Miel A. Elustondok irabazi du Rikardo Arregi Kazetaritza saria
Tonban ehortzirik artikulu sortarengatik eman dio saria epaimahaiak kazetari eta idazleari, Berria egunkarian argitaraturiko saila. Komunikazio saria Enpresabidea.eus atari digitalak jaso du. Hautagaien artean zegoen ARGIAko kazetari Amaia Lekunberri, Larrun gehigarrian anorexiaren inguruan idatzitako monografikoagatik. Epaimahaiak Pablo Gonzalezen egoera salatu eta adierazpen askatasunaren aldeko aldarria ere egin du.
Andoainen asteazken iluntzean egin duten sari banaketa ekitaldian jakinarazi dituzte 2022ko Rikardo Arregi Kazetaritza sarien irabazleak. Miel A. Elustondo idazle eta kazetariak irabazi du Kazetaritza saria, Berria-n argitaratu duen Tonban ehortzirik artikulu sortarengatik.
Hainbat euskal pertsonaia historikori egindako "elkarrizketak" eta XIX. mendeko emakume bertsolariei buruzko kronikak uztartu ditu Elustondok, kazetaritzatik eta literaturatik edaten dute artikuluetan: "Nik ez dut ekarri diskurtsorik, ekarri dut Rikardo", esan du biziki hunkituta, eta Gabriel Arestik Rikardo Arregiren heriotzean idatzitako poema errezitatu du. ARGIAko irakurleak ongi ezagutzen du Elustondo, besteak beste 20 urte daramatzalako kolaboratzaile gurean, bereziki elkarrizketak eginez.
Kazetaritzako hautagaien artean ARGIAko Amaia Lekunberri zegoen, Larrun gehigarrian idatzitako Anorexia, bestelako gerturapen bat. Zer dio jateari uzten dionak, jateari uzten dionean? erreportajeagatik.
Komunikazio saria, bestalde Enpresabidea.eus-ek eraman du, informazio ekonomiko enpresarial espezializatua eskaintzen duen ataria. Maite Reizabalek jaso du saria proiektuaren izenean: "Diruaren hizkuntza gaztelera izan da tradizioz eta orain ere hala da, ez du zertan, euskara jatorrean diharduten milaka eragileren eta pertsonen lan handiari esker", esan du Reizabalek, proiektua bultzatu eta lagundu dutenei eskerrak ematearekin batera.
Pilar Iparragirre gogoan
Ekitaldiaren hasieran ohorezko aipamena egin diete Patxi Baztarrikari, besteak beste Rikardo Arregi sariei emandako bultzadagatik, eta Elixabete Garmendiari, kazetaritzako bere ibilbide profesionalagatik.
Elixabete Garmendiak Zeruko Argia-n jardun zuen 70eko hamarkadan eta harekin batera ibili zen hainbat urtez orain gutxi zendu den Pilar Iparragirre: "Saminetik, Pilarrenganaino luzatu nahi nuke gaur hemen egin zaidan aitorpena", esan du Garmendiak bere hitzartzean.
Adierazpen askatasunaren alde
Epaimahaiak aipamen berezia egin du jazarrita dauden kazetarientzat: "Ez dira garai hoberenak adierazpen askatasunarentzat. Munduan zehar kazetariak isilduak dira, epaituak edo epairik gabe kartzelatuak. Aurten ere hainbat kazetarik bizia galdu dute informatzeko eskubidearen alde lanean ari zirenean". Bereziki Ukrainako gerraren testuinguruan Polonian preso den Pablo Gonzalez izan du gogoan eta adierazpen askatasunaren aldeko aldarria egin du.
Ekitaldiaren amaieran Bingen Zupiria Jaurlaritzako Kultura eta Hizkuntza Politikako sailburuak hitz egin du. Atzera begirako hainbat "mugarri" azpimarratzeaz gain, euskal kazetaritzak ikus-entzunezkoen arloan dituen erronkak nabarmendu ditu Zupiriak: "Espero dugu horietan bidelagun izatea", esan du.
