Migratzaileei Atxondoko aterpetxea erabiltzea galarazi die udalak, Harrera sareak salatu duenez
Atxondo Harrera Herria sareak gogoratu du migratzaileek asteak daramatzatela aterpetxean ezin sartu eta udalak eman dien arrazoia dela aterpetxeak ikuskaritza pasa behar duela, txosten bat prestatzen ari direla eta horregatik ezin dela erabili. Galdera eta kezka ugari ditu Harrera Herriak.
Inspekzioari lotutako txostena heldu arte, Axpeko aterpetxea erabiltzea eskatu dio Harrera Herriak alkateari, “gure erantzukizupean, kalean egotea baino egoera duinagoa delako gure ustetan. Etxe hori bizitzeko moduan dago, duela egun batzuk ume sahararrak eta Harrerako mutilak bertan izan baitira”.
Errezeloz ikusi dute alkatearen argudiaketa: “Non ikusi da, inspekziorako txosten bat eskatu behar izan den kasuetan norbera bere etxetik atera behar izatea? Alkateari ere informazioa eskatu diogu, eskaera zuzen bat egin diogu; txosten horren egoera zein den jakin nahi dugu, ea eskatuta dagoen eta zenbat denbora aurreikusten duten erantzun bat emateko, bitartean Harrerako mutilak non sartu pentsatzen hasi behar baitugu”.
Mobilizazioa ostiralean
Uneotan, zazpi dira aterpetxea baliatu nahi duten migratzaileak: Sadic, Omar, Dame, Modu, Bouba, Souffiane eta Yassin. “Zer gertatuko da Harrerako mutilekin?”. Are gehiago, Harrera proiektua bera kolokan ikusten dutela diote, eta hori guztia salatu eta proiektuari eta aterpetxeko erabiltzaileei elkartasuna adierazteko mobilizazioa deitu dute ostiral honetan, 18:30ean udaletxe azpian.
Atxondo Harrera Herriak gogoratu du Migraziorako Euskal Itun Sozialean jasotako konpromisoa dela “zaurgarritasun egoeran dauden migratzaileentzat behar diren baliabideak eskaintzea”, eta Atxondoko Udalak ere sinatua duela ituna.
Harrera Herria 2018an jaio zen, Euskal Herrira heltzen diren migratzaileei harrera duina eskaintzea helburu, eta borrokan segitzeko “milaka arrazoi” dituzte, “kalean egunero gaua pasatzen duten pertsonak beste”.
Pertsona migratzaileak laguntzea kriminalizatzen duten politikak nagusi dira Europar Batasunean, eta hori egiteagatik auzitara eraman dituzten pertsonen kopuruak errekor berria ezarri du 2023an: gutxienez 117.
Donostian 300 pertsona baino gehiago daude aterpetxerik gabe. Harrera Sareak adierazi du “inhumanoa” dela La Sirena itxita mantentzea, eta “are gogorragoa” egungo tenperatura baxuekin.
Migratzaileak atxilotzea saritzen duen neurria onartu zuen atzo Espainiako Poliziaren Irungo taldeak: asteburuan migratzaile bat atxilotzeagatik, hiru jai-egun; bi migratzaile edo gehiago atxilotzeagatik, lau jai-egun; eta hamar atxilotutik gora, bost. Poliziaren sindikatuak... [+]
2018tik aurtengo urrira arte migratzaileei harrera egin eta aterpea emateko erabiltzen zen Axpeko aterpetxea, baina Atxondoko Udalak kanporatu egin zituen, eraikinaren egoera ez zela segurua eta ikuskaritza pasa beharra zegoela argudiatuz. Bi hilabetetik gora kalean bizitzen... [+]
Migratzaileei harrera egiteko prestatuta dagoen Atxondoko aterpetxea erabiltzea galarazi die Udalak, eta non lo egin ez dutela, joan den astetik Atxondoko udaletxeko aterpetxean pasatzen dute gaua zazpi lagunek. Udalaren utzikeria salatu dute.
Ekainaren 18an zendu zen Abderraman Bas izeneko migratzailearen inguruko irakurketa plazaratu dute SOS Arrazakeriak eta Irungo Harrera Sareak.
Migratuen eta arrazializatuen kolektiboek eta elkarri laguntzeko sareek eta kolektiboek gau osoko kontzentrazioa deitu dute ekainaren 8an Bilbo, Donostia, Gasteiz, Iruñea, Barakaldo, Irun eta Artean, harrera duina aldarrikatzeko.
Azken hilabeteotan ikastetxe ugari gerturatu dira Irunera, bertako Harrera Sarearen laguntzaz bidean diren migratzaileen errealitatea ezagutu asmoz. Ikasleei inpaktu handiena sortzen diena poliziak hartua duen muga bera dela kontatu digute Irungo Harrera Saretik.
Larunbatean, hilak 12, Bidasoa ibaia zeharkatzen saiatu ziren hiru migrante. Haietako bik Biriatura heltzea lortu zuten, baina hirugarrena desagertu egin zen. Hura bilatzeko lanek jarraitzen dutenean, Irungo Harrera Sareak elkarretaratzea deitu du astelehenerako, 18:30ean... [+]
Frantziako Poliziak atxiki zuen ostiralean, Gipuzkoa eta Lapurdi arteko muga zeharkatu zuten bost etorkin furgoneta batean hartu eta gero. Bidarten geldiarazi zuten ibilgailua: migratzaileak Irunera itzularazi zituzten eta gidaria Hendaiako komisarian eduki zuten hurrengo... [+]
Irungo Harrera Sareak 2021ko bilana plazaratu berri du. Orotara 4.601 migranteri harrera egin diete.
Boli Kostatik zetorren 38 urteko gizonezkoaren gorpua ibaian aurkitu zuten. Igandean elkarretaratzea egin du Irungo Harrera Sareak, eta instituzioei “gehiago” egiteko eskatu diete.
Urriaren 14an Atxondoko hiru herritarren zazpi senide hil ziren, Cadizera bidean zirela itsasoan hondoratu ostean. Atxondoko Harrera Herriak gertakarien aurrean udalak izandako jarrera salatu du.
28 pertsona migratzaile zioazen urperatutako ontzian, eta soilik hiru atzeman dituzte bizirik. Aurkitutako hamar hilotzen artetik zazpi, Atxondoko (Bizkaia) hiru herritarren senideak ziren. Atxondoko Harrera Herriak elkarretaratzea deitu du asteazkenean, gertakaria salatzeko.
Gurutze Gorriak kudeatzen duen migratzaileentzako Irungo zentroak bertan geratzeko erabiltzen dituen irizpideak murriztaileak direla salatu izan du Harrera Sareak. Orain arteko “kasurik larrienetakoa eta ankerrenetakoa” plazaratu dute, lau ebakuntza egin zizkioten... [+]