Meskita eraitsi, sinagoga eraikitzeko
Ultraeskuineko ministro Ben Gvir-ek zera proposatu du: sinagoga bat eraikitzea Jerusalemgo Meskiten Zelaiguneetan.
Jerusalemen ere, azken orduotan, urak ez dira bare. Itamar Ben Gvir ministro israeldar ultrakontserbadoreak musulmanak asaldatu ditu astelehen arratsaldean: juduen sinagoga bat eraikitzea proposatu du egun Tenpluaren Mendia dagoen lekuan, hau da, bai juduentzat eta bai musulmanentzat sakratua den lekuan; baina, Ben Gvir ministroak iradoki du Meskiten Zelaiguneetan eraikitzea, eta ez juduen aldean.
Segituan erantzun du Palestinako Agintaritzak: "Nazioarteko komunitateak Israel behartu behar du gisa horretako praktika probokatzaileak uztera". Gainera, ohartarazi du horrelako adierazpenek ez dutela Jerusalem inguruko musulmanak asaldatzea beste helbururik.
Hamasek, bestalde, Ben Gvir "terrorista" dela esan eta antolatzera eta manifestatzera egin du dei: "Israelen okupazio planei aurre egin behar zaie".
Su-etenak huts egin ondoren, Israelek ikastetxe bat bonbardatu du
Su-eten errealerako aukerak enegarrenez huts egin eta Israelen eta Hezbollah talde paramilitarraren asteburuko eraso-truke handiaren ondotik –2006tik ez zen halakorik gertatu eskala horretan–, astearen hasiera baretu egin da Libanoren eta Israelen artean. Hala ere, Israelek Gaza bonbardatzen segitzen du. Azken orduotan, milaka errefuxiaturen kanpamendu den Nuseiratetik gertu dagoen Al-Ezz Bin Abdul Salam ikastetxea bonbardatu du.
Horrez gain, Gaza erdigunera sartzeko asmoa adierazi du armadak, Al Jazeerak albiste honetan jaso duenez.
AEBen laguntza
Washingtonek 50.000 tona gerra-material bidali dizkio Israelgo Armadari urriaren 7az geroztik. Milioi erdi hegazkin eta zientoka itsasontzitan garraiatu da hori guztia, Israelgo Defentsa Ministerioak emandako datuen arabera. Besteak beste, ibilgailu blindatuak, munizioak, defentsarako babesgarriak eta osasun baliabideak eman dizkio. Israelgo Defentsa Ministerioaren esanetan, bere armadaren gaitasun operatiboentzat "erabakigarria" izan da AEBen laguntza hori.
Segituko du laguntzen, gainera. Izan ere, AEBetako presidente berria azaroaren 5eko hauteskundeetan erabakiko da, Kamala Harris ala Donald Trump, eta biek ala biek jarraituko dute Netanyahuri eskua ematen. Egun, Harris hautagai demokrataren gobernua egiten ari dena bistakoa da, eta Trumpek are gehiago hitzematen du. Lehenik AEB zioen leloa, gaiaz hitz egiterakoan, zera bihurtu du Trumpek: Lehenik AEB, salbu eta Israel.
Azken inkestek paretsu ipintzen dituzte Harris eta Trump. Demokrata aurretik, botoen %44rekin; eta Trump gutxira, %42rekin. Harrisek, ordea, berriz esan du "su-etenaren garaia" dela Gazan, eta beste behin kritikatu dio Trumpek, "ezker muturrekoa zara" esanez, eta "Hamas babesten duzu".
Bi langileek Microsoften 50. urteurreneko ekitaldia moztu zuten ostiralean, eta enpresako buruei Gazako genozidioan duten papera leporatu zieten. Adimen artifizialarekin eginiko armak saltzen dizkio multinazionalak Israelgo armadari.
Palestinako Ilargi Gorria larrialdi zerbitzuak baieztatu du gorpuei eginiko autopsiak erakusten duela soldadu israeldarrek tiro egin zietela medikuei. Hil aurretik osasun langileetako batek soldaduek eraso egin zien unea grabatu zuen mugikorrarekin, eta bideoan ikus daiteke... [+]
Gergely Gulyas Hungariako Presidentetza ministroak eman du erabakiaren berri, Hagako auzitegiak atxilotze agindua ezarrita dion Benjamin Netanyahu Israelgo lehen ministroa herrialdera heldu den egun berean. Israelgo armadak Gazako eremu gehiago hartzeko asmoa duela... [+]
Palestinarekin Elkartasuna plataformaren ekimenez, txirrindularitzarekin lotura duten 70 bat pertsonak eskatu dute talde sionistak ez dezala txapelketan parte hartu, eta lortu dute.
Lekukotasunak, autopsia txostenak eta atxiloaldian izenpeturiko adierazpenak bildu ditu The Independent komunikabide britainiarrak. 2023ko urriaren 7az geroztik 70 palestinarrek dute bizia galdu Israelgo presondegietan. Palestinar presoen alde dabilen Addameer elkartearen... [+]
Gure Haurrak ere Badira ekimenak deituta, Israelek azken egunetan Gazan hildako gehienak haurrak direla salatu dute. Gobernuei eta erakundeei Israelekin harreman oro etetea ere exijitu diete, "genozidio honen aurka argi eta tinko" lerratu daitezen.
No other land dokumentalaren zuzendari Hamdan Ballal kolono sionistek jipoitu zuten astelehenean bere herrian, beste hainbat palestinarrekin batera, eta Israelgo militarrek eraman zuten atxilo ondoren. Astarte goizean askatu dute.
Asteartean menia apurtu zuenetik gutxienez 650 palestinar hil dituzte sionistek, Al Jazeeraren arabera. Netanyhauren gobernuak Shin Bet zerbitzu sekretuetako buru Ronen Bar kaleratzeko erabakia hartu du, baina Auzitegi Gorenak kaleratzea geldiarazi du.
Milaka pertsona bildu dira larunbat honetan Palestinako herriari elkartasuna adierazteko eta “Israelek Gazan egindako genozidioa” amaitzeko eta Benjamin Netanyahuren gobernuak su-etenari berriro ekiteko eskatzeko. Gernika-Palestina herri ekimenak deitu du martxa,... [+]
Palestinarekin Elkartasuna plataformak osteguna, ostiral eta larunbatean eginen ditu protestak, Israel genozida. Palestinar erresistentzia aurrera! lelopean. Gernika-Palestina-k ere manifestazio nazionala antolatu du larunbaterako Donostian. Euskal Herriko Kontseilu Sozialistak... [+]
500 palestinar hil ditu Israelek, horietatik 130 baino gehiago adin txikikoak, su etena apurtu eta bigarren egunean. “Hasiera baino ez” dela ohartarazi du Netanyahuk.
Israelek eraso masiboak abiarazi ditu berriro ere Gaza osoan: Khan Younis eta Rafan Gaza hegoaldean, Gaza Hirian iparraldean eta eta Deir el-Balah-n erdialdean. "Familiak seme-alaben gorpuzkiak eskuetan zituztela iristen ziren ospitalera", adierazi du lekuko batek.
Israelek Gazarako su-etenaren urraketa ugari egin ditu urtarrilaz geroztik: zerrendako palestinarrak oinarrizko laguntzarik jaso gabe egon dira ia astebetez, eta Netanyahuk azken egunetan mehatxu egin ondoren, argindarrik gabe utzi ditu orain. Dohan ordezkari estatubatuarrekin... [+]