Mercedeseko langileek greben aldeko sindikatuak saritu dituzte, eta aurkakoak zigortu
Ekaineko eta uztaileko greba egun historikoen oroimena bizi-bizi dagoela heldu dira Arabako lantegi nagusiko hauteskunde sindikalak. Enpresa batzordearen osaera irauli dute emaitzek: grebak bultzatu zituzten sindikatuen blokeak (ELA-LAB-ESK) %24,5eko igoera izan du bozetan, eta 14 ordezkaritik 18ra pasa da; greben aurka eta enpresaren alde egin zuen blokeak (UGT-CCOO-Ekintza-PIM) bozen %30,9 galdu du, eta 17 delegatu izatetik 11n geratu da.
Ostegunean egin dira Gasteizko Mercedeseko lantegiko hauteskunde sindikalak, milaka langile kalera atera zituzten greba egun historikoetatik lau hilabetera. Gatazkaren hasieratik enpresa batzordean ordezkaritza duten sindikatuak bi bloketan banatu ziren: enpresaren nahien aurka eta greben alde posizionatu ziren ELA, LAB eta ESK (batzordearen %45); enpresaren alde eta greben aurka UGT, CCOO, Ekintza eta PIM (%55). Sindikatuez harago langileek, nolanahi ere, masiboki babestu zituzten greba deialdiak asanblada irekietan. Hauteskundeen emaitzek argi utzi dute langileek nor saritu duten, eta nor zigortu.
ELAren garaipen historikoa UGTren kaltetan
Irabazleen artean, bozetan ESK sindikatua izan da gehien hasi dena (213); delegatu kopuruan ELA (2); LABek ez du bozetan nabarmen egin gora, baina ordezkari bat irabazi du. ELAk, gainera, nagusiagoa kendu dio UGTri bozetan zein ordezkarietan, garaipen historikoa. Galtzaile nagusia UGT izan da, bere nagusitasuna galdu du, 7 ordezkari izatetik 6 izatera pasa da, eta 300 boz utzi ditu bidean; CCOO 2018ko ordezkari berdinak eskuratu ditu 33 boz galdu arren; eta muturreko handia hartu dute Ekintzak (3 ordezkaritik 1era, eta bozen erdia baino gehiago galduta) eta PIMek (ordezkaritzarik gabe geratu da).
.jpg)
Blokeka, indar harremanak iraulita
Emaitzak greba eta gatazka asteetan eratu ziren bi blokeen arabera neurtuta, eraldaketa erabatekoa da. 2018tik batzordearen gehiengoa zuen UGT-CCOO-Ekintza-PIM blokeak, ordezkarien %54,8arekin. Osteguneko hauteskundeen ostean %38an geratu da. ELA-LAB-ESK blokeak, aldiz, %45,2tik %62ra egin du jauzi. Bozen ia laurdena galdu du UGT-CCOO-Ekintza-PIM blokeak (-692); ia heren batean egin du gora, aldiz, ELA-LAB-ESKrenak(+ 439).
.jpg)
Mehatxupeko erreferendumaren emaitza
Begi asko zeuden jarrita Mercedeseko hauteskunde sindikaletan. Iragan ekainean Arabako enpresa handienak 1.200 milioi euroko inbertsioa agindu zuen, baina baldintza bat jarrita langileei: “malgutasun” handiagoa onartu beharko lukete, tartean sei gau jarraian lan egitea. Erakunde publikoen, komunikabide dependenteen, enpresarien eta zenbait sindikaturen presio bateratuari desobedituz, langileen grebak hainbat egunez gelditu zuen produkzioa –hiru hamarkadatan lehenbiziko aldiz–. Gatazkaren hasieratik enpresa batzordean ordezkaritza duten sindikatuak bi bloketan banatu ziren. Uztailak 18an greben aurkako sindikatuek eta enpresako jabeek adostutako lan-hitzarmena bozkatu zuten langileek erreferendumean, eta %57ak baiezkoa eman zuen. Azken hauteskundeetako emaitzek argi frogatzen dute hitzarmenaren onarpenak gehiago izan zuela mehatxuen aurreko beldurretik –“Ezezkoa amaieraren hasiera litzateke”, esan zuen Mercedeseko zuzendari Emilio Titosek; errepikatu zieten langileei greben aurkako sindikatuek; haizatu zuten komunikabideek–, konbentzimendutik baino.
