Mendigorriko gurasoak: “30 urte eta gero ez da ezer aldatu?”
“30 urte geroago ez da ezer aldatu?”, halaxe galdetu dute Julian Maria Espinal Olcoz ikastetxe publikoko gurasoek, euren seme-alabak D ereduak aurre-matrikulatzeko garaian izaten ari diren zailtasunen aurrean.
Mendigorriko eskolan 2015ean ezarri zuten D eredua, hainbat eskari eta borrokaren ondoren. Baina hango gurasoek asteazkenean prentsaurrean azaldu dutenez, 2020/21 ikasturtean seme-alabak euskarazko ereduan aurre-matrikulatzeko oztopoak izaten ari dira: “Zergatik ez ditugu eremu mistoan dauden beste eskolek dituzten eskubide berak?”
Azaldu dutenez, aurre-matrikula epea amaitzeko hamar egun geratzen zirenean Hezkuntza saileko webgunetik D ereduaren aukera desagertu zen, Mendigorriko ikastetxe hori erreferentziazko zentro bezala kontsideratua zegoen arren. “Argibide kontraesankorrak” eman dizkietela salatu dute gurasoek, eta Garesko ikastetxea erreferentziazko zentro bezala aukeratzen ez bazuten “jantokia eta garraioaren dirulaguntza kenduko zizkigutela esan ziguten”.
Prentsaurrean emandako datuen arabera, datorren ikasturtean Mendigorrian egingo diren aurre-matrikulen %43 D ereduan izango dira, hau da, euskaraz ikastea nahiko luketenak beste ereduak gaindituko lituzkete: “Ikasketa-komunitatearen parte izan nahi dugu, eta beste hizkuntza eredu bat izateak aberastasun, inklusibitate eta aniztasun gehiago suposatuko duela uste dugu”, azaldu dute. Horregatik exijitu dute hizkuntza murgilketa “Nafarroako hizkuntza propioetako batean” egin ahal izatea.
Harrituta eta etsituta agertu dira bizitzen ari diren egoerarekin. Azaldu dutenez, haietako askok euskaltegira joan behar izan zuten, edo barrakoietan ikasi, edo herritik kanpora joan euskara-lerro berri bat irekitzeko. Horregatik, ez dute ulertzen haien aita-amek duela 30 urte egindako borroka bera egin behar izatea beraiek orain: “Ez da ezer aldatu?” galdetu dute.
Maiatzaren 17an Erriberako lehenengo Euskararen Eguna eginen da Arguedasen, sortu berri den eta eskualdeko hamaika elkarte eta eragile biltzen dituen Erriberan Euskaraz sareak antolatuta
Gure hizkuntzaren aurkako beste eraso bat jasan behar izan dugu Nafarroako Gobernuko Hezkuntza Departamentuaren eskutik; PAI programan euskararen aurkako aldaketa bat egitera behartu gaituzte. Azken urteotan, legeak hala aginduta, D ereduko ikastetxe berriek PAI programa sartu... [+]
Goizez Nafarroako zubirik esanguratsuenak jendez beteko ditu Sorionekuak dinamikak. Arratsalderako mobilizazio herritarra deitu dute Iruñeko Kostarapea parketik Alde Zaharreko Takonera parkeraino.
Sarriguren, Tafalla, Noain, Buztintxuri eta Gares herrietako D-PAI ereduko ikastetxeetako familiak kalera aterako dira Hezkuntza Departamentuak foru lege bidez ingeleseko orduak handitu nahi dituela salatzera. Euskarazko murgiltze ereduaren kontrako erabakia dela iruditzen... [+]
Aurtengo Lokizaldeako Euskararen Eguna Murieta herrian ospatu dute, larunbatean, goizean hasi eta ordu txikiak handitu arte. Zita garrantzitsua eta gozagarria da Nafarroako Lizarra ondoko eskualdeko euskaltzaleentzako.
Nafarroako biztanle gehienak (% 63) "euskara sustatzearen aldekoak edo oso aldekoak" dira, eta %17 baino ez daude aurka, Xabier Erizek eta Carlos Vilchesek Eusko Ikaskuntzaren eta Nafarroako Gobernuko Memoria eta Bizikidetzako, Kanpo Ekintzako eta Euskarako... [+]
Prentsaurrekoan, maiatzaren 17an ospatuko duten Erriberako Euskararen Egunaren inguruko argibideak eman dituzte. Ume, gazte zein helduentzat zuzendua izango da. Ekimena, Erriberan egiten diren ekimenetan indarrak biltzeko eta euskararen normalizazioaren alde saretzeko... [+]
Nafarroako Ikastolen Elkarteak lehendakari berria du. Oier Sanjurjok hartu dio lekukoa Elena Zabaleta Andresenari. Beste zazpi kide izanen ditu alboan Sanjurjok.
Ez dira gutxi azken boladan euskara bere onenean ez dagoela eta bere transmisioa bermatuta ez dagoela ohartarazten ari diren ahotsak. Bestetik, inork ez du ukatzen hezkuntzak ezinbesteko betebeharra duenik euskara eta euskal kulturaren biziraupenerako. Erronka estrategikoa... [+]
Iruñeko haur eskoletako zuzendariek, EH Bildu, Geroa Bai, Zurekin Nafarroa eta PSNren arteko akordioa kritikatu dute. “Murgiltze ereduaren alde egin dugu beti, baina inoiz ez da gure iritzia kontutan hartzen” salatu du Euskalerria Irratian, Garikoitz Torregrosa... [+]
Euskarazko eskaintza handitzeko akordioa erdietsi dute EH Bilduk, PSNk, Geroa Baik eta Zurekin Nafarroak
Plazara, AEK, Uda Leku, Dindaia eta Ebete antolakundeak Baionan elkartu dira Famili'on egonaldi ibiltariaren lehen edizioa aurkezteko. Hizkuntza mailaren arabera eskaintza bat edo beste egongo da eta haur zein gurasoentzat izango da udaberrian.
Administrazio Epaitegiak arrazoia eman dio EH Bilduk Lizarrako plantilla organikoaren hizkutnz profilen aurka jarritako helegiteari.
Ingelera orduak handitu eta euskarazkoak murrizteko foru