Rikardo Arregi Kazetaritza Sariak Andoaingo Udalak antolatu eta Eusko Jaurlaritzako Kultura eta Hizkuntza Politika Sailak babesten ditu diruz.
Komunikabideko hainbat langile eta bazkide bertaratu ziren duela astebete Amurrioko Udaleko plenora, dirulaguntza bigarren urtez ezabatu dela salatzeko. Txerra Molinuevo alkateak ez zuen inolako erantzunik eman.
Idatzi honen bidez, EITBko Euskara Batzordeak eta azpian sinatzen duten EITBko organoek euren kezka eta gaitzespena agertu nahi dituzte azken hilabeteetan EITBko zuzendaritza-postuetarako abian ipini diren hautatze-prozesuak direla eta, gutxietsi egin baita euskararen... [+]
Vietnam, 1965eko otsailaren 7a. AEBetako aire-armadak lehenengoz napalma erabili zuen biztanleria zibilaren kontra. Ez zen gasolina gelatinatsua erabiltzen zen lehen aldia. Bigarren Mundu Gerran hasi ziren bonbekin batera jaurtitzen eta, Vietnamen bertan, Indotxinako... [+]
.jpg)
EITBko Euskara Batzordeak gaitzespena adierazi du azken hilabeteetan egindako zuzendaritza postuetarako hautaketa prozesuak direla eta. Salatu dutenez, euskarazko C1 maila ez duten hiru pertsona hautatu dituzte postu garrantzitsuetarako: EITB Mediaren zuzendaritzarako, Social... [+]
Hirietako egunerokoa interesatzen zaio Sarah Babiker kazetariari; ez, ordea, postaletako irudia, baizik eta auzoetan, parkeetan, eskoletan, garatzen den bizitza; bertan dabilen jendea. Lurralde horretan kokatzen dira bere artikuluak, baita iaz argitaratu zituen bi lanak ere... [+]
Asiak jarraitzen du izaten kazetari gehien atxilo dituen kontinentea: 2024an atxilotutako kazetarien %30 baino gehiagorekin. Txina, Israel eta Myanmar izan ziren berriemaile gehien espetxeratu zituzten estatuak iaz. Osotara, 200 kazetari baino gehiago hil eta ehunka zauritu eta... [+]
Lehengo batean, The Wire telesail sonatua berrikusten ari nintzela, etsipena gogora ekarri zidan eszena bat heldu zen. Bertan, The Baltimore Sun egunkariaren zuzendaritzak langileak bildu eta datozen aldaketei buruz ohartarazten die; hau da, kaleratzeez eta distira gutxiagoko... [+]
Adimen Artifizialarekin egindako disparateen biltegia handitzen ari da. Erabiltzaile arruntok sortutakoak txorakeriak izan daitezke neurri handi batean, baina Interneteko erraldoiak berak ari dira halakoak errepikatzen eta horrek larriagoa dirudi, eragin globala izan... [+]
"Sedizioa bultzatzen duelako" hartu du Al-Jazeeraren zabalpena eta lana "aldi baterako" debekatzeko erabakia Palestinako Aginte Nazionalak. PAN "Israelekin lerrokatu izana" deitoratu du komunikabideak, argi utzirik "mehatxuen eta intimidazioen... [+]
Media.cat-ek egindako azken ikerketak agerian utzi du emakume kazetariek Katalunian jasaten duten sexu-diskriminazioa. Inkestatutako emakumeen %54,4k sexu-jazarpena jasan dutela eta %55,1ek sexu-generoaren araberako jazarpena izan dutela adierazi dute.
"Euskalduna ez den pertsona bat –Nagore de los Rios– hautatu du EITBko zuzendaritza nagusiak Eitb.eus eta Social Media atalerako zuzendari posturako, eta, ondorioz, euskaraz ez dakien pertsona bat izendatu dute helburuen artean euskararen... [+]