Egunean hamahiru orduz lan egitea ere legeztatuko dute 'Georgiadis Legea' delakoaren bidez, kaleratzeak eta "eskariaren araberako enpleguak" errazteaz gain. Langileek ezingo diote uko egin asteko seigarren lanegunari.
Badator uda, eta horrekin batera, herri, auzo eta hirietako jai herrikoiak. Jaiak beti izan dira aldarrikapen sozial eta politikoen, auzokideen arteko harremanen eta euforia herrikoiaren aterpe. Gure kaleak hartzen dituzte, eta egun batzuez autogestioaren, desberdinen arteko... [+]
Aurreko gobernuak proposamen horiei “bizkar emanda” eta “entzungor” eginda jardun duela salatu du. Eusko Jaurlaritzak iragarritako bilera erroldatan “eskari zehatzak” mahaigaineratuko dituela adierazi du.
Asteazkenean egindako bilkuran, aurreakordioak aldeko 332 boto, kontrako 186, hiru boto zuri eta sei baliogabe jaso ditu. Maiatzeko aurreakordioan izandako desadostasunak gainditu dituzte enpresa-batzordearen gehiengoak eta Biobide enpresak, eta greba mugagabea bukatu dute.
Enpresa-batzordearen gehiengoaren eta Biobideren artean aurreakordioa lortu dute. CCOO, UGT eta LSB alde azaldu dira, eta ELA, LAB eta ESK, kontra. Asteazkenean dira langileen batzarra eta Bilboko Udala akordio hau onartzen duten ala ez erabakitzekoak.
ELA eta LAB sindikatuek “erabat gaitzetsi” dute Añorgako Cementos Rezolak (egun, Heidelberg Materials) 56 langile kaleratzeko egindako proposamena.
Nafarroako hezkuntza hitzarmen berria negoziatzea exijitu die Nafarroako Hezkuntza kontseilariari, Carlos Gimenori, Iruñean eginiko mobilizazioan. Langileek salatu dute Gimeno, patronalarekin bakarrik biltzen dela, eta ez dituela aintzat hartzen langileek negoziaziorako... [+]
1958an, emakume baserritarrek Donostiako Erdialdea hartu zuten, esnea saltzea galarazi zitzaiela salatu, eta baserritarren eskubideak aldarrikatzeko. Administrazioak esnearen esklusibotasuna Gurelesa enpresari eman zion, eta baserritarrek Bretxan saltzeari utzi behar izan... [+]
Langileen plantilla egokia osatu beharrean, Osakidetzako profesionalei aparteko orduen bitartez ordaintzea gaitzetsi dute sindikatuek. Azken urteetan errepikatu diren arazoen aurrean zuzendaritzak izandako plangintzarik eza salatu dute.
Ekainaren 19an, 20an eta 21ean greba dago deituta El Diario Vasco-ko langileen artean, hitzarmen kolektiboa eguneratzeko aurrerapausorik ez delako eman. Gainera, maiatzaren 30az geroztik sinadura greba egiten ari dira kazetariak: “Hori ezkutatzeko enpresak lehentasuna... [+]
Hemezortzi mediku beharrean hamabi daude eta sei erizainek hamabiren lana egiten dute. “Lan gainkarga eta agenda neurrigabea handitu” egin dira, sindikatuak ohartarazi duenez, eta murrizketa gehiago etor daitezke etorkizunean.
Hamar zentrok uda osoan itxiko dute eta 72 zentrok ixteko ordua aurreratuko dute. Sindikatuek salatu dute langileen lan karga "handituko" dela.
ELA sindikatuak galdeturik, OMAL Latinoamerikako Multinazionalen Behatokiak osatu du 69 orriko Europar Batasuna: Agenda oliba-berdea eta digitala enpresa transnazionalen zerbitzura. Next Generation EU funtsek Hego Euskal Herrian duten inpaktuaren azterketa (2020-2024) txosten... [+]