Auzitegiak.