Mezu kristaurik gabeko Gabon kantak, ikastetxe ugariren aukera
Gabonen erroa kristaua dela jakinda ere, erreferentzia katolikorik ez duten kantuak abestea erabakia du (edo eztabaida horretan dihardu) gero eta ikastetxe gehiagok, eskolaren printzipioetako bat laikotasuna dela oinarri hartuta.
Bai, Gabonak kultura kristauaren emaitza dira, eta eztabaida hau ematen delarik, batzuen jarrera irmoa da: Gabonak ez ospatzea da erlijioari benetan bizkar emateko modua; Gabonek Jesusen jaiotza ospatzen dute eta Jesus kantuetatik ezabatzea ez da ulergarria. Alternatiba laikoa da Gabonak ez ospatzea.
Aldiz, erlijioak zipriztindutako kulturak gizarte gero eta laikoago batekin elkarbizitzen segitzen duen bitartean, ikastetxe ugarik ikusi du uztargarria dela Olentzero eta Mari Domingiren etorrera ospatzea sinbologia katolikoa azpimarratu beharrik gabe. Azken finean, etxe askotan ere halaxe egiten da gaur egun.
Bada abestiak moldatzen dituenik –“aditu duanian Jesus jaio dala” pasartea, adibidez, “aditu duanian negua heldu dala” esaldiaz ordezkatuta–, baina Jesus, Maria, Jose, aingeruak edota Jainkoa hizpide ez dituzten Gabonetako abestiak ez dira gutxi, eta beraz, hautua egiten duten hezkuntza komunitateentzat erraza da pausoa ematea. Mitxel Elortza Musika irakasleak, adibidez, “Gabon kanta laikoak” zerrenda jarri du eskuragarri, sarean.
Ikastetxe batzuek, Olentzero eta Mari Domingin baino gehiago, neguko solstizioaren ospakizunean jartzen dute indarra, edo Santomas jaian
Eztabaida eta aukerak
Dela ikastetxeko profesionalen gogoetatik, dela gurasoen eskarietatik eratorrita, urtez urte hezkuntza komunitate gero eta gehiagotan proposatzen da sinbologia erlijiosorik gabeko abestien alde egitea. EHIGE guraso elkarteen federazioak berak halaxe aldarrikatu zuen duela urte batzuk, “Gabonak ikasgelan ikuspegi erlijiosoa landu gabe jorratu” behar direla adierazita.
Ikastetxe batzuek, Olentzero eta Mari Domingin baino gehiago, neguko solstizioaren ospakizunean jartzen dute indarra, edo Santomas jaian, eta buelta horretako abestiak hobesten dituzte. Badira baita ere kantetan erreferentzia erlijiosoak mantendu baina parte-hartzea libre uzten duten ikastetxeak, eta nahi ez duen irakasle eta ikasleak ez du zertan abestu. Gabonen aitzakian beste kultura eta erlijio batzuetan ospatzen dituzten jaiez hitz egiteko aprobetxatzen duten eskolak ere badira.
Kontuak kontu, publiko nahiz itunpeko, Hezkuntza Legearen arabera teorian EAEn laikotasunaren printzipioa errespetatu behar dute denek –pentsa, baita Kristau Eskolak ere–, diru publikoz finantzatuak izan daitezen.
Ugaritu diren “txiringito pribatuei” muga jartzeko asmoz, unibertsitate berriak sortzeko baldintzak gogortu nahi ditu Espainiako Gobernuak. Euskal Herrian polemika artean jaio zen azken unibertsitate pribatuak adibidez, Gasteizko Euneizek, gaur gaurkoz ez ditu... [+]
Nafarroa Behereako Arberoa ikastola erre zen pasa den urrian. Administraziotik laguntzarik jaso ez duten arren, herritarrek berehala erantzun dute. Astelehenean, hain zuzen, elkartasuna eta berotasuna jaso dute Gipuzkoako Ibarran. Elkartasunak eraikitako sarea da gakoa.
ARGIAri jakinarazi diotenez, 40-50 irakasle inguruk Eusko Jaurlaritzaren Lakuako egoitzaren pareko belardian igaro dute gaua. Dozena bat kide identifikatu ditu gauerdian Udaltzaingoak.
