Mercedeseko produkzio katea eten du berriz ere grebak
Asteazkeneko greba deialdia ELA, LAB eta ESK sindikatuek egin dute, eta jarraipena %95ekoa izaten ari dela adierazi dute. Lan hitzarmen berriaren negoziazioen inguruan hitz egiteko asanblada irekia deitu dute. Ekainaren 30erako eta uztailaren 6rako greba deialdi bateratua dago.
Iragan asteko grebaren arrakasta errepikatu da ekainaren 29ko asteazkenean, desberdintasun esanguratsu batekin: ekainaren 22ko greba enpresa batzorde osoak deitu zuen, baina gaurkoa ELA, LAB eta ESK sindikatuek soilik (enpresa batzordearen %45). Enpresa Batzordearen barruan bi bloke eratu dira, posizio oso ezberdinak dituztenak lan hitzarmen berria negoziatzeko moduei eta edukiei dagokionez: ELA-LAB-ESK, batetik; CCOO-UGT-EKINTZA-PIM, bestetik. Baina ematen du bereziki seigarren txandarekiko langileen aurkakotasun erabatekoak langileak batu dituela sindikatuen banaketaren gainetik. Zuzendaritzak proposatzen duen seigarren txanda onartuko balitz, gaueko txandan ari diren langileek sei gauez jarraian egingo lukete lan enpresak beharrezko iriztean (egun bost gau jarraian egiten dute lan).
Bi blokeen arteko beste desadostasun bat langileen asanblada irekiaren ingurukoa da. ELA, LAB eta ESKk asanblada deitu nahi zuten bertan erabakiak hartzeko, UGT eta CCOOk ez. Langileen gehiengoak asanblada deitzearen alde sinatu zuen, baina azken bi sindikatuek uko egin zioten halere. Asanblada irekia egin da gaur azkenik, baina ELA, LAB eta ESK sindikatuek soilik deituta.
Bi greba egun bateratu
Bi blokeek bai lortu dutela bi greba egun deitzea. Lehenbizikoa biharkoa da, Arabako Metalaren greba orokorrarekin bat egiten duena. Bigarrena uztailaren 6rako dago iragarria. Ikusteko dago gaurko asanblada irekian langileek bestelako deialdirik adosten duten. Lan hitzarmena berritzeko negoziazioak urte eta erdi darama blokeatuta, eta gatazka zein tentsioa nabarmen areagotu dira zuzendaritzak iragarri zuenetik 1.200 milioi euroko inbertsioa egiteko prest zegoela langileek "malgutasun handiagoa" onartzeko baldintzarekin.
Guardianeko enpresa batzordeak eta SOS Aiaraldea plataformak deituta, mobilizazio jendetsua egin dute Laudion, Laudioko lantegiaren itxiera salatzeko. 2.000 herritar baino gehiagok giza-katea egin dute lantegia inguratuz.
Ehundaka langile elkartu ostegunean Bilbon egin den giza katean “Lan baldintzak hobetu, hemen eta orain erabakita” lelopean.
.jpg)
Ikasturtea hasi denetik hirugarren greba eguna izan da ostegunekoa Nafarroako Hezkuntza Publikoan eta goizeko mobilizazioen ondoren, LAB, Steilas, ELA eta CCOO –protestaren deitzaileak– pozik agertu dira. Euri jasak eta hotzak lagundu ditu etengabe irakasleak... [+]
AHT Geldituk Nafarroako Abiadura Handiko Trenaren obretan lan esklabotza egoerak daudela salatzen duen lekukotza eskandalagarria jaso ondoren, obra horiek sustatzen dituen Adif sozietateak publikoki erantzun behar izan du: "Gezurra dira".
Asteazkenean ekin zion Laudioko enpresak labea hozteko prozesuari, Eusko Jaurlaritzako teknikarien bermearekin. Langileak haserre eta "engainatuta" azaldu dira erakundeen jarrerarekin: "Gu babestera joan eta langileen ondoan egon behar zuena, ez da egon"... [+]
ELAk eta LABek EREa baztertu eta berau erretiratzea galdegin dute. Sindikatu biek gogoratu dute 2023an antzeko neurriak geldiaraztea lortu zutela mobilizazioen bitartez
Greba ataritan jaso nuen zuen e-maila, posta pertsonalean. Hasieran, beste askok bezala, grebaren aurrean ze aukera ditugun jakinarazteko zela pentsatu nuen. Baina ez, grebaren aurkako mugimendu politiko eta komunikatiboa zen jasotako e-maila.
Aitortuko dizuet ahozabalik utzi... [+]
Asteazken goizean goizetik Guardianeko dozenaka langile elkarretaratu dira Laudioko lantegiaren aurrean, eta inguruko enpresatako beharginak ere batu zaizkie elkartasunez. Guardianek asteazkenean labea itzaliko duela adierazi du eta hori oztopatzeko asmoz bildu dira. Enpresa... [+]
.jpg)
Laudioko lantegiko zuzendaritzak astelehen honetan jakinarazi dio enpresa batzordeari behin betiko itxiko duela enpresa. Urtarrilaren 29an abiatuko dute ixteko prozesua. Egun berean egingo dute elkarretaratzea langileek eta ostegunean hasiko dute greba.
Datorren astean Departamenduko Laborantza Ganbarako hauteskundeak ospatuko dira Ipar Euskal Herrian. Frantzia mailako FDSEA eta CR sindikatuez gain, ELB Euskal Herriko Laborarien Batasuna aurkezten da, "euskal laborarien defentsa" bermatzeko.
Eta beste urte batez, sindikatuek prefabrikatutako grebak antolatu dizkigute. Eta guk, indibidualki, erabakia hartuko dugu grebarekin bat egin ala ez, ikastetxean inongo asanbladaren beharrik gabe.
Niri irakatsi zidaten greba eredua jada ez dago modan, antza. Nire... [+]
Lehen aldia da Hego Euskal Herriko euskal gehiengo sindikalak armagintza industriaren moldaketaz taldean eta modu publikoan hitz egiten duena. Aurreko hilabeteotan mugimendu antimilitaristak bilera bana egin du lau sindikatuokin, produkzio militarra “sozialki... [+]
Hezkuntza publikoko lehen bi greba egunei ekin diete EAEn. Asteazken eta ostegun honetan irakasleen txanda da, eta lehenengo egunaren jarraipena %75etik gorakoa dela adierazi dute sindikatuek: "Grebak jarraipen zabala izan du". Eusko Jaurlaritzak berriz, jarraipena... [+]
Gaur, urtarrilak 21, gure oraintsuko historiaren efemeride interesgarri bat gogora ekartzeko eta hari buruz hausnartzeko eguna dugu. 50 urte bete dira Potasas de Navarra enpresako 47 langilek itxialdia amaitu zutenetik. Hamabost egun iraun zuen itxialdi horrek eta greba orokorra... [+]
Departamenduko Laborantza Ganbarako hauteskundeen kanpaina abiatu da. Urtarrilaren 14an bozetara aurkezten diren hiru sindikatuen ordezkariekin bi oreneko eztabaida sakona antolatu zuten Euskal Hedabideek, osoki euskaraz.