Mercedeseko langileak “engainatu” dituztela salatu du LABek
“Oso larritzat” jo ditu Bingen Zupiriaren adierazpenak LABek. Behin aurreakordioa onartuta iragarritako 1.200 milioi euroko inbertsioa egin dezan Mercedes “konbentzitzeko” ordua dela esan du Jaurlaritzako bozeramaileak. Inbertsioa aurreakordioarekin lotu zutenek nahitara "iruzur" egin dutela dio sindikatuak. Mercedeseko ELA, LAB eta ESKk positiboki baloratu dute langileen asteotako borroka.
Jaurlaritzako bozeramaile Zupiriak asteartean baloratu zuen Mercedeseko erreferendumaren emaitza. Langileen %57k zuzendaritzak eta enpresa batzordearen parte batek sinatutako aurreakordioa onartu zuen, nahiz eta grebaren pisua eraman duten tailerreko langileen artean ezezkoa gailendu. Zupiriak erreferenduma “normaltasunez” eta parte hartze handiz burutu izana goraipatu zuen, eta akordioarekin langileek garai baterako “lan eskubideak bermatuta” dituztela azpimarratu. “Orain guztioi geratzen zaigun erronka da Mercedes konbentzitzea Gasteiz dela tokirik egokiena Europako tokiren batean burutuko duen inbertsioa egiteko”.
Bozketa baldintzatu
Haserrea erakutsi du LAB sindikatuak Zupiriaren hitzengatik: “LABen ustez argi geratu da erakundeek, enpresako zuzendaritzak eta sindikatu sinatzaileek Mercedeseko langileak engainatu nahi izan dituztela”. Enpresak ekainean iragarri zuen 1.200 milioi euroko inbertsioa egiteko asmoa, baina baldintza bat jarriz: langileek lan-hitzarmen berrian “malgutasun” handiagoa onartzea. Erakunde publiko nagusiak eta hedabide dependiente publiko eta pribatu handienak zuzendaritzaren proposamenaren alde egin zuten ordu gutxiren buruan. Erreferendumaren atarian ere zuzenean lotu zituzten erreferendumaren emaitza eta inbertsioa. LABen esanetan, behin aurreakordioa onartuta “erronka” Mercedes “konbentzitzea” dela esateak erakusten du “inbertsioak eta bozketaren emaitza batzen zituztenek bozketa baldintzatzeko baino ez zutela egiten, langileak presionatuz eta plantillaren borroka desaktibatzeko”.
"Borrokaren hasiera"
Mercedeseko sindikatuen artean ELA, LAB eta ESK izan ziren aurreakordioaren aurka bozkatzera deitu zutenak. Erreferendumaren emaitza eta aurreko ateetako grebak eta mobilizazioak baloratu dituzte ohar bateratuan. Baietzak irabazi arren borrokaren emaitza ez da “etsigarria” izan, sindikatuen ustez. Kontrara, langileen borrokak zuzendaritza eta zenbait sindikatuk “nahi zuten akordioa ez sinatzea” ekarri duela iritzi diote, seigarren gaua atzera bota dutela azpimarratuz. Eskerrak eman dizkiote “uneren batean borroka egin duten” langile guztiei, baita beldurragatik akordioaren aurka egon baina alde bozkatu dutenei ere.
Azken asteetako borroka inflexio puntua izan da ELA, LAB eta ESKren esanetan. “Bidearen hasiera da. Frogatuta geratu da gure lan-baldintzen alde borrokatzen ez bagara enpresa, klase politikoa eta zenbait sindikatuk beren aurka egingo dutela, milioietako irabaziak izanik ere duten muga bakarra gu jartzeko gai garena baita”.
du.
AHT Geldituk Nafarroako Abiadura Handiko Trenaren obretan lan esklabotza egoerak daudela salatzen duen lekukotza eskandalagarria jaso ondoren, obra horiek sustatzen dituen Adif sozietateak publikoki erantzun behar izan du: "Gezurra dira".
