Migratzaileak delinkuentziarekin lotu eta mugen kontrola areagotzearen alde egin du Pirinio Atlantikoetako prefetak
Espainiako Estatutik Frantziakora “legez kanpoko” gero eta migratzaile gehiago igarotzen direla argudiatuta, mugetako kontrolak indartzea begi onez ikusi du Pirinio Atlantikoetako prefetak. Migratzaileek delitu txikietan “eragin hautemangarria” dutela gaineratu du.
Segurtasun ezaren diskurtsoa ez zaigu arrotza, indar handiz zabaltzen ari baita han-hemenka, eta migratzaileak delinkuentziari lotzea ere politikari eta hedabide zenbait hedatzen ari diren mezua da. Jean-Marie Girien Pirinio Atlantikoetako prefeta izan da hori egiten azkena, eta baieztapen hori argudiatzeko adierazi du pasa den urtarrilean Ipar Euskal Herrian egin diren delituen erdia pasatxo paperik gabeko migratzaileek egin dituztela. Fokua zabaldu eta aurreko azken bi urteak hartzen baditugu, ordea, ez 2023an ez 2024an ez da halakorik gertatu eta delitugile portzentaje osotik gutxiengoa da jatorri atzerritarra duena.
Gogoeta are gehiago zabalduz gero, paperik gabe eta askotan aukerarik gabe diren pertsona horiei zein alternatiba eskaintzen zaien ez da eztabaidatu, zergatik hainbatetan dauden kondenatuta bizirauteko legez kanpo jokatzera. Haiek kanporatzea da soluzioa, prefetaren irudiko.
Prefetak gehitu du Pirinio Atlantikoetako departamendua dela Frantziara sartzeko migratzaileek darabilten bide nagusia eta bide hori egiten duten paperik gabeko pertsonen kopurua asko hazi, kontrolak indartzearen alde agertzeko argudio gisa.
Poliziak mugan egindako atzemate datuak ere eman ditu: 2024an, hilabete bakoitzean "legez kanpoko" 438 pertsona migratzaile atzeman dituzte, batez beste.
Korrika baliatuta hainbat pertsonari muga gurutzatzen laguntzeagatik zabalik den auziaren inguruan adierazi du "legez kanpoko sarrera" ez dela lagundu behar, "eta bereziki erne" daudela.
Delinkuentziaren arriskua
Segurtasun falta eta delinkuentzia diskurtso askoren protagonista da azken boladan. Ipar Euskal Herrian ere ez da arrotza. "Azken hilabeteetan jendetasunaren kontrako jokabideak areagotu" direla argudiatuta, udaltzainak armatzea erabaki zuen pasa den urrian Hendaiako udal gobernuak, ARGIAn kontatu genuenez. Angelu, Baiona, Biarritz, Ziburu, Urruña eta Donibane Lohizuneko udaltzainek ere armak eramaten dituzte dagoeneko.
108 pertsona erreskatatu dituzte asteburuan Mediterraneoan. Italiako Gobernuak ez die utzi gertuko portu batean lehorreratzen, eta Salernora bideratu dute Aita Mari ontzia. Litekeena da Europako Batasunak migrazio politikaren araudia gogortu aurreko azken misioa izatea. Aita... [+]
Elkarteko Andoni Burguetek nabarmendu du espetxean dauden presoek egindako delitu gehienek behar sozioekonomikoekin lotura dutela.
350 poliziako "Force Frontière" dispositiboa baliatu dute Gipuzkoako eta Lapurdiko mugetan migratzaileen kontra egiteko martxoaren 26 eta 27an. Aurrez "terrorismo islamistaren" aurka egiteko aitzakiaz erabiltzen zituzten dispositiboak, orain "migrazio... [+]
Aljeriatik datoz Mohamed eta Said [izenak asmatuak dira], herri beretik. “Txiki-txikitatik ezagutzen dugu elkar, eskolatik”. Ibilbide ezberdinak egin arren, egun, elkarrekin bizi dira Donostian, kale egoeran. Manteoko etxoletan bizi ziren, joan den astean Poliziak... [+]
Kritika artean abiatu dira Gasteizko Arana klinika zena Nazioarteko Babes Harrera Zentro bilakatzeko obrak. Ez auzokideak, ez errefuxiatuekin lan egiten duten gobernuz kanpoko erakundeak, ez PSEz bestelako alderdi politikoak ez daude ados proiektuarekin: makrozentroen ordez,... [+]
Europako Batzordeak lege-proiektu berri bat aurkeztu du asteartean. Dokumenturik gabeko pertsonak jatorrizko herrialdeetara edo igarotze-herrialdeetara deportatzeko prozesua areagotzea eta azkartzea helburua du.
Harrera-herri euskaldun nola izan gaitezkeen galdetu zion Leire Amenabarrek bere buruari eta parean zituenei iaz, Gasteizen, harrera-hizkuntzari buruzko jardunaldietan, eta galdera horrexetan sakontzeko elkartu gara berarekin hilabete batzuk geroago. Amenabarrek argi du... [+]
“Bi pertsona mota daude munduan: euskaldunak, batetik, eta euskaldunak izan nahiko luketenak, bestetik”. Gaztea zela, Mary Kim Laragan-Urangak maiz entzuten omen zuen horrelako zerbait, Idahon (AEBak), hain zuzen. Ameriketan jaio, hazi, hezi eta bizi izandakoak 70... [+]
Aurrekoan, ustezko ezkertiar bati entzun nion esaten Euskal Herrian dagoeneko populazioaren %20 atzerritarra zela. Eta horrek euskal nortasuna, hizkuntza eta kultura arriskuan jartzen zituela. Azpimarratzen zuen migrazio masifikatua zela arazoa, masifikazioak zailtzen baitu... [+]
Hamasei migrante atxilotu zituzten otsailaren 6an Baionan, etorkinen eskubideen aldeko elkarteek salatu dutenez. Dirudienez, Baionako prokuradoreak eman zuen agindua. Operazioa autobus geltokiaren eta Pausa harrera zentroaren artean gauzatu zuen poliziak, tartean, adingabekoak... [+]
Agintean dagoen Alderdi Laboristak atxiloketen eta deportazioen irudiak erakutsi ditu, eta urtarril honetan "errekorra" egin duela esan du, harro-harro.
Gurera ekarri dugu Achille Mbenbe politologo kamerundarraren "nekropolitika" terminoa. Heriotzaren prismatik begiratzen die herritartasunari eta botereari, eta argi uzten digu pertsona multzo batzuen biziak gutxietsiak, balio gabekoak eta beraz, lasai asko desagertu... [+]
Zutabe hau idazten nengoela, gaia aldatu behar izan dut, nire arreta osoa harrapatu dutelako Trumpen muga-zergek. Azalpen gutxi beharko duzue, leku guztietan da berria, Txinako produktuei %10eko zerga eta Kanadako eta Mexikoko produktuei %25eko muga-zergak jarri dizkie. Trumpek... [+]