Metaren hordagoa EBri: Europa Instagram eta Facebook gabe gera daitekeela iradoki du
Meta (Facebooken taldeko aplikazioak biltzen dituen enpresa) Europar Batasunetik joan ote daiteke? Hori iradoki du AEBetako Segurtasun eta Elkartrukerako Batzordean (SEC, ingelesezko sigletan) aurkeztu duen dokumentu batean. EBko erabiltzaileen datuak AEBekin partekatzearen kontra jasotako 2020ko sententzia bat dago adierazpenaren muinean.
“Ez baldin bada Atlantikoaz gaindiko marko berri bat onartzen datuak transferitzeko eta ezin baldin badugu kontratu klausula estandarrik erabili, edo Europatik AEBetarako bestelako datu-transferentzia bide alternatiborik, probablea da guk ezin eskaini ahal izatea Europan gure produktu eta zerbitzu garrantzitsuenetako batzuk, Facebook eta Instagram adibidez. Eta horrek eragin negatiboa izango luke gure negozioan, egoera finantzarioan eta operazioen emaitzetan”. Hitz horiekin deskribatu du Metak EBn une honetan bizi duen egoera, SEC batzordeari aurkeztutako dokumentuaren 9. orrialdean.
Europar Batasuneko Justizia Auzitegiak duela bi urte emandako epai baten arabera, AEBetan ez da behar bezala bermatzen Europako erabiltzaileen datuen babesa. Schrems II gisa ezagutzen da epai hori, erraldoi teknologikoek pribatutasunarekin jokatzen duten modua auzitara eraman duen Max Schrems abokatu eta ekintzaile austriarrarengatik.
Eta azkenaldian, Schrems buruko min handiak ari da eragiten egoitza Estatu Batuetan duten korporazio teknologikoen bulegoetan –urte hasieran Google Analyticsen aurka ekintzaile berak izandako beste prozesu batez informatu zuen ARGIAk–.
Dena den, Facebookek Europa uztea ez da oso gertagarria teknologiaren alorreko hedabide espezializatuen arabera. Genbeta atarian irakurtzen denez, Mark Zuckerbergen enpresarentzat galera handiak ekarriko lituzke EBko ehunka milioi erabiltzaileri uko egiteak. Titular asko eragin dituen adierazpenak, beraz, beste zerbait bila dezake: EB bultzatzea AEBetara datu pribatuen transferentzia egiteko marko legal berri bat idaztera, adibidez.
Bitartean, Facebook sare sozialetik abiatuta sortu zen enpresak albiste negatiboak ekoizten jarraitzen du: joan den astean Metak jakinarazi zuenez, Facebook erabiltzaileak galtzen hasi da lehen aldiz sortu zenetik –2021eko azken hiru hilabeteetan milioi erdi galdu zuen–. Albistea argitara eman ondoren, Metaren akzioen balioak kolpe handia jasan zuen burtsan.
Gazteen artean teknologia libreen ezagutza zabaltzeko “Digitalizazio arduratsua” proiektua prestatzen ari dira Baionako Etxepare Lizeoa eta Iametza. Gipuzkoako Foru Aldundiaren “Ideiak2024” aurrekontu parte-hartzaileetara aurkeztu dute egitasmoa. Gaur da
María Chivite presidenteak lankidetza publiko-pribatua “beharrezkoa” ikusten du aurrerapen digitala lortzeko. Besteren artean, adimen artifiziala erabiliko du Microsoft Ibéricak, instituzioetako izapideak “arintzen laguntzeko”.
Igande honetan, maiatzak 12, urtero bezala Ipar Euskal Herriko ikastolen Herri Urrats festa ospatuko dute Senpereko lakuaren inguruan. Aurten, TxikiLinux Txokoa egongo da Xiberoa gunean. 9:00etatik 17:00etara haurrentzako tailerrak prestatu dituzte, sistema eragile libre eta... [+]
Software jabeduna utzi eta librera jauzia emateko helburua du Alemaniako Schleswig-Holstein estatu federalak. Hasteko, proba pilotu arrakastatsu baten ondoren, Microsoft Office baztertu eta LibreOffice erabiltzen hasiko dira administrazioan. Aurrera begira aldaketarekin jarraitu... [+]
Martxoaren 15ean RSSak (Really Simple Syndication) 25 urte bete ditu. Gehienek ez dakite zer den eta beste batzuk hiltzat jotzen dute, baina teknologia burujabetza ikuspuntutik oso interesgarria izaten jarraitzen du eta bizi-bizirik dago. Bitartekaririk gabe gure intereseko... [+]
Martxoaren 6an numeriko edo digital iraunkorraren eguna ospatu dute Baionako Estitxu Robles kolegioan. Ordenagailu zaharrak berregokitzen ikasi dute eta Ilargikoop ikasle kooperatibaren berri jaso dute.
Ez dut argi kontzientzia kolektiboa zelan ulertu ohi den; zutabe honetan honela ulertzen dut: momentu bat non gizarteko pertsona gehienak errealitate baten gainean ulermen partekatu bat dugun. Adibidez, denok ulertzen dugu zeinen garrantzitsua den etxebizitza bat izateko aukera... [+]
Webguneen arduradunek beren bisitarien trafikoa aztertu nahi izaten dute, baina horretarako gehien erabiltzen den Google Analytics tresnak pribatutasun eta lege arazoak ditu. Alternatiba etikoago bezala gehien erabiltzen den Matomo software librea euskaratu du Iametzak.
Badaramat denbora tarte bat haserre egunerokoan inguratzen nauen errealitate digitalarekin. Mugikorraren gehiegizko erabilera pertsonalak, seme-alaben hezkuntzaren googleizazio eta erabilera digital deterministak, erakunde publikoek korporazio digital erraldoien tresnekiko... [+]
Segurtasun eta pribatutasunaren ideiak azaltzeko pertsona nagusiekin ondo datozkidan analogia bi atea eta gortina dira. Atea giltzaz ixtea segurtasunarekin lotzen dut, etxea den edukiontzian inor ez sartzeko moduarekin. Gortina ixtearena pribatutasunarekin lotu ohi dut, gortina... [+]
Software librea erabiltzen duten Lezo BHI, Irungo Hirubide BHI eta Donostiako Antigua-Luberri BHI ikastetxeek beren esperientzia azaldu dute Eusko Legebiltzarreko Hezkuntza batzordean, EH Bilduko Lore Martinez Axpek eskatuta. Institutuetako ordezkarien aurkezpenen bideoak [+]