Patxi Ruiz preso iruindarrak astebete darama gose eta egarri greban eta hamar kilo galdu ditu Amnistiaren Aldeko Mugimenduak adierazi duenez. Harekin elkartasunez, kalean eta presondegietan hainbat lagun ari da gose greban.
Presondegi berean den Patxi Ruizek hasitako borrokarekin bat eginez, Mikel San Sebastian preso politiko lesakarrak janariaren erretiluari uko egitea erabaki zuen maiatzaren 14an, eta Amnistiaren Aldeko eta Errepresioaren Aurkako Mugimenduak larunbatean jakinarazi zuen gose greba mugagabeari ekin diola, baina Lesakako Sortuk, San Sebastianen senideen iturriak aipatuz, bi eguneko baraualdia egiten ari dela argitu du. 12 urte daramatza preso lesakarrak.
Patxi Ruizen osasun egoerari dagokionez, 10,5 kg galdu ditu greba hasi zuenetik, AEMk zabaldu duenez, tentsioa orekatuta dauka eta giltzurrunetako min handia daukala adierazi die ingurukoei.
Isuna bisitan joateagatik
AEMk informatu duenez, Patxi Ruiz gertuko bi lagun bera dagoen Murtziako kartzelaraino joan dira. Iruñeatik 736 kilometrora. Goizean ez diete utzi baina arratsaldean Ruizekin egoteko aukera izan dute. Kartzelatik irtetean, baina, Guardia Zibila zeukaten zain eta konfinamendua apurtzeagatik isuna jarriko dietela esan diete.
Elkartasun ekimenak
Ruizekin elkartasunez, hiru preso politikok uko egin diote kartzelako janariaren erretiluari. Maiatzaren 12tik, Dani Pastor, Oskar Barreras eta Aitor Cotanok janariaren erretiluari uko egin diote eta Jon Kepa Preciado ziegatik ez ateratzea erabaki du.
Espetxetik kanpo ere elkartasun ekimenak ugaltzen ari dira. Ostiralean bi eguneko gose greba hasi zuten Bilbokoko eta Ondarroako 12 lagunek. Beste bost lagun baraualdia egiten ari dira Bizkaiko Ezkerraldean eta Bilboko Deustuan 24 orduko txandakako baraualdiak egiteari ekin diote.
Hainbat herritan, pintaketak agertu dira gose grebalariekin elkartasunez. Tartean, Getxo, Berango, Igorre, Bilbo, Portugalete eta Mungiako batzokietan.
Plataforma herritarrak gaur egun arte lortutakoaren balioa nabarmendu du, eta adierazi du gizarteak “bultzada bat” eman behar duela “oraindik erbestean eta deportazioan daudenak” etxeratzeko. Etorkizuneko belaunaldiei gizarte hobeago bat uzteko garrantzia... [+]
Bi edizio baino ez zaizkio geratzen elkartasun jaialdiari. Antolakuntzak iragarri bezala, ohiko jaialdia eginen dute abenduaren 28an, eta 2025eko uztailean lau eguneko jaialdi berezi baten ostean, agur esateko une gazi-gozoa helduko da. Aritz Colio Hatortxuko antolakuntzako... [+]
2024ko abenduan eta 2025eko uztailean egingo dituzte euskal preso politiko, iheslari eta deportatuekiko elkartasuna ardatz duen musika jaialdiaren azken bi edizioak. “Hatortxu badoa, baina erreminta berriei bide emateko”.
Palestinako umeek ere galdera hori buruan ote duten pentsatu dut gure liburua eskuartean dudala. Zenbat lo falta ote diren genozidioa amaitzeko. Zenbat haur hil ote behar dituen oraindik Israel estatu sionistak munduko estatuen konplizitatearekin.
Beraien amei luzatuko ote... [+]
Torturatu zuten Iratxe Sorzabal presoa eta haren ama ditu protagonista Bi arnas dokumentalak. Duela bi urte abiaturiko prozesua borobiltzeko ekitaldia egin dute eta bide horretan lortutako etekin ekonomikoak bi elkarteri eman dizkiote: Harrera eta Axut! Ekitaldiak une... [+]
Espetxe eskaera AVT biktimen elkarteak egin du eta, horren bidez, presoen ongi-etorriak antolatzeaz akusatutako sei pertsonari bederatzi urteko espetxe zigorra eskatzen zaie.
Badira sei-zazpi urte kartzelan dauden presoek euskara ikasteko duten eskubidea bermatzeko helburuarekin, lanean aritu den euskara-irakasleen sare bat: Presoen Euskara Irakasleen Taldea.
Espainiako Auzitegi Nazionaleko Manuel Carcía Castellón epaileak sei pertsona epaituko ditu Ongietorrien auzian: Antton López Ruiz Kubati, Kai Saez de Egilaz, Pipe San Epifanio, Haimar Altuna, Oihana Garmendia eta Oihana San Vicente. Guztiak Sortuko kideak... [+]
Astelehenean jakinarazi du albistea Etxerat elkarteak. Otxandioko preso politikoa baldintzapeko askatasunean zegoen 2023ko martxoaz geroztik.
Kontzertuen bidez euskal preso eta iheslariak laguntzea da xedea. Aurten, Rakatapunk, Xutik eta Esne Beltza dira egitarauan.