Mercedeseko grebari eusten diote ELA, LAB eta ESKk, UGTk zabaldutakoa gezurtatuz
UGTk oharra zabaldu du esanez hiru sindikatuek bertan behera utzi dituztela hurrengo asterako deitutako hiru greba egunak, “UGTk eskatuta”, baina hori gezurtatu dute ELA, LAB eta ESKk. Enpresa eta “zenbait sindikatu” langileak desmobilizatzeko helburuan eskutik ari direla salatu dute grebaren aldeko sindikatuek. Langileen borrokak enpresak aurreikusitako gidoia eraldatzen ari dela eta “ildo beretik jarraitu” behar dela iritzi diote.
Lantegia gelditu duten hiru greba egun jarraituren ostean, eta hurrengo asterako beste hiru greba egun deituta daudelarik. Ostiral eguerdian enpresak posizioa aldatu eta filtrazioa egin zion El Correo-ri: zuzendaritzak seigarren gauari “uko” egiten zion, eta astearterako negoziazio mahaia deitzen zuen. Sei gauez segidan lan egiteari ezetza eta soldataren igoera KPIren araberakoa izatea da langileek lehen lerrora eraman dituzten bi aldarrikapen nagusiak.
UGTren oharra
Ordu batzuk geroago oharra kaleratu zuen UGT-Mercedesek, zuzendaritzaren erabakia baieztatuz, eta ziurtatuz ondorioz grebak bertan behera utzi zituztela sindikatu guztiek: “Enpresak seigarren gaua baztertzen du bere proposamenetik behin-betirako, plantillaren aldarrikapenari kasu eginez (...) Aldi berean, eta UGTk horrela eskatuta, greba deitu duten sindikatuek hurrengo asteko grebak bertan behera utzi dituztela adierazi dute”.
ELA, LAB eta ESKren gezurtatzea
Ostiral iluntzean komunikatu bateratua zabaldu zuten ELA, LAB eta ESKk, UGTk esandakoa goitik behera gezurtatuz: “UGT gezurretan ari da, bere afiliatuei eta langileei”. “Iparra” erabat galdu duela eta, harremana “ezinezkotzat” ematea erabaki dute hiru sindikatuek. Azaldu dute ostiral eguerdian heldu zitzaiela UGT, CCOO, Ekintza eta Pim sindikatuek (grebak babesten ez dituztenak, eta ordezkaritzaren %55a dutenak enpresa batzordean) akordioa egin dutela zuzendaritzarekin, “langileak kalean zauden bitartean”, baina ez dutela horren edukiaren inguruko “inongo informaziorik”, eta zuzendaritzak ere ez diela ezer esan seigarren gauari uko egiteari buruz.
Akordioa “antzerki hutsa” dela salatu dute hiru sindikatuek. Beren ustetan gehiengo sindikala “bere lorpentzat” saldu nahi du enpresak seigarren gauari uko egin izana, “jakin dakigunean plantillaren meritua dela bere osotasunean, eta gehiengo sindikalak ez duela horren aldeko borrokarik egin. Enpresaren eta zenbait sindikaturen arteko elkar hartze berri baten aurrean gaude”. Elkar hartze horren helburua langileak “desmobilizatzea” dela salatu dute: “Ekainaren 22tik ari dira horretan saiatzen. Enpresa horretan saiatzea ulertzekoa da, ez dena ulergarria da sindikatu batzuek horretan kolaboratzea”. Orain arteko bidean berretsi dira, nolanahi ere: “Gauza bat argi baitago: plantilla aurreko negoziazioetan inposatu zaigun ohiko gidoia eraldatzen ari da, eta ildo beretik jarraitu behar dugu”.
Hurrengo astean hiru greba egun
Hurrengo asteko asteazken, ostegun eta ostiralerako deitutako greba mantentzen dituzte ELA, LAB eta ESKk. Asteartean zuzendaritzak bilerara deitu ditu sindikatuak, bertan izango direla baieztatu dute, eta gertatzen denaren arabera baloratuko dutela, plantillarekin batera, mantendu edo bertan behera uztea. “Soilik bi aldarrikapen nagusien inguruan –seigarren gaua ez!; KPIaren araberako soldata igoera– aurrerapen argiak egotekotan utziko ditugu bertan behera greba deialdiak”.
