“Merkatu askea planteatzen da hezkuntzarentzat; eskola publikoak hortik kanpo behar du”
Euskal Eskola Publikoaren 29. Jaia egin berri dute Bastidan. Eskola publikoaren ezaugarriez, erronkez eta badatorren EAEko Hezkuntza Legeaz galdetu diogu Lurdes Imaz Euskal Herriko Ikasleen Guraso Elkarteko koordinatzaileari. "Jendeak jakin behar du EAEko Hezkuntza Legean ez dagoela inongo asmorik eskola publikoa lehenesteko, eta are okerrago, arriskuan dagoela eskola publikoa".
“Eskolak ezin du umerik atzean utzi”, nabarmentzen du aurtengo jaiaren bideoklipak. Eskola publikoaren aldarrikapen nagusietakotzat jo daiteke?
Bai, bideokliparen mezu nagusia da eskola publikoan ikasten duten ikasle guztiek izan behar dituztela eskubide eta aukera berberak bizitzan nahi dutena izateko, eta horretarako baldintza eta azpiegiturak behar dituzte ikastetxeek. Aurtengo jaiaren leloa, bestalde, “Hazitik gora!” da, Arabar Errioxako ikastetxe publikoek egiten duten lan onari ikusgarritasuna eman asmoz.
Egosten ari den EAEko Hezkuntza Legearekin kritiko zarete.
Inoiz baino gehiago aldarrikatu behar dugu eskola publikoa, Eusko Legebiltzarreko alderdi politikoek adostutako hezkuntza hitzarmenean eta dagoeneko ateratzen ari diren dekretuetan ikusten ari garelako Legeak ez duela eskola publikoa lehenetsiko eta ez dela ona izango eskola publikoarentzat. Jendeak jakin behar du EAEko Hezkuntza Legean ez dagoela inongo asmorik eskola publikoa lehenesteko, eta are okerrago, arriskuan dagoela eskola publikoa.
Azken adibidea da eskola-planifikazio dekretuaren zirriborroa: dekretu horretan ez da eskola publikoa hezkuntza sistemaren erdigunean jartzen; horren ordez, merkatu askearen antzeko sistema planteatzen du hezkuntzarentzat, ea eskola bakoitza zein eta zenbat ikasle erakartzeko gauza den. Eta horren emaitza ikusi dugu jada: segregazioa sortzen du planifikazio horrek. Legeak merkatuaren logikan sartu nahi gaituen arren, eskola publikoak horrelako planteamendu batetik kanpo egon behar duela uste dugu, sarean lan egin eta eskola publikoen sare indartsu bat osatzea dela gakoa, gure etorkizunerako. Bihurtu dezagun eskola publikoa sare indartsu bat, guztion parte-hartzetik eta elkarlanetik.
Jaia bada eskola publikoaren erakusleiho. Nolako eskola publikoa dugu?
Eskola publikoa euskalduna dela nabarmentzen dugu beti, herri honetan euskalduntzeko tresna inportanteena izan baita. Eredu da baita ere edozein motatako ikasleri kalitatezko hezkuntza eskaintzen, eta komunitatearen ideia azpimarratzea oso inportantea da, irakasle, guraso eta zuzendaritza elkarlanean aritzea. Hori da eskola publikoa.
Mahai gainean hezkuntza publikoak dituen eztabaida eta erronketatik, zein nabarmenduko zenituzke?
Eskola publikoa lehenetsiko duen planifikazioa behar dugu, plaza publiko gehiagorekin eta leku guztietan adin guztietarako eskaintza publikoa bermatuko duena. Gainera, eskola publikoak ongi hornituta egon behar du, azpiegitura eta baliabide egokiak behar ditu. Euskararekin ere erronka handia daukagu: eskola publikoko gurasoek apustu garbia egin dute D ereduaren alde eta oraindik badugu zer hobetu bide honetan, tartean eskolaz kanpoko ordutegietan euskararen erabilera bermatuz. Komunitate parte-hartzaileak osatzen jarraitzea, horra beste erronka bat.
Non daude talka handienak eta zenbateraino dago gertu akordioa, EAEko hezkuntza publikoko irakasleentzat? Greba ziklo luzeari amaiera emateko sukalde lanaren eta gakoen inguruan mintzatu gara, STEILASeko bozeramaile Haizea Arbiderekin. “Grebak bertan behera utziko... [+]
Astelehen arratsalde-gaueko negoziaketa bilera luzearen ostean aurreakordiorik lortu gabe, EAEko hezkuntza publikoko irakasleak grebara deituak izan dira berriz ere; urtea hasi denetik bosgarren greba eguna izan da asteartekoa. Lanuzteek %75eko jarraipena izan dutela adierazi... [+]
Aiaraldeko hainbat irakaslek mezua igorri diete ikasleen guraso eta familiei, dagoen informazio zurrunbiloan, grebarako arrazoiak modu pertsonalean azaltzeak euren borroka eta lanuztea hobeto ulertzeko balioko dielakoan.
