Ez zaigu nahikoa agintariek maskarak noiz banatuko zain egotea, ezta langileak aski babes ez dutelako protestan aritzea ere. Ez da aski bikoteka, familiaka eta –askok inguruko zaharragoekiko maitasun handiz egin duten moduan– bakarka konfinatzea ere. Konfinamendua hautsi beharrean garen une horietan ez diogu baimendu behar birusari batetik bestera jauzi egiten: aski zorrotz ez izateagatik nik zu kutsatzen bazaitut bizi naizeno damutuko zait.
Oria errio bazterreko baserrian hazia izaki, sentitzen naiz 1983ko uholde ikaragarri hartan bezala, edo geroztik izan diren beste bizpahiru uholde handietako batean. Pixkanaka zabaltzen da Kantauri itsasoko marea iristen den Aginagako erriberetan. Egun horretan, entzungo duzu Goierrin txikizioak egiten ari direla errekak, gero urak Tolosan atera direla, Andoaingo larri dabiltzala... Aginaga inguetan aurreko uholdeetatik zerbait ikasi dutenek aurreratuko dizute hemen urak lasai joango direla erriberetan zabaltzen itsasgora den bitartean, itsoak topea egiten baitie. Marea beteta itsasbehera hasitakoan orduan ikusiko da, ea urak hasten diren beren onera itzultzen –baldin eta mendi aldetik errekak lasaitzen hasten badira– edo putzuak harrapatuta egon beharko duzun ordu luzez. Hemen Oriak bare egindako triskantzak ez dira izango bestetan baino arinagoak, igerriko diozu.
Oria bere bidetik irten eta zure ukuiluan sartu arteko orduak tranpa izan litezke. Errioak isilik berenagatzen ditu bazterrak, gezurrezko mantso-antzean, zentimetro bat orain, beste bat laster... ez da geldituko goia jo arte. Zure zorionerako, errekek haserre suntsitu dituzten herri askotan baino aukera hobeak dauzkazu: aprobetxa itzazu. Ez utzi salbatu gabe salbatu dezakezun ezer. Eta batez ere, ez ibili tontakeriatan eten gabe goraka datorren putzuaren ertzean. Garaiz egin ez duzuna uren mende utziko duzu, berdin beranduegi mugitu nahi izan duzun autoa edo aukera zen bitartean etxetik irten nahi izan ez duen aitona egoskorra. Ura eta zu, ura eta gu, eta kito: ertzainak, suhiltzaileak eta udaltzainak berak buruz gain dabiltza zure zokotik urrun.
Covid-19aren uholde honetan, hondamendia gero eta hurbilago dugun arren, astelehen goizean komertziante batzuk eta erosle gehienak ikusi ditut oraindik aski babes gabe salerosketan. Lanjer handienean saltzaileak ari dira, urrutitik. Erosleok ez dugu eskubiderik haien babes eskubidea urratzeko. Hartu maskara, ez hainbeste geure burua babesteko baizik eta egunean zehar zu eta ni bezalako ehun edo gehiagori zerbitzu eman behar dioten langileok ez kondenatzeko. Eta saltokiko langileek beren buruak nola-hala babestu dituztenean ere, ondoan erosketan dabilzkigun besteak –batik bat ahulenak– ez kaltetzeko.
Erosketetan asko dira zahar eta ezinduak bizi dugun larrialdian mugimendurik oinarrizkoenak egiteko ere baldartuegiak. Erosle orok eraman behar dugu babesgarri minimo bat, batik bat ahulenak berak: nola lagunduko diogu amona horri erositakoak karroan sartzen, nola lagundu altxatzen espaloi bazterrean erori den agure horri?
Maskara diot, baina gure agintari neoliberalek aspaldi metatuta eduki behar zituzten babesgarri txukunak iritsi bitartean sasi-maskaratzat erabili etxean brikolatutakoa, bufanda, lepoko zapi lodiantzeko bat... edozer, birus guztiak ez bada gehienak nik zuri pasatzea ekidingo duena.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.
Bilboko Lan Arloko Epaitegiak arrazoia eman dio ELA sindikatuari eta ezintasun iraunkor absolutua onartu dio COVID19 iraunkorra duen osasun zentro bateko zeladore bati.
Espainiako Gobernuko Osasun ministro Carolina Dariasek jakinarazi duenez, Ministroen Kontseiluak otsailaren 7an sinatuko du garraio publikoan musukoa derrigorrezkoa ez izatearen dekretua.
Txinan derrigorrezko isolamendu neurriak kendu dituzte nazioarteko bidaiarientzat, eta eguneroko kutsatzeen datuak emateari utzi. Politika aldaketa baten ondorioz dira neurriok, baina egoeraren kontrolik ezak nazioartean izan dezakeen eraginaz ohartarazi dute zenbait adituk.
Iraungi diren gehienak Pfizer markakoak dira, Europar Batasuneko hornitzailerik handiena.
Milaka herritar kalera atera dira hiriburu nagusietan, Txinako Gobernuaren zero COVID estrategiak eragiten dituen kalte ekonomikoak eta psikologikoak salatzera. Aspaldi ikusi gabeko mobilizazioetan orri zuria erakusten dute manifestariek, zentsura irudikatzeko. Pandemia hasi... [+]
Sumindura pikor batekin hartu dute batzuek zero-covid estrategiaren inguruan Renmin Ribao egunkari txit ofizialak aste honetan bertan argitaratu duen artikulu-segida. Ondorioztatu baitute –zuzen, behingoz– Beijingeko agintariek, Partiduaren XX. Kongresua amaitu... [+]
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]
"Azken txanpan" sarturik, arrisku taldeak txertatu, aldagai berriak kontrolatu eta osasun sistemak hobetu behar direla dio MOE erakundeak.
Irailaren 1ean ekin diote 2022-2023 ikasturteari Zuberoan, Nafarroa Beherean eta Lapurdin, COVID-19aren aurkako neurririk gabe. Berrikuntza gehiago ere izan dituzte: Seaskako ikastola eta kolegioetan ehun ikasle gehiago dituzte, eta Irisarrin, Larrainen eta Barkoxen murgiltze... [+]
Ikerketan ia 40.000 hilekodun pertsonek parte hartu dute eta haietatik ziklo erregularra dutenen %42k txertoaren ondoren odoluste handiagoa izan dutela ondorioztatu dute ikerketan.