Boli Kostakoa zen Bidasoa ibaian itotako migratzailea
Bidasoa ibaian Boli Kostako gazte migratzaile baten gorpua aurkitu dute maiatzaren 22an itota, Azken Portu kiroldegitik hurbil. Bidasoa ibaia zeharkatu eta Hendaiara heldu nahi zuen gazteak.
Irungo Harrera Sarearen ustetan, hildakoa igarobidean zen migratzaile bat zen, bere ibilbidea jarraitzeko asmoa zuena. Ertzaintzak eta suhiltzaileek atera zuten gorpua ibaitik. Duela hilabete bat, gaztearen gorpua aurkitu duten lekutik gertu eritrear jatorriko beste gazte baten gorpua aurkitu zutela gogorarazi nahi izan du Sareak.
Hildakoa gogoratzeko eta gertakaria salatzeko Irungo Azken Portu auzoan ekitaldia egin zuten hurrengo egunean, maiatzaren 23an. Irungo Harrera Sareak, Etorkinen kolektiboak, Cimadek eta Diakitek antolatu zuten ekitaldia. Amets Arzallusek eta Tom Dubois gazte hendaiarrak hartu zuten parte ekitaldian.
Berriak jakinarazi duenez, instituzio publikoek ardurak hartu beharra eskatu dute eta migratzaileen egoera eta ezarritako politikak aldatzeko lan egitea. “Egoera hau aldatu beharra dago, ezin dugu normalizatu, eta, gainera, badakigu beste modu batzuk badaudela gauzak egiteko. Politika arrazista hauek ez dira alternatiba bakarra”, salatu du Sareak.
Maiatzaren 29an manifestazioa
Irungo Harrera Sareak maiatzaren 29an Irun eta Hendaian manifestazioak antolatu ditu. Era guztietako erakundeei eta giza eskubideen errespetuaz kezkatuta dauden guztiei egiten diete bertaratzeko eskaera. Maiatzaren 29an hainbat gauza salatu nahi dituzte: migratzaileei egiten zaien harrera, Irungo mugako kontrol arrazistak eta Europar Batasuna eta estatu kideak ezartzen eta gogortzen ari diren mugetako kontrol eta migrazio politika arrazistak.
Europako Batzordeak lege-proiektu berri bat aurkeztu du asteartean. Dokumenturik gabeko pertsonak jatorrizko herrialdeetara edo igarotze-herrialdeetara deportatzeko prozesua areagotzea eta azkartzea helburua du.
Harrera-herri euskaldun nola izan gaitezkeen galdetu zion Leire Amenabarrek bere buruari eta parean zituenei iaz, Gasteizen, harrera-hizkuntzari buruzko jardunaldietan, eta galdera horrexetan sakontzeko elkartu gara berarekin hilabete batzuk geroago. Amenabarrek argi du... [+]
“Bi pertsona mota daude munduan: euskaldunak, batetik, eta euskaldunak izan nahiko luketenak, bestetik”. Gaztea zela, Mary Kim Laragan-Urangak maiz entzuten omen zuen horrelako zerbait, Idahon (AEBak), hain zuzen. Ameriketan jaio, hazi, hezi eta bizi izandakoak 70... [+]
Aurrekoan, ustezko ezkertiar bati entzun nion esaten Euskal Herrian dagoeneko populazioaren %20 atzerritarra zela. Eta horrek euskal nortasuna, hizkuntza eta kultura arriskuan jartzen zituela. Azpimarratzen zuen migrazio masifikatua zela arazoa, masifikazioak zailtzen baitu... [+]
Espainiako Estatutik Frantziakora “legez kanpoko” gero eta migratzaile gehiago igarotzen direla argudiatuta, mugetako kontrolak indartzea begi onez ikusi du Pirinio Atlantikoetako prefetak. Migratzaileek delitu txikietan “eragin hautemangarria” dutela... [+]
Hamasei migrante atxilotu zituzten otsailaren 6an Baionan, etorkinen eskubideen aldeko elkarteek salatu dutenez. Dirudienez, Baionako prokuradoreak eman zuen agindua. Operazioa autobus geltokiaren eta Pausa harrera zentroaren artean gauzatu zuen poliziak, tartean, adingabekoak... [+]
Agintean dagoen Alderdi Laboristak atxiloketen eta deportazioen irudiak erakutsi ditu, eta urtarril honetan "errekorra" egin duela esan du, harro-harro.
Gurera ekarri dugu Achille Mbenbe politologo kamerundarraren "nekropolitika" terminoa. Heriotzaren prismatik begiratzen die herritartasunari eta botereari, eta argi uzten digu pertsona multzo batzuen biziak gutxietsiak, balio gabekoak eta beraz, lasai asko desagertu... [+]
Zutabe hau idazten nengoela, gaia aldatu behar izan dut, nire arreta osoa harrapatu dutelako Trumpen muga-zergek. Azalpen gutxi beharko duzue, leku guztietan da berria, Txinako produktuei %10eko zerga eta Kanadako eta Mexikoko produktuei %25eko muga-zergak jarri dizkie. Trumpek... [+]
Astearte honetan Baionan egitekoa zen zazpi herritarren aurkako epaiketa zortzi hilabetez atzeratu dute. Iazko Korrikan, Irun eta Hendaia arteko Santiago zubia zeharkatuz, 36 migratzaileri Ipar Euskal Herrian sartzen lagundu izana egotzi die Frantziako Justiziak. Defentsak... [+]
2.000 lagun inguru bildu dira urtarrilaren 26an, Irunetik Hendaiarako martxan, Europaren migrazio politika “hiltzaileak” salatzeko. Korrika igaro zenean hainbat migratzaileri muga igarotzen laguntzeagatik auzipetutako ekintzaileei babesa eman diete. Ekintzaileak... [+]
Egiari zor, ez dakit zergatik ari naizen hau idazten. Gaur egungo giro liskartsuan ez dira modu honetako iritziak ondo hartzen. Beharbada, ARGIAk ez du hau argitaratuko, ez baitator bat orain arte argitaratu dituzten iritziekin (baina, azkenean argitaratzea erabaki badute,... [+]
AEBko John C. Coughenoiur epaileak onartu du Washington, Arizona, Illinois eta Oregon estatuek elkarrekin aurkeztutako helegitea, eta horren arabera atzera bota du Donal Trumpek AEBn jaiotako migratzaile ez legezkoen seme-alabak kanporatzeko dekretua.
Tipi-tapa mugitzen ditugu euskaltzaleok gure oinak Korrikaren lekukoaren atzetik, gure hizkuntzaren alde, desio dugun Euskal Herri euskalduna helburu, herri euskaldun gisa biziraun nahi dugula aldarrikatzeko.
Tipi-tapa ematen ditu lehen urratsak Afrikako, Hego Amerikako edo... [+]