Asteazkenean ekin zion Laudioko enpresak labea hozteko prozesuari, Eusko Jaurlaritzako teknikarien bermearekin. Langileak haserre eta "engainatuta" azaldu dira erakundeen jarrerarekin: "Gu babestera joan eta langileen ondoan egon behar zuena, ez da egon"... [+]
ELAk eta LABek EREa baztertu eta berau erretiratzea galdegin dute. Sindikatu biek gogoratu dute 2023an antzeko neurriak geldiaraztea lortu zutela mobilizazioen bitartez
Greba ataritan jaso nuen zuen e-maila, posta pertsonalean. Hasieran, beste askok bezala, grebaren aurrean ze aukera ditugun jakinarazteko zela pentsatu nuen. Baina ez, grebaren aurkako mugimendu politiko eta komunikatiboa zen jasotako e-maila.
Aitortuko dizuet ahozabalik utzi... [+]
Asteazken goizean goizetik Guardianeko dozenaka langile elkarretaratu dira Laudioko lantegiaren aurrean, eta inguruko enpresatako beharginak ere batu zaizkie elkartasunez. Guardianek asteazkenean labea itzaliko duela adierazi du eta hori oztopatzeko asmoz bildu dira. Enpresa... [+]
.jpg)
Laudioko lantegiko zuzendaritzak astelehen honetan jakinarazi dio enpresa batzordeari behin betiko itxiko duela enpresa. Urtarrilaren 29an abiatuko dute ixteko prozesua. Egun berean egingo dute elkarretaratzea langileek eta ostegunean hasiko dute greba.
Datorren astean Departamenduko Laborantza Ganbarako hauteskundeak ospatuko dira Ipar Euskal Herrian. Frantzia mailako FDSEA eta CR sindikatuez gain, ELB Euskal Herriko Laborarien Batasuna aurkezten da, "euskal laborarien defentsa" bermatzeko.
Eta beste urte batez, sindikatuek prefabrikatutako grebak antolatu dizkigute. Eta guk, indibidualki, erabakia hartuko dugu grebarekin bat egin ala ez, ikastetxean inongo asanbladaren beharrik gabe.
Niri irakatsi zidaten greba eredua jada ez dago modan, antza. Nire... [+]
Lehen aldia da Hego Euskal Herriko euskal gehiengo sindikalak armagintza industriaren moldaketaz taldean eta modu publikoan hitz egiten duena. Aurreko hilabeteotan mugimendu antimilitaristak bilera bana egin du lau sindikatuokin, produkzio militarra “sozialki... [+]
Hezkuntza publikoko lehen bi greba egunei ekin diete EAEn. Asteazken eta ostegun honetan irakasleen txanda da, eta lehenengo egunaren jarraipena %75etik gorakoa dela adierazi dute sindikatuek: "Grebak jarraipen zabala izan du". Eusko Jaurlaritzak berriz, jarraipena... [+]
Gaur, urtarrilak 21, gure oraintsuko historiaren efemeride interesgarri bat gogora ekartzeko eta hari buruz hausnartzeko eguna dugu. 50 urte bete dira Potasas de Navarra enpresako 47 langilek itxialdia amaitu zutenetik. Hamabost egun iraun zuen itxialdi horrek eta greba orokorra... [+]
Departamenduko Laborantza Ganbarako hauteskundeen kanpaina abiatu da. Urtarrilaren 14an bozetara aurkezten diren hiru sindikatuen ordezkariekin bi oreneko eztabaida sakona antolatu zuten Euskal Hedabideek, osoki euskaraz.
Sindikatu abertzaleko 100 bat kidek Portuko sarrera blokeatu dute Santurtzin, eserialdi baten bitartez. Ekimen horren bitartez Palestinari elkartasuna erakutsi eta genozidioa salatu dute.
PAIk sortutako biktimak ez dira bakarrik PAIren Legeak eragindako egonkortze prozesuari esker funtzionarizatutako irakasleak, baizik askoz gehiago. Batzuei nolabaiteko ikusgarritasun mediatikoa eman zaie Steilasek jarritako errekurtsoaren ondorioz; gehienak, alabaina, ikusezinak... [+]
ELA, LAB, ESK, Steilas, Etxalde eta Hiruk herri ekimen legegilea aurkeztu dute Eusko Legebiltzarrean eta Nafarroako Parlamentuan, gutxieneko soldata propio baten alde. Lanbide arteko akordio bat lortzeko ekimen bateratuak ere iragarri dituzte. Eusko Jaurlaritzak begi onez ikusi... [+]