Merezimenduzko Argia Saria: Oihana Goiriena
Bere senar Pablo Gonzalez kazetariaren kartzelaratze injustua salatzeko eta kazetaritza askea defendatzeko egiten ari den lanagatik, eta auzia lau haizetara zabaltzeagatik, Oihana Goirienak jaso du 2023ko merezimenduzko saria. Borrokaren arpegi bilakatu delako, eta ARGIAko komunitatearen indarra transmititu nahi diogulako eskaini diogu sari berezi hau.
Honengatik saritu du Oihana Goiriena ARGIAk:
"Injustizia larri bat oinarrian duen saria da ondorengoa. Urtebete egingo du laster kazetari batek Europa ipar-ekialdeko espetxe hotz batean, bere oinarrizko eskubideak nola urratzen dituzten ikusten. Freelance bat, hedabide edo estatu baten babes agerikorik gabe, egoera latz horri aurre egiten ia bere bakardadean.
'Zerbait azaldu aurretik, lehenik eta behin, zerorrek ulertu behar duzu, bestela gaizki goaz'. Hala zioen eskola zaharreko kazetari honek, ekaitz perfektu batek erdiz erdi harrapatu aurretik. Epaiketarik gabe preso, bere aurka fundamentuzko frogarik aurkeztu gabe, bahituta dauka Poloniak. Eta bere burua publikoki defendatu ezinean utzi dute komunikatzaile hau, inkomunikatuta.
Inguruko lagun eta senideak ez dira besoak gurutzatuta geratu ordea, eta gaur egun Pablo Gonzalezen kasua injustizia bat iruditzen bazaigu, hor beraiek egin duten lanak zerikusi handia du. Bere emazteak egindakoak, batez ere. Espetxean sartu zutenetik, ikusi dugu berdin hedabide handietan nahiz txikietan; legebiltzarretan edo gaztetxeetan. Behar den leku guztietan, beti, injustizia salatzen, senarraren askatasuna aldarrikatzen, gertatu dena etengabe audientzia berriei kontatzen, indarra transmitituz, eta batez ere, beti duintasun osoz.
Eta bide batez, kazetaritzaren defentsa egiten, azken aldian elite ekonomiko eta politikoen hain esaneko ikusten dugun ofizio honi gogoraraziz zintzotasunean dagoela bere edertasuna. Kazetaritza independente edo askerik gabe ez dagoela demokraziarik, eta Pablorekin egiten ari direna kazetari guztion aurkako erasoa dela".
Entzun sarituaren hitzak:
Oihana Goirienaren hitzak Merezimenduzko Argia Saria jaso ostean. Bere senar Pablo Gonzalez kazetariaren kartzelaratze injustua salatzeko eta kazetaritza askea defendatzeko, auzia lau haizetara zabaltzeagatik saritu dugu. @FreePabloGonz #argiasariak pic.twitter.com/Es7rZaNerT
— ARGIA (@argia) January 27, 2023
Mastodoneko bi komunitate euskaldunek jaso dute 2023ko Interneteko Argia saria: Mastodon.jalgi.eus eta Mastodon.eus. Guztien izenean, Dabid Martinezek nabarmendu zuen euskararen arnasgune eta arigune iraunkorra izan direla azken bost urteetan. Komunitatea osatzen duten milaka... [+]
Bi urteko hutsunearen ondoren itzuli gara Usurbilgo Atxega Jauregira. Hotz dago kanpoan, euria ere ez da urruti, eta bazkal aurreko aperitiboa barruan egitea erabaki dute aurten.
Dena eskubide dugunaren uste orokortu samar bat nabari dut inguruan azken aldian. Kontsumoari lotua ote? Klasetik ere izango du. Dirua, azken batean. Zerrendatzen ditugu lagunartean gure eskubide amaiezinak, betebeharrekin gutxiago gogoratuta eta oinarrizko eskubideak zapaltzen... [+]
Jarraian Usurbilgo Atxega Jauregian sari banaketan ateratako hainbat argazki.
Egun pozgarria da gaurkoa, berriz ere aurrez aurre ospatuko ditugu Argia Sariak: betiko aurpegiak eta aurpegi berriak gaude mahai hauen bueltan. 2020an elkartu ginen azkenekoz, gero COVIDak eta debekuek hankaz gora jarri zuten dena… eta errenkadan etorri dira giro... [+]
Sei sari izan dira: ikus-entzunezko saria Karpeta Urdinak dokumentalari eman zaio, prentsa saria Zugazart iritzi tirei, entzunezko saria (Min)bizi podkastari, Internet saria euskal Mastodon komunitateei, kanpaina saria Azterketak Euskaraz kolektiboari, eta merezimenduzko saria... [+]
Iñurri elkarteak minbiziari buruz egiten duen (Min)bizi podkastak jaso du 2023ko entzunezko saria. Feminismotik eta elkartasunetik, deserosoak diren tabuei naturaltasunez heltzen dietelako eman diegu saria, besteak beste.
Unai Iturriaga Zugaza-Artazak Gara egunkarian Zugazart sinadurapean argitaratzen dituen iritzi tirek jaso dute 2023ko prentsa saria. Aktualitateko gaiei eta auziei umorez eta zorrotz heltzen dielako eman diogu saria, besteak beste.
mastodon.jalgi.eus eta mastodon.eus komunitateek jaso dute 2023ko Interneteko saria. Mastodon deszentralizatutako sare soziala da, publizitaterik gabekoa, eta software librea defendatzen duten militante hauek saritu ditugu, urte osoan euskaraz eta aske jarduteko aukera ematen... [+]
Brebeta eta baxoa euskaraz egiteko eskubidea borrokatzen duten Ipar Euskal Herriko ikasle eta irakasleek jaso dute 2023ko kanpainaren saria. Haien borroka herrigintzak eta euskalgintzak beharko duen belaunaldi berriarentzako sekulako eskola delako, eta gazte eta helduek... [+]
Karpeta Urdinak torturari buruzko dokumentalak jaso du 2023ko ikus-entzunezko saria. Kriminologiaren Euskal Institutuak frogatuta utzi duen torturatuen errealitate gordina argitara eta pantailetara kalitate handiz ekartzeagatik eman diogu saria, besteak beste. Lana zuzendu duen... [+]
Sei sari izan dira: ikus-entzunezko saria Karpeta Urdinak dokumentalari eman zaio, prentsa saria Zugazart iritzi tirei, entzunezko saria (Min)bizi podkastari, Internet saria euskal Mastodon komunitateei, kanpaina saria Azterketak Euskaraz kolektiboari, eta merezimenduzko saria... [+]
Aurrez aurreko ekitaldian banatuko ditugu berriro ere euskarazko komunikazioaren sariak, Usurbilgo Atxega Jauregian. Urtarrilaren 27an euskal kultura eta jendarteko ehundik gora lagun bilduko dira, eta 16:00etatik aurrera ARGIAko webgunean eskainiko dugu zuzenean sari banaketa.
2023ko urtarrilaren amaieran banatuko ditugu, beste urte batez, euskarazko komunikazioaren Argia Sariak. Sarien prestaketa martxan da dagoeneko, eta zabalik dago hautagaiak bidaltzeko epea.