Egunean hamahiru orduz lan egitea ere legeztatuko dute 'Georgiadis Legea' delakoaren bidez, kaleratzeak eta "eskariaren araberako enpleguak" errazteaz gain. Langileek ezingo diote uko egin asteko seigarren lanegunari.
Badator uda, eta horrekin batera, herri, auzo eta hirietako jai herrikoiak. Jaiak beti izan dira aldarrikapen sozial eta politikoen, auzokideen arteko harremanen eta euforia herrikoiaren aterpe. Gure kaleak hartzen dituzte, eta egun batzuez autogestioaren, desberdinen arteko... [+]
Aurreko gobernuak proposamen horiei “bizkar emanda” eta “entzungor” eginda jardun duela salatu du. Eusko Jaurlaritzak iragarritako bilera erroldatan “eskari zehatzak” mahaigaineratuko dituela adierazi du.
Asteazkenean egindako bilkuran, aurreakordioak aldeko 332 boto, kontrako 186, hiru boto zuri eta sei baliogabe jaso ditu. Maiatzeko aurreakordioan izandako desadostasunak gainditu dituzte enpresa-batzordearen gehiengoak eta Biobide enpresak, eta greba mugagabea bukatu dute.
Enpresa-batzordearen gehiengoaren eta Biobideren artean aurreakordioa lortu dute. CCOO, UGT eta LSB alde azaldu dira, eta ELA, LAB eta ESK, kontra. Asteazkenean dira langileen batzarra eta Bilboko Udala akordio hau onartzen duten ala ez erabakitzekoak.
ELA eta LAB sindikatuek “erabat gaitzetsi” dute Añorgako Cementos Rezolak (egun, Heidelberg Materials) 56 langile kaleratzeko egindako proposamena.
Nafarroako hezkuntza hitzarmen berria negoziatzea exijitu die Nafarroako Hezkuntza kontseilariari, Carlos Gimenori, Iruñean eginiko mobilizazioan. Langileek salatu dute Gimeno, patronalarekin bakarrik biltzen dela, eta ez dituela aintzat hartzen langileek negoziaziorako... [+]
1958an, emakume baserritarrek Donostiako Erdialdea hartu zuten, esnea saltzea galarazi zitzaiela salatu, eta baserritarren eskubideak aldarrikatzeko. Administrazioak esnearen esklusibotasuna Gurelesa enpresari eman zion, eta baserritarrek Bretxan saltzeari utzi behar izan... [+]
Langileen plantilla egokia osatu beharrean, Osakidetzako profesionalei aparteko orduen bitartez ordaintzea gaitzetsi dute sindikatuek. Azken urteetan errepikatu diren arazoen aurrean zuzendaritzak izandako plangintzarik eza salatu dute.
Ekainaren 19an, 20an eta 21ean greba dago deituta El Diario Vasco-ko langileen artean, hitzarmen kolektiboa eguneratzeko aurrerapausorik ez delako eman. Gainera, maiatzaren 30az geroztik sinadura greba egiten ari dira kazetariak: “Hori ezkutatzeko enpresak lehentasuna... [+]
Hemezortzi mediku beharrean hamabi daude eta sei erizainek hamabiren lana egiten dute. “Lan gainkarga eta agenda neurrigabea handitu” egin dira, sindikatuak ohartarazi duenez, eta murrizketa gehiago etor daitezke etorkizunean.
Hamar zentrok uda osoan itxiko dute eta 72 zentrok ixteko ordua aurreratuko dute. Sindikatuek salatu dute langileen lan karga "handituko" dela.
ELA sindikatuak galdeturik, OMAL Latinoamerikako Multinazionalen Behatokiak osatu du 69 orriko Europar Batasuna: Agenda oliba-berdea eta digitala enpresa transnazionalen zerbitzura. Next Generation EU funtsek Hego Euskal Herrian duten inpaktuaren azterketa (2020-2024) txosten... [+]