Miguel Sanzen jarrera CANen ikerketa batzordean: dena ukatu eta abertzaleak seinalatu
Miguel Sanz Nafarroako presidente ohiak Nafarroako Parlamentuan CAN auzia ikertzen ari den batzordean hitz egin du asteazken honetan. Nafarroako Kutxan ustelkeria kasurik izan zenik ukatu du.
“Espainiako kutxa guztiak bezala transformatu egin da Nafarroako Kutxa”, adierazi du Sanzek ikerketa-batzordean eta ukatu egin du CANekin lotuta plazaratu ziren ustelkeria kasuak, Diario de Noticiasek jaso dituen adierazpenetan.
“Krisiak gizartean eragin zuen egoera emozionala baliatuz, baita kutxa batzuekin lotuta izan ziren zenbait ustelkeria eskandalu ere, batzuk saiatu izan dira Nafarroako Kutxa lotzen horrelako prozesuekin eta eskandaluekin, transmititu nahian CAN gobernatu zutenen utzikeriagatik eskandalu bat sortu dela, eta hori guztiz gezurra da”, adierazi du Sanzek.
Nafarroan ustelkeria kasurik izan denik ezeztatu du behin eta berriro UPNren eskutik Nafarroa gobernatu zuen korellarrak eta bere alderdiaren aginte-zikloarekin amaitzeko “interes politikoak” jo ditu horrelako salaketen iturritzat.
“Ezker abertzale erradikalaren inguruan kokatuta dagoen kolektiboren batek” erabili dituen esloganak kritikatu ditu Sanzek, sektore horretatik iradoki delako CANekin gertatutako guztiari buruzko informazioa ez dagoela oraindik herritar ororen esku. “Ez da ezkutuko ezer egon, inork ez dio ezer jakiteari utzi, eta CANek egin duen prozesuak ez dio CANi bakarrik eragiten”, azaldu du eskuineko politikariak.
Bere ustez, krisi ekonomikoak eragin zuen kutxak birkapitalizatu beharra, “alegia, beren funtsak handitzea, bai kopuruan, bai kalitatean, eta horretarako beharrezkoa izan da, eta legeak derrigortua, kutxak banku bihurtzea. Hori gertatu da Espainiako kutxa guztietan, guzti-guztietan”, adierazi du Sanzek.
Prozesu horretan CAN ez dela gaizki atera ere baieztatu du Sanzek eta Nafarroa kutxa publikorik gabe uzten bukatu zuten erabakiak kritikatu zituztenen kontra jardun du, “interes politikoak dituen debatea” bultzatu nahia leporatuz.
Ebatzi gabe geratzen zen azken zirrikitu judiziala da artxibatu duena. Ikerketak iraun dituen sei urteren ondoren, epaileak, kasua istea erabaki du irregulartasunik ez dagoelakoan, Diario de Navarra-n jaso dutenaren arabera.
Nafarroako Kutxaren desagertzean "orain arte jakin gabeko datuak" eskuratu direlako eta adierazgarriak izan daitezkeelako helarazi dituzte ondorioak epaitegietara.
Diario de Noticias egunkariak aurreratu ditu Nafarroako Kutxa ikertzen duen batzordeko ondorioak. Alderdiek diote CANek aurrera segitu ahal izanen zukeela bere bidea bakardadean eta ondarearen hondatzea txikiagoa litzatekeela.
Patxi Zamora Kontuz elkarteko eleduna lanetik bota zuten Guardia Zibilak hegazkinean sartzeko baimena kendu eta gero. Lau auzi ditu abian eta 20.000 euro beharko dituztela kalkulatu du elkarteak.
Gobernua babesten duten lau alderdiek eskatu dute presidente ohien agerraldia batzordean. Enrique Goñi Nafarroako Kutxako presidenteak bere burua eskaini du batzorde horretan agertzeko. Jose Antonio Sarria Enpresarien elkarteko presidentea, Jose Antonio Asiain Banka... [+]
Uxue Barkos buru duen gobernuak Nafarroan banku publiko bat sortzeko dauden aukerak aztertuko dituen txostena osatzeko agindu du. Irailean egingo da esleipena eta hamabi asteren buruan txostena bukatuta izango dela aurreikusten da. Orduan “asko eztabaidatu beharko... [+]
Hitzetik hortzera dabiltzan bi gai landu dituzte Geroa Baiko Jokin Castiella, EH Bilduko Bakartxo Ruiz eta Ezkerrako Joseba Ezeolaza parlamentariek, Juan Kruz Lakasta kazetariaren gidaritzapean: Nafarroako Kutxako ikerketa batzordea eta Espainiako hauteskundeak.
Erantzukizun politikoak argitu behar dira CAN desagertu izanak arduradunak dituelako. Argudio horiekin egin zuten ikerketa batzordearen alde Geroa Baik, EH Bilduk, Ahal Duguk, PSNk eta Ezkerrak.
Gero Bai, EH Bildu, Ahal Dugu, PSNk eta I-Ek eskari bateratua erregistratu dute Parlamentuan, Nafarroako Kutxaren "desagertzeari" buruzko ikerketa batzordea berriro martxan jar dadin.
Santiago Cervera PPko diputatu ohia absolbitu du Nafarroako Justizia Auzitegiko Zigor arloko 3. Epaitegiak.
Asteazkenean amaitu da Santiago Cervera PPko diputatu ohiaren aurkako epaiketa. Alde bakoitzak berean jarraitzen du eta fiskalak absoluzioa eskatu du.
Santiago Cervera PPko diputatu ohiak gogor idatzi du Diario de Navarra-ren aurka eta CANen desagerpenean dituen erantzukizunak azpimarratu ditu.
Nafarroako Legebiltzarreko ikerketa batzordean informazioa eskuratzeko diren arazoen berri ematen du Xabier Lasak. Ez da baikor eta hurrengo legealdian batzordea berriz abian jarri beharraz mintzo da.