Gerra Hotzaren amaiera eta Sobietar Batasunaren desegitea gorpuztu zituen Gorbatxovek. 91 urterekin zendu da, gaixoaldi luze baten ostean.
1985ean SESBeko Alderdi Komunistako Komite Zentraleko Idazkari Nagusi izendatu zuten Mikhail Gorbatxov, eta sei urtez egon zen Sobietar Batasuneko kargu gorenetan. SESBeko lehen eta azken presidentea izan zen, 1990eko martxotik 1991ko abenduaren 25era. Kargua utzi eta biharamunean desegin zen Sobietar Batasuna, urte luzetako prozesuaren ondorioz.
Perestroika eta glasnost kontzeptuek ardaztu zuten Gorbatxoven garaia. Sobietar Batasuna ekonomikoki eta politikoki berregituratzea eta “zabaltzea” zen bere asmoa. Kanpo-politikari dagokionez, SESBek Ekialdeko Blokeko herrialdeen gainean zuen boterea laxatu zuen Gorbatxovek, erreforma politiko eta ekonomikoei ateak zabalduz.
Besteak beste, AEBetako presidente Ronald Reaganekin hainbat goi-bilera egin zituen Gorbatxovek, arma nuklearrak gutxitzeko eta Gerra Hotza baretzeko. Urte horietan erretiratu zen, baita ere, Sobietar Batasuna Afganistanetik. Bakearen Nobel Saria eman zioten Gorbatxovi 1990ean, Ekialdearen eta Mendebaldearen arteko harremanetan emandako aldaketa erradikaletan izandako lidergoa” zela-eta.
1990ean, halaber, SESBekiko independentzia deklaratu zuten Estonia, Letonia, Lituania eta Armeniak, eta Errusiak ere bere subiranotasuna jarri zuen mahai gainean, Sobietar legedia murriztuz eta hari aurre eginez, batez ere finantzei eta ekonomiari dagokionez.
1991rako Sobietar Batasuna krisi ekonomiko eta politiko larrian murgilduta zegoen. Batasun berri bat osatzekotan ziren herrialdea osatzen zuten errepublikak. Testuinguru horretan, Varsoviako ituna baztertzea eta SESBek eta dozena pasa herrialde gehiagok osatzen zuten Elkarren Laguntza Ekonomikorako kontseilua desegiteak areagotu zuen herrialde barruan Gorbatxovek zuen aurkaritza. 1991n estatu-kolpea ematen ahalegindu ziren SESBeko hainbat goi-kargu, baina porrot egin zuten. Porrot horren ondorioz desegin zen Sobietar Batasuneko Alderdi Komunista, eta Sobietar Batasuna bera.
Geroztik, batzuentzat Sobietar Batasunaren gainbehera ekarri zuen gizona izan da Gorbatxov, batez ere Mendebaldean, eta beste batzuentzat, berriz, Sobietar Batasunaren zabaltzea eta “demokratizazioa” ekarri zuena. Azken urteetan agenda publikorik ez du izan Gorbatxovek, osasun arazoak zirela-eta. Errusiako TASS berri-agentziaren arabera 2020an ospitaleratu zuten, medikuen aginduz. Gaixoaldi luze baten ostean hil da, Moskun, 91 urterekin.
(Baina Kievek Errusiari eraso egiten uzteak gerrara eraman gaitzake zuzenean).
George Beebe CIAko Errusiako analisi zuzendari ohia da eta bere artikulu hau Rafael Poch kazetariaren blogean argitaratu dute gaztelaniaz eta Brave New Europe webgunean ingelesez.
Bost milioi euroko fidantza ordaindu du, eta astean bitan agertu beharko du poliziaren aurrean. Hamabi delitu egotzi dizkiote, eta bere seme-alabetako baten aurkako “indarkeria larriagatik” ikerketa ireki diote Frantzian.
Adierazi du eragiketa hori baimentzeak “arrisku gaindiezinak” ekarriko lituzkeela. Espainiako Gobernuak eskaintza jakinarazi zenetik kezka zuen enpresak Hungariako lehen ministro Viktor Orbán-ekin eta Errusiarekin izan zitzakeen loturengatik. Espainiako... [+]
2022ko otsailaren 24an hasi zen gerra. Ordutik, Errusiak egiten duen erasorik bortitzenetakoa egin du astelehenean. Erasoak azpiegitura energetikoa izan du jomuga, eta horrek itzalaldi orokorrak eragin ditu.
Pavel Durov atxilotu dute abuztuaren 24an Paris-Le Bourget aireportuan. Frantziako Justiziaren arabera, plataformaren moderazio faltak eta agintariekin lankidetza faltak droga-trafiko, pedofilia eta iruzurra bezalako delituen konplize bihurtzen dute.
Pablo Gonzalezek Errusian jarraitzen du, Poloniako Gobernuak pasaporteak konfiskatu zizkion kazetariari eta "Poloniako autoritateen esperoan" daude, Euskal Herrira bueltatzeko. Hala azaldu dio Gonzalo Boyé abokatuak Berriari.
Poloniako Fiskaltza Nazionaleko bozeramaileak adierazi du euskal kazetaria oraindik formalki akusatu ez badute ere, “legearen arabera auzi-ihesean akusatua” izan daitekeela. Gonzalez preso trukean sartzeko erabakia Washingtonetik etorri zen, baina Poloniako zerbitzu... [+]
Kazetariak adierazi du ez diotela argi azaldu zergatik espetxeratu zuten, eta espetxean zegoela “bere buruaz beste egitea” iradoki ziotela, Russia Today-n izandako elkarrizketa batean. Esan du laguntza “gutxien espero zen tokitik” etorri dela.
Osasun artak biltzen ari da Pablo Gonzalez Moskun une honetan. Joan den astean, Poloniako Radomgo segurtasun handiko espetxetik atera zen kazetaria bi urte eta bost hilabeteko preso egon ondoan. Poloniak leporatzen zion espioitza frogatu gabe libre atera da.
2022ko otsailaren 28an atxilotu ondoren, aske utzi dute bere aurkako frogarik eta bistako epaiketarik gabe. Bizkaiko kazetariaren talde juridikoak informatu du “preso dauden hainbat kazetari libre uzteko” Errusiak eta Poloniak adostu duten trukeagatik geratu dela... [+]
Europar Batasunaren txandakako presidentetza beretu eta astebeteren buruan Viktor Orban hungariar lehen ministroak egin duen ezusteko blitz-ak azalpen serioa eskatzen du. Gaiaren neurrikoa.
Errusiako epaileek leporatzen diote, besteak beste, Armata errusiar tanke modernoenaren ekoizlea den Uralvagonzavod enpresako dokumentu klasifikatuak gainean zeramatzala harrapatu zutela. 20 urteko zigorra jaso dezake. Baina benetako espioia ote zen? Zoritxarrez, ezetz esango... [+]
Urrats berri horren berri eman du Errusiako Defentsa ministerioak maiatzaren 21ean, zehaztuz "Mendebaldeko arduradun batzuen mehatxuei" bideraturiko erantzuna dela. Oraingoz, arma nuklear taktikoak ez dira inoiz erabiliak izan, hain zuzen, suntsiketa gaitasun... [+]