Metro pasanteari buruzko galdeketari “ondo arrazoitu gabe” eman zion ezezkoa Gipuzkoako Aldundiak
Joan den ekainean 8.916 sinadura aurkeztu zituen Satorralaiak mugimenduak, besteak beste Donostiako metro pasantearen proiektuan Gipuzkoako Foru Aldundiak izan beharreko partaidetzaz herri galdeketa egin zedila eskatuz. Aldundiak ezezkoa eman zion eskaerari. Orain, ezezko hura behar bezala arrazoitu gabekoa izan zela ebatzi du EAEko Arartekoak.
Satorralaiak-ek berak zabaldu du Arartekoaren hamabost orrialdeko ebazpena. Adierazi dutenez, “metroaren pasantea bultzatzen duten instituzioek herritarren parte hartzea oztopatzeko erabakiak hartu dituztela egiaztatzen du Arartekoaren txostenak”. Herritarren iritzia batere kontuan hartu gabe jokatu nahia leporatu die Satorralaiak-ek erakunde publikoei, eta datozen hilabeteetan proiektua geldiarazteko mobilizazioa eta herritarren presioa zeharo garrantzitsuak izango direla azpimarratu du.
Arartekoaren esanetan, “Foru Aldundiak auzotarren plataformari eman dio erantzunean herri-kontsultaren ekimenaren ezespena ez da nahikoa arrazoitu”. Arartekoari igorritako txostenean, Aldundiak argudiatu zuen –besteak beste– metro proiektua ez dela bere eskumena, Eusko Jaurlaritzarena baizik; horrek zentzugabe bihurtuko luke Gipuzkoa mailako galdeketa bat (zehazki Donostian egitea eskatu zuen Satorralaiak-ek). Haatik, kontsultaren galdera zehatza ez zegokion proiektuari berari, Aldundiak hartan izan beharreko parte hartzeari baizik. Ondorioz, Arartekoaren esanetan erabateko zentzua luke herri galdeketak, Gipuzkoako foru arauak aurreikusitako baldintzak beteko baitzituzkeen.
Aldundiak ez du proiekturako diru-kopururik aurreikusita oraingoz
Arartekoaren ebazpenak ez du ondorio praktikorik izango, oraingoz behintzat. Izan ere, Aldundiaren 2016ko aurrekontuetan aurreikusi zen 400.000 euro ematea metroko pasantearen proiektuari laguntzeko, eta horrek bultzatu zuen Satorralaiak taldea herri kontsultaren eskaria egitera. Alabaina, haiek 8.916 sinadurak entregatu bezain laster, Imanol Lasa Aldundiko bozeramaileak erantzun zuen diru kopuru hori beste arlo batzuetara desbideratua izan zela, eta 2017ko aurrekontuetan ere ez zela pasanterako dirurik izango.
Hala ere, Arartekoak gomendioa egin dio Aldundiari, etorkizunean metro pasantea sustatzeko diru partidarik aurreikusiz gero, horren publizitatea egin dezan publikoki, eta garaiz eta era egokian horren berri eman diezaion Satorralaiak plataformari, hark erabaki dezan herri galdeketaren ekimenari eutsi nahi dion ala ez.
Satorralaiak mugimenduak azaldu duenez, asteazken eguerdian gertatu da Urbieta eta San Martin kaleetan. Eraikina joan den urtarrilean kalteak jasan zituen beste eraikin baten alboan dago.
Donostiako Zubieta kaleko eragin baten patioan agertutako arrakala "itzel" gisa deskribatu du mugimenduak. Lanak hasi zirenetik bost urte igaro direnean, Donostiako metroaren eraikuntzan egiten ari den "baliabide publikoen xahuketa etengabea" eta obra... [+]
Satorralaia bizilagunen mugimenduak Donostiako Metroaren eraikuntza lanek Loiola kalearen eta San Martinen arteko izkinan dagoen eraikinean –Erviti musika denda zegoen tokian– eragindako kalteak salatu ditu.
Donostiako metroaren lanetan kaltetutako Zarautz hiribideko eta Zubieta kaleko eraikinetako hainbat bizilaguni kalte-ordainak eskaini dizkiete gutun bidez. Donostiako EH Bilduk salatu du haiek "isilarazteko" saiakera dela.
Donostiako alkate izandako Xabier Albisturrek metroaren egungo obren kontrako iritzia azaldu du Diario Vasco egunkariak egindako elkarrizketa batean. Bere ustez proiektua ez da nahikoa “anbiziotsua, obrak suposatzen duen inbertsiorako”.
Donostiako metroko obretan kamioilari gisa lan egiten du Imanolek, eta bere testigantza eman dio Berriari. Irregulartasunak eguneroko ogi direla salatzeaz gain, horiek auzitara eramateagatik jasandako mehatxuez eta kalte psikologikoaz mintzatu da.
Euskal Trenbide Sareak Donostiako Metroaren obretan agerturiko azken zuloa aurrekoak baino lau aldiz handiagoa dela adierazi du. Maiatzaren 7an eragindako zuloak 138 metro kubiko dauzka.
Pasa den astean Donostiako Zubieta kalean agerturiko zuloa estaltzeko 100 metro kubo hormigoi behar izan dituztela jakinarazi du EH Bilduko zinegotzi Garbiñe Alkizak, eta azkeneko honen tamaina aurrekoen hirukoitza dela.
Donostiako EH Bilduk salatu duenez beste zulo bat agertu da metroaren obretan, oraingoan Kontxako hondartzako kabinetan. Herritarren eta langileen segurtasuna arriskuan jartzen dutelako eta dagoeneko atzerapen eta gainkostu handiak pilatzen ari delako "zentzugabekeria"... [+]
Donostiako metroaren lanetan istripua izan da ostiral goizean, Benta Berriko tunelean. Oraindik informazio xeherik ez badago ere, ARGIAk jakin ahal izan du kofratua egiten ari zen langile bat dela zauritua eta ospitalera eraman behar izan dutela anbulantzian.
Euskal Errepublikaren aldeko Ehun mugimenduak larunbatean Donostiako metroaren lau tunelen sarreretan pankartak jarri ditu. "Metroaren zuloak frankismotik datorren eta 78ko erregimenarekin jarraitu duen sare klientelar-mafiosoaren adierazlerik ilunenak dira", salatu... [+]
Donostiako Kontxa hondartzatik gertu dagoen Zubieta kalean metroko obretan berriro ere zulo bat agertu da astearte goizean. Horren harira, hainbat sindikatu, alderdi eta kolektibok obrak berehala gelditzea eskatu diote Eneko Goia Donostiako alkateari.
Kontxa hondartza ondoan dagoen Zubieta kalean, metroko obretan berriro ere zulo bat agertu da astearte goizean. Trafikoa moztu behar izan dute udaltzainek eta Donostiako alkateak adierazi du badirudiela ekainean gertatu zen zuloarekin zerikusia duela, modu horretan aitortuz... [+]
Satorralaia bizilagunen mugimenduak deituta, hainbat herritar kalera atera dira protesta egitera Donostian. Proiektuak izango duen gainkostua salatu eta lanak bertan behera uzteko exijitu dute.
Satorralaia bizilagunen mugimenduaren ustez metroaren lanak eten behar izatean “proiektuaren zentzugabekeria egiaztatu baino ez du egiten”. Manifestazioa azaroaren 14an abiatuko da eguerdiko 12:00etan Koldo Mitxelenatik.