Ostegunean Miarritzen gertatutako emakumearen hilketa salatzeko elkarretaratzeak egin dituzte Miarritzen eta baita Hego Euskal Herriko hiriburuetan ere. Euskal Herriko Emakumeen Mundu Martxak antolatu ditu mobilizazioak: Gasteizen eta Bilbon larunbatean elkartu ziren eta Iruñean eta Donostian astelehenean egingo dituzte.
Apirilaren 14an, 75 urteko emakumearen gorpua topatu zuten suhiltzaileek Miarritzeko Agilera auzoko etxe batean, 77 urteko gizonezkoaren gorpuarekin batera. Izan ere, gizonezkoak emakumea eskopetarekin tiroz hil eta ondoren bere buruaz beste egin duela baieztatu dute eta Baionako fiskaltzak "borondatezko homizidio" gisa definitu du gertatutakoa. 2003 geroztik Euskal Herrian indarkeria matxistaren ondorioz hildako 110. emakumea da, eta aurtengo hirugarrena. Ipar Euskal Herriko datuen arabera, 2005 eta 2020 artean 25 emakume hil dituzte bortxaz eta aurtengo lehena izan da Miarritzekoa.
Asanblada feministak ostiral arratsalderako antolatu zuen elkarretaratzea, eta Miarritzeko Herriko Etxearen parean salatu zuten 75 urteko emakumearen hilketa; "Non aux violences sexistes. Bortizkeria sexistarik ez" lelopean.
Horrez gain, Hego Euskal Herriko hiriburuetan ere mobilizazioak izan dira, Emakumeen Mundu Martxak antolatuta. Larunbatean, Bilbon egin zuten elkarretaratzea Arriaga plazan eta igandean Gasteizen, Andra Mari Zuriaren plazan. Gaur ordea, Iruñean elkartuko dira 20:00etan Udal Plazan eta Donostian 19:00etan Bulebarrean.
Emakumeen Mundu Martxak ohar baten bidez salatu duenez “Indarkeria matxistak ez dauka mugarik. Sistema kapitalista patriarkalaren funtzionamenduaren ezinbesteko tresna da, eredu horrek sortzen dituen pertsonen arteko botere harremanak bizirauteko eta mantentzeko baliabidea da". "Indarkeria matxistaren aurkako borrokan agente sozial, politiko eta instituzional guztien ardura pertsonal eta kolektiboa ezinbestekoa da, hezkuntzan hasita beste edozein eremutan ere. Garaia da hitzetatik praktikara pasatzeko", adierazi dute.
Munduko Osasun Erakundeak egindako ikerketa batek 161 estatu eta eskualdeetako datuak jaso ditu. 15-19 urte arteko nerabeen %24 bizitzan noizbait bikotekidearengandik indarkeria jasan duela jaso dute, eta %28 30-39 urte arteko emakumeek. Daturik okerrenak errenta maila baxuko... [+]
Komunikabideek hainbatetan kontatzen dute halako herritan haur bati sexu abusuak egin dizkiola entrenatzaileak. Beste zenbaitetan entzuten dugu haur baten aitona atxilotu dutela bilobari sexu abusuak egiten zizkiola egotzita. Gutxiagotan argitaratzen da umeari erasoa egin diona... [+]
Gasteizko adin txikiko neska bati sexu erasoa egin zion adin txikiko mutil batek, 2023ko ekainean. Gasteizko Mugimendu Feministak ez ditu bidezkoak ikusten epaileak erasotzaileari ezarri dizkion neurriak. Uste du erasoa jasan duenaren birbiktimizazioa bultzatzen dutela... [+]
Indarkeria fisikoa eta sexuala jasan izana salatua duten Betharramgo Notre Dame ikastetxeko kasik ehun ikasleei beste 26 salaketa batu berri zaizkie. Horien artean, oraindik ikastetxean lanean ari den begirale baten kontrakoa dago: 12 urteko mutikoa bortxatu zuela frogatu... [+]
Iruñeko alkateak balorazio positiboa egin badu ere, nabarmendu du 24 eraso erregistratu eta 23 pertsona atxilotu dituztela. Baionan ere, bestetan hamaika eraso salatu dituzte.
Asteazkenan ireki dira Baionako bestak usaian baino goizago, bai egutegian bai tenorean. Gisa berean, Patxa plazako besta alternatiboak arratseko 6etan abiatuko dira. Eneka Barnetx Borda, Zizpa gaztetxeko kidea da.
Sanferminetako lehen bi egunetan gutxienez bederatzi eraso sexista salatu dituzte, horietako hiru intentsitate handiko sexu erasoak, Mugimendu Feministak gaitzetsi duenez. Foruzaingoak erasoei lotutako gizonak atxilotu ditu, eta gertakariak ikertzen ari da. Erasoei erantzuteko... [+]
Udaltzaingoak gizon bat atxilotu du larunbat honetan Tuteran, emakume bati sexu-erasoa egitea egotzita. Emakumeak Poliziari deitu zion laguntza eske gizona jarraika zuelako.
Iruñerriko mugimendu feministak elkarretaratzea egin du uztailaren 7an, bezperan izandako lau eraso salatzeko. Berriozarren eta Tuteran bi gizon atxilotu dituzte sexu abusuengatik.
Iruñean, Sanferminetarako, udal estrategia bat sortu da eraso sexisten aurkako protokolo saretua aurrera eramateko. Protokoloak, sentsibilizazio eta prebentzio neurrietan, eta ekintza plan batean oinarrituta dago, zeina, interbentzioa, laguntza eta erantzun protokoloa... [+]
Irunberriko Talde Feministaren eskaerari uko egin eta eraso sexisten aurkako kartela ez dutela herri sarreran jarriko erabaki du Rocío Monclús buru duen udal gobernuak, ez dela beharrezkoa argudiatuta, "beste eraso batzuk ere gertatzen direlako". Udalaren... [+]
Nagore Laffage Casasolaren heriotza salatu dute Iruñean astelehenean. 2008ko Sanferminetan Jose Diego Yllanesek hil zuen, Laffagek 20 urte besterik ez zituela.
70 urteko apaizari urtebeteko espetxe zigorra jarri diote, baita bost urteko debekua adin txikikoekin lan egiteko ere. Bere ordenagailuan pedofiliazko edukia aurkitu zuten ikertzaileek. Itaiak elkarretaratzea egin du Baionan, epaiketa hasi aurretik.
Ostegunean emandako prentsaurrekoan Jerome Bourrier prokuradoreak bikotea “dibortzio-prozesuan” zegoela adierazi du, eta senarrak ez zuela onartzen. Senarra jendarme ohia eta tiro kirolaria da, eta etxean zituen gerra armak ez dituzte aurkitu. Laure Zacchello... [+]
Laure Zacchello azken aldiz ikusi zuten ekainaren 21 goizean. Fiskaltzak astelehenean senarrari behin-behineko espetxealdia ezarri zion eta haren parte-hartzea froga dezaketen “zantzu serio eta sendoak” daudela informatu du Sud Ouest egunkariak. Jendarmeriak laguntza... [+]