Gaurko greba deialdiak %75eko jarraipena izan du sindikatu deitzaileen arabera... [+]
Bai ikastetxeek antolaturiko eskolaz kanpoko jarduerek, bai aisialdiari loturiko ekintzek eta udalekuek desgaitasunen bat duten haurrak kanpoan uzten dituzte maiz, eta hain justu, jarduera horiek bereziki onuragarriak dira premia bereziak dituzten haurrentzat. Hala dio... [+]
Hezkuntza Sailak EITBri azaldu dioenez, ikastetxe bakoitzean izan beharreko baliabideak batzar teknikoetan negoziatu partez, mahai negoziatzailean landu beharko lituzkete. Bihar eta etzi greba egingo dute EAEko ikastetxe publikoetako irakasleek.
Seaska Sarean inklusio egoeran dauden 165 ikasleei laguntza bermatzeko hasi dute kanpaina, antolaketa propioa eratuta. Frantziako Hezkuntza Ministerioaren jarrera salatu dute kanpaina aurkezteko prentsaurrekoan, behar bereziak dituzten haurren inklusiorako baliabide... [+]
Hezkuntzari buruzko legediak, Ekonomia Lankidetza eta Garapenerako Erakundearen eta planetako jaun eta jabeen aginduei jarraituz, ikasleek ikasketa etapa bakoitzaren amaieran “irteera-profil” jakin bat izatea bilatzen du. Ez pentsa profila zerbait itxia eta bukatua... [+]
Non daude talka handienak eta zenbateraino dago gertu akordioa, EAEko hezkuntza publikoko irakasleentzat? Greba ziklo luzeari amaiera emateko sukalde lanaren eta gakoen inguruan mintzatu gara, STEILASeko bozeramaile Haizea Arbiderekin. “Grebak bertan behera utziko... [+]
Nolako esperientzia eta ondorioak izan dituzte iraganean bateratu ziren ikastetxeek? Zein berme eskatzen dituzte orain fusio fasean murgilduta daudenek? Bi ikastetxek bat egiteko prozesuan, aintzat hartu beharreko gakoak zein diren aletu ditugu, etorkizunean fusioen politikak... [+]
Astelehen arratsalde-gaueko negoziaketa bilera luzearen ostean aurreakordiorik lortu gabe, EAEko hezkuntza publikoko irakasleak grebara deituak izan dira berriz ere; urtea hasi denetik bosgarren greba eguna izan da asteartekoa. Lanuzteek %75eko jarraipena izan dutela adierazi... [+]
Gure Haurrak ere Badira ekimenak deituta, Israelek azken egunetan Gazan hildako gehienak haurrak direla salatu dute. Gobernuei eta erakundeei Israelekin harreman oro etetea ere exijitu diete, "genozidio honen aurka argi eta tinko" lerratu daitezen.
Hezkuntza Sailarekin hainbat aldiz bildu dira hezkuntzako sindikatuak irakasleen lan baldintzak negoziatzeko. Hitzarmena berritzea, baina, ez dute lortu, eta martxoko eta apirileko bost greba egunetarako deialdia egin diete irakasleei. Lehenengoa astearte honetan izango da.
Nafarroako Ikastolen Elkarteak lehendakari berria du. Oier Sanjurjok hartu dio lekukoa Elena Zabaleta Andresenari. Beste zazpi kide izanen ditu alboan Sanjurjok.
Hezkuntza eredu propioa "ezinbestean" independentziatik etorri behar dela adierazi dute, eta sistema propio hori "publikoa eta komunitarioa" izatea nahi dutela. Ikamak deituta, goizean zehar piketeak egin dituzte Euskal Herriko hainbat hezkuntza zentroetan.
EAJk, EH Bilduk eta PSE-EEk ekimen bat adostu dute Eusko Legebiltzarrean Hezkuntza Sailari eskatzeko Iradi software libreko hezkuntza plataforma hedatzen jarraitzeko. Zenbait ikastetxetan ezarri da Iradi orain arte. Baliabide partekatuak, komunikazio zerbitzuak (e-posta eta... [+]