Migratzaileak Gipuzkoatik Lapurdira eramaten zituzten bi mafia atzeman dituzte
200 euro inguru kobratzen zieten Irungo muga administratiboa zeharkatzen laguntzeagatik. Espainiako Polizia Nazionalak hamabost pertsona inguru atxilotu ditu operazioan.
Espainiako Polizia Nazionalak bi erakunde kriminal desegin ditu, migratzaileak Gipuzkoatik Lapurdira gurutzatzen aritzen zirenak, elDiario.es atariak aditzera eman duenez. Lagun bakoitzari 200 bat euro kobratzen zizkioten muga zeharkatzen laguntzeagatik. Azken urteetan Frantziako poliziak hainbat kontrol ezarri eta "itzulketa beroak" delako prozedura irregularrak egin izan ditu ordea, Schengen espazioaren igarobide bat izan arren. Informazio polizialaren arabera, hamabost dira atxilotuak eta ehunka, berriz, migratzaile kaltetuak.
“Baztan” izendatu dute operazioa, ikerketa Nafarroako eskualdean hasi baitzen, etorkinak modu irregularrean eramaten harrapatu zuten pertsona baten atxiloketarekin. Dena den, urteak dira Irun-Hendaiako muga administratiboan mafiak daudela. Espainiako Poliziak egiaztatu duenez, "migratzaileak pateran iristen ziren Espainiako kostako hainbat tokitara", eta Marokotik atera aurretik ere mafia horiek "Espainiako Estatutik Frantziako Estatura eramateko promesarekin harrapatzen zituzten, 200 euro inguruko kopuruen truke".
Ikerketak frogatu duenez, erakunde horiek, Irun-Hendaian ez ezik, inguruko hirietan ere jarduten zuten, hala nola Bilbon (autobus-geltokian ohikoa zen mugaz gaindiko gaueko ibilbideetan esku hartzea), Gasteizen, Donostian, Nafarroan edo Madrilen. "Etorkinak jasotzen zituzten laguntzaileak zeuden, eta tren zein autobus txartelak ematen zizkieten Irun-Hendaiara joateko". Han, mugan, Frantziako Polizia Nazionalaren kontrolak saihestu eta gurutzatzea "errazten" zuten. Talde batek autoetako pasabideak aukeratzen zituen, eta beste batek Baionara joateko garraio publikoa. Han, Frantziako edo Europako beste toki batzuetarako bidea egiteko txartelak lortzen saiatzen zen erakundea.
Guztira hamabost dira atxilotuak. Espainiako Poliziaren arabera, bi taldeen buruak eta beste hamahiru pertsona atxilotu dituzte. Atxiloketak Bilbon (6), Gasteizen (3), Madrilen (3), Irunen (2) eta Lleidan (1) izan dira. Agenteek 3.000 euroko eskudirua, ibilgailu bat, 24 mugikor eta bestelako material informatikoa eta dokumentazioa ere atzeman dituzte.
Gutxienez 33 pertsonaz aprobetxatu da. Irunen jaso eta Ipar Euskal Herrira eraman ditu, dirua kobratuta.
Lehen ediziotik zortzi urte igaro direnean, salaketa eta elkartasun ekimen hau Balkanetako mugara abiatuko da datorren uztailaren 12an, 21 arte.
Aurten ere, Mugak Zabalduz karabanan ia ehun lagun abiatuko gara Euskal Herritik, Europaren migrazio politikak, eta aurten bereziki onartu berri duen Migrazio eta Asiloko Paktua, salatzeko asmoz. Aurten Balkanetako mugara joango gara, Bosnia Herzegovinako Bihac hirira; hor... [+]
Martutene auzoan lapurretak ugaritu direla aitzakia hartuta, iaztik, hainbat dira Martutene auzoan eztabaida eta polemikak. Segurtasun talde bat sortu zuten hainbat bizilagunek, “Ertzaintzak ezer egiten ez zuela iritzita”. Pauso bat urrunago joan dira orain, eta... [+]
Aita Mari ontzian salvamento marítimo humanitario izeneko gobernuz kanpoko erakundearekin lanean ari da Isa Egiguren kazetaria.
Duela bi urte, Marokotik Melillara igaro nahian ari ziren ehunka pertsonari eraso egin zieten polizia-indarrek, eta gutxienez 70 lagun erail zituzten, nahiz eta kopuru zehatza ez dagoen argi. Gertakarien inguruko ikerketa amaitutzat jo dute Marokon, iritzita ez dagoela... [+]
Futbolarien agente bat dela antzeztuta, gazteei dirua eskatu eta Kolonbiatik migratzera bultzatu ditu iruzurgileak, sinetsarazita Euskal Herriko futbol talderen batek interesa izan zezakeela haiengan. Gutxienez 25 pertsona engainatu ditu, eta pilatuta izan ditu azpialokatutako... [+]
Ekainaren 16an Britainia Handiko BBC telebista kateak publiko egin duenez, Greziatik Europara joan nahi zuten pertsonak modu basatian hil izan dituztela frogatzen duten lekukotasunak bildu dituzte. Greziako uretatik irten eta brankatik behera itsasora bota dituzten bederatzi... [+]
Atzerritartasun Legea aldatzea adostu dute Kanariek eta Espainiako Gobernuak: lurralderen batek pertsona migratuak hartzeko duen "gaitasunaren %150" gainditzen denean, estatuko beste erkidego batzuetara mugitzera behartuko dituzte adingabeak.
Migrazio politikaren gogortzea dakarren dekretua izenpetu du ekainaren 4an AEBetako presidente Joe Bidenek eta asteazken honetan sartu da indarrean neurria. Testu horrek dio egunean 2.500 zeharkatze ilegalen langa gaindituz gero (asteko batezbestekoa eginez), muga erabat itxiko... [+]
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]
Cimade elkarteak emandako datuen arabera, %55a aske geratu bazen ere, 2023an 351 pertsona atxilotu zituzten paperik gabekoak atxikitzeko zentroan. Gehienak Aljeria, Maroko eta Tunisiako jatorria zuten.