Mendigorriako gurasoei ez diete utzi haien seme-alabak D ereduan aurre-matrikulatzen
Astelehen goizean tramitea egiten ahalegindu dira, baina erantzun diete haien herrian ez dagoela euskarazko ereduan izena ematerik
Epea zabaldu eta berehala, gaur goizeko 9:45ean, Mendigorriako sei haur herriko ikastetxean D ereduan aurre-matrikulatzen saiatu dira haien gurasoak. Haien eskaerak, baina, atzera bota dituzte, aukera hori ez dagoela aurreikusirik argudiatuz.
Josu Goñi guraso horietako bat da. Euskalerria Irratiari azaldu dionez, “joan den astera arte, Hezkuntza Departamentuaren webgunean, Mendigorriako ikastetxe publikoan D ereduan ikasteko aukera agertzen zen, eta kendu egin dute”.
Datu adierazgarri bat eman du Goñik: “Datorren ikasturtera begira, Mendigorrian gehiago gara euskarazko eredua nahi dugun familiak gaztelaniazkoa nahi dutenak baino”. Halere, euskarazko eredua nahi dutenak Garesera bideratu nahi ditu Hezkuntza Departamentuak, herritik at.
“Aurreko urteetan ez bezala, aurten ezin dugu izena eman D ereduan, gure lehen aukera ez den beste herri bateko ikastetxera bideratu nahi gaituzte, egiazko eskaera zein den desitxuratzeko”, salatu du Goñik. “Aurrematrikulazio epe honetan harrapaturik gaude D eredua nahi dugun Mendigorriako sei familiak. Baina azarotik ari gara harremanetan Departamentuarekin. Ez dute D ereduko linea berri baten irekiera aurreikusi nahi izan”, gaineratu du. Eta beste afera bat apatu du: “Mendigorriakoa landa eremuko eskola txikia da. Ikasleen erdia edo erdia baino gehiago kanpora bidaltzen bagaituzte, eskolaren etorkizuna arrisku bizian egonen da, desagertzeko aukera asko izanen ditu”.
Maiatzaren 17an Erriberako lehenengo Euskararen Eguna eginen da Arguedasen, sortu berri den eta eskualdeko hamaika elkarte eta eragile biltzen dituen Erriberan Euskaraz sareak antolatuta
Gure hizkuntzaren aurkako beste eraso bat jasan behar izan dugu Nafarroako Gobernuko Hezkuntza Departamentuaren eskutik; PAI programan euskararen aurkako aldaketa bat egitera behartu gaituzte. Azken urteotan, legeak hala aginduta, D ereduko ikastetxe berriek PAI programa sartu... [+]
Goizez Nafarroako zubirik esanguratsuenak jendez beteko ditu Sorionekuak dinamikak. Arratsalderako mobilizazio herritarra deitu dute Iruñeko Kostarapea parketik Alde Zaharreko Takonera parkeraino.
Sarriguren, Tafalla, Noain, Buztintxuri eta Gares herrietako D-PAI ereduko ikastetxeetako familiak kalera aterako dira Hezkuntza Departamentuak foru lege bidez ingeleseko orduak handitu nahi dituela salatzera. Euskarazko murgiltze ereduaren kontrako erabakia dela iruditzen... [+]
Aurtengo Lokizaldeako Euskararen Eguna Murieta herrian ospatu dute, larunbatean, goizean hasi eta ordu txikiak handitu arte. Zita garrantzitsua eta gozagarria da Nafarroako Lizarra ondoko eskualdeko euskaltzaleentzako.
Nafarroako biztanle gehienak (% 63) "euskara sustatzearen aldekoak edo oso aldekoak" dira, eta %17 baino ez daude aurka, Xabier Erizek eta Carlos Vilchesek Eusko Ikaskuntzaren eta Nafarroako Gobernuko Memoria eta Bizikidetzako, Kanpo Ekintzako eta Euskarako... [+]
Prentsaurrekoan, maiatzaren 17an ospatuko duten Erriberako Euskararen Egunaren inguruko argibideak eman dituzte. Ume, gazte zein helduentzat zuzendua izango da. Ekimena, Erriberan egiten diren ekimenetan indarrak biltzeko eta euskararen normalizazioaren alde saretzeko... [+]
Nafarroako Ikastolen Elkarteak lehendakari berria du. Oier Sanjurjok hartu dio lekukoa Elena Zabaleta Andresenari. Beste zazpi kide izanen ditu alboan Sanjurjok.
Ez dira gutxi azken boladan euskara bere onenean ez dagoela eta bere transmisioa bermatuta ez dagoela ohartarazten ari diren ahotsak. Bestetik, inork ez du ukatzen hezkuntzak ezinbesteko betebeharra duenik euskara eta euskal kulturaren biziraupenerako. Erronka estrategikoa... [+]
Iruñeko haur eskoletako zuzendariek, EH Bildu, Geroa Bai, Zurekin Nafarroa eta PSNren arteko akordioa kritikatu dute. “Murgiltze ereduaren alde egin dugu beti, baina inoiz ez da gure iritzia kontutan hartzen” salatu du Euskalerria Irratian, Garikoitz Torregrosa... [+]
Euskarazko eskaintza handitzeko akordioa erdietsi dute EH Bilduk, PSNk, Geroa Baik eta Zurekin Nafarroak
Plazara, AEK, Uda Leku, Dindaia eta Ebete antolakundeak Baionan elkartu dira Famili'on egonaldi ibiltariaren lehen edizioa aurkezteko. Hizkuntza mailaren arabera eskaintza bat edo beste egongo da eta haur zein gurasoentzat izango da udaberrian.
Administrazio Epaitegiak arrazoia eman dio EH Bilduk Lizarrako plantilla organikoaren hizkutnz profilen aurka jarritako helegiteari.
Ingelera orduak handitu eta euskarazkoak murrizteko foru aginduaren kontrako helegitea aurkeztu du STEILAS sindikatuak. “Murgiltzea ataka larrian jartzen ari dira” salatu dute.
Lizarraldean euskara sustatzeko lana egiten duen Bagara elkarteak egin du salaketa: "Sorkuntzarako gaitasuna bultzatzen da eta pentsamendua kritikoa lantzen, hori guztia ikuspegi ludikotik, gozamenean oinarrituta".