Grebaren bezperan Hezkuntza Sailak “edukirik gabeko” mahaia deitu zuela eta sindikatu deitzaileak “errespetatu gabe” akordioa “antzezteko” gutxiengoa duten sindikatuak “erabili” nahi izan zituela salatu ostean, beste bi greba... [+]
Heldu zaigu EAEn 2025-26 ikasturterako ikastetxeetan matrikula egiteko garaia, eta etxe askotan etxeko txikienak urrats berria emango du hemendik gutxira, irailean, eskolaratzea, alegia. Euskal Eskola Publikoaz Harro Topaguneko kideok apustu sendoa egiten dugu eskola publikoaren... [+]
Hezkuntza publikoko lehen bi greba egunei ekin diete EAEn. Asteazken eta ostegun honetan irakasleen txanda da, eta lehenengo egunaren jarraipena %75etik gorakoa dela adierazi dute sindikatuek: "Grebak jarraipen zabala izan du". Eusko Jaurlaritzak berriz, jarraipena... [+]
Zerk motibatuta bultzatzen da bi ikastetxeren arteko fusioa? Nola uztartu norbere eskola-proiektua, eredua eta ibilbidea ondokoarekin? Zein da bidea bi eskoletako hezkuntza komunitateak ados jartzeko? Zein da Eusko Jaurlaritzaren rola?
Catering-enpresarik gabe jardun nahi duten eskolentzat bestelako eredu bat arautzea adostu zuen Eusko Legebiltzarrak 2019an. Horren ordez, catering-enpresen bidezko zerbitzua ematera derrigortzen ditu ikastetxeak Eusko Jaurlaritzak berriki argitaratu duen aginduak. Bitartean,... [+]
DBH 3 eta 4. mailako ikasleek datorren ikasturtean beharko dituzten ikasmaterialak diruz lagunduko ditu Eusko Jaurlaritzak lehenengo aldiz, EHIGE Euskal Herriko Ikasleen Guraso Elkartearen aldarrikapen historikoari erantzunez. Seme-alabak maila horietan dituzten familiek, beraz,... [+]
Euskal eskola publikoetan irakasleek sekulako lana egiten dute aniztasuna kudeatzen. Euren lana egiteko modua berrasmatu behar izan dute azken urteetan. Konplexuagoa bilakatu den mundu honetan pertsona izatea zer den esploratzeko laborategiak iruditzen zaizkit eskola publikoak... [+]
Lehen Hezkuntzako adin ezberdinetako sei ikasle baino ez ditu Zigako (Nafarroa) eskolak. Aukera baliatzen dute elkarbizitza lantzeko, tokiko curriculuma sustatzeko, landa ingurunea pedagogikoki aprobetxatzeko eta herria bera bizi eta dinamiko mantentzeko. Hori bai, ume gehiago... [+]
Hezkuntza eskumenak deszentralizatu eta tokian tokiko eragileek erabakimen handiagoa izatea: aspaldiko aldarrikapena praktikara ekartzen ari dira herri ugaritan, eta bide horretan aholkulari dabil Elhuyar. Uneotan hamar bat prozesutan buru-belarri dabiltzala eta eskaera gero eta... [+]
Legegintzaldi honetan bertan onartu nahi duten EAEko Hezkuntza Lege proiektuari zuzenketak aurkezteko epea astearte honetan amaitu da. Lege akordioa sinatu zuten alderdietako bat jausi da dagoeneko, barruan jarraitzen dutenen artean desadostasun nabarmenak dituzte eta hezkuntza... [+]
EAEko ikastetxe publikoei berrikuntza eta aholkularitza zerbitzua ematen zieten Berritzeguneak murriztu eta eskoletan postu berria sortu du Jaurlaritzak: BeAtarra. Ikastetxe bakoitzean gutxienez bat, berrikuntzaz arduratzen dena. Estreinaldi nahasiaz eta eredu aldaketaren... [+]
Ingurumaririk gabe, buru-belarri sartuko naiz harira: eskola publikoaren aldekoak oso atseginak izaten ari gara gauza batzuk eztabaidatzean. Serio, itunpeko ikastetxeekin gertatzen ari dena onartezina da. Zehaztasun eta zintzotasun osoz ahalegintzen ari gara argudiatzen, iritzi... [+]