Mezu argia helarazi diete: Errenteria-Oreretan ez duela faxismoak lekurik
LGTBIQ+ banderaren itzalpean eta mezu eta doinu antifaxistez inguratuta jarri du karpa Voxek.
Ertzaintzak egindako pasilloan barrena atera dira Errenteria-Oreretatik, eta mezu argi bat jasota: Ez direla ongietorriak udalerrian. Aurreikusitako orduaren bueltan heldu dira Vox Espainiako ultraeskuineko alderdiko hamabost bat kide, oinez. Zumardi txikian muntatu dute karpa eta mahaia jarri haien etorrerarako kolore eta aldarrikapen antifaxistez jantzitako eremuan. Jarri duten karparen gainean, LGTBIQ+ bandera, ikur feminista, eta kartel antifaxistak gogorarazi die Errenteria-Oreretan faxismoak eta ultra eskuinak ez dutela lekurik.
Bertan eman dituzten bi ordu eta erdian etengabe entzun ahal izan da musika euskalduna eta antifaxista.
Ertzainek osatutako segurtasun hesiaren barruan izan dira, uneoro.
Hesiaren bestaldean, herritar ugari Errenteria-Orereta antifaxista dela agerian uzten
Argazkiaren bila etorri dira eta jarrera probokatzailea erakutsi dute sarri, telefonoarekin etengabe grabatuz Zumardian bildutako jendeari, edota Espainiako bandera astinduz joan aurretik. Ez dute lortu. Zumardiaren bazter batean izan dira, udalerrian Legebiltzarrerako 2024an egindako hauteskundeetan lortutako botoen kopuruaren pareko espazio txikian: erabat marjinala da ultraeskuineko alderdiak udalerrian duen boto kopurua —278 papertxo jaso zituen—.
Ez da gaurkoa Voxek udalerrira egin duen bisitaren gaineko gaitzespena adierazteko izan den hitzordu bakarra. Atzo manifestazio erraldoia egin zuten Errenteria-Oreretan ehunka herritarrek askatasunaren alde eta faxismoaren aurka, azken horri zirrikitu guztiak ixteko; probokazioan ez erortzeko eta hutsarena egiteko eskatu zuten herri ekimeneko ordezkariek protesta bukaerako irakurraldian. Bide beretik egin zuen udalak, aho batez, udal ordezkari guztiek adostu zuten adierazpen instituzionalaren bidez.
Ziurrenik bestelako argazki bat lortu nahi zuten gaurko bisitarekin Errenteria-Oreretan, ez dute erdiertsi. Parez pare ,etorkizunera begira jarrita dagoen herri anitz, koloretsu eta batez ere antifaxistarekin egin dute topo.
Oldarraldi faxistaren aurrean askatasuna leloarekin manifestaziora deitu dute dozenaka herritarrek. Ostiralean —hilak 21— 19:00etan Herriko Plazatik abiatuko da protesta, eta ahalik eta jendetsuena izatea nahi dute deitzaileek, faxismoaren oldarraldiari galga... [+]
Atxuri auzoan 2019ko azaroaren 5ean Voxen kontra egin zuten bederatzi pertsonaren kontrako epaia iritsi da. Akusatuek ez dute espetxean sartu beharko.
Atxuriko irakasle eta ekintzaile batek uko egin dio akordioari kontzientzia arrazoiak direla eta. Voxek bost urteko kartzela-zigorra eskatzen du auzokidearentzat, Fiskaltzak aldiz zazpi hilabeteko espetxe-zigorra hauteskunde-delituagatik eta hiru hilabeteko isuna mehatxu... [+]
Voxek lau eta zortzi urte arteko zigorrak eskatzen ditu haientzat. 2019an, faxistek jarritako propaganda-postu baten harira egin zuten protesta.
Faxisten aurka protesta egiteagatik auzipetu zituzten Lizarrako bi kideak. Asteazkenean, epaiketaren egunean, Lizarraldeko Kontseilu Sozialistak elkarretaratzea egin zuen epaitegi aurrean. Voxeko faxistak jarrera probokatzailearekin agertu ziren bertara, eta Guardia Zibilak... [+]
Voxeko zerrenda buru Jorge Buxadé eta alderdiko presidente Santiago Abascalek eskuin muturraren “emaitza onak” azpimarratu dituzte. Europar Batasun “zaharkitua” aldatzen ari dela esan dute, eta ziurtatu Bruselan “gehiago eta indar... [+]
Santiago Abascal eta Amaia Martinez hautagaia igo dira oholtzara Voxen balorazioa egiteko, eta nork agintzen duen argi gelditu da lehen segundutik: “Nik hitz egingo dut lehena”, esan du Abascalek, eta Martínezek oholtza uzteko imintzioa egin duenean, tinko... [+]
Ertzaintzak babestuta bertaratu dira faxistak asteburuan, eta protesta egin dutenen kontra kargatu du Poliziak Algortan. Pertsona bat atxilo eraman dute.
Ostegun honetan estreinatu da Madrilen 2016ko Altsasuko gazteen atxiloketa eta auzipetzea ardatz dituen antzezlana La Abadia antzokian, Voxek zentsura kanpaina handia egin ondoren.
Pedro Sánchezen eta Amnistia Legearen aurka antolatu dituzte manifestazioak, “espainiarren berdintasuna” aldarrikatzeko. Hego Euskal Herriko jendetsuena Iruñekoa izan da: 6.000 elkartu dira. Bilbon gizon bat atxilotu dute eta beste hiru identifikatu.
Udal komunikazioetarako hizkuntza lehenetsia zen katalana duela 36 urtetatik; orain, berriz, udalak osatu berritan, legea atzera bota du Vox eta Alderdi Popularraren arteko koalizioak. Funtzionarioek herritarrekin halabeharrez gazteleraz komunikatu beharra dute orain.
Eskuin muturreko ordezkariak adierazpen hauek egin ditu:
EH Bilduk irabazi ditu Kuartangoko Udalerako hauteskundeak, baina EAJrentzat izango da alkatetza, PPrekin hitzartua baitu. PPtik hautatu zuten zinegotziak, baina, postuari uko egin dio arrazoi pertsonalengatik, eta bere ordezkoa –PPko zerrendan bigarrena– Juan Pablo... [+]
Udal hauteskundeak pasa eta astebetera, badirudi prest gaudela aztertzeko hauteskunde berri hauek utzi dituzten emaitzak, datozen lau urteetan udalerrien politika instituzionala markatuko dutenak. Azterketa posible guztietatik kezkagarriena, zalantzarik gabe, Herrialde... [+]
EH Bilduk baino boto gutxi batzuk gehiago lortuta irabazi du EAJk Araban foru hauteskundeetan, eta eserlekuei dagokionez, bat gehiago besterik ez lukete lortuko jeltzaleek EH Bilduk baino, behin betiko azken emaitzen faltan. PPk eserleku bat irabaziko luke, eta PSEk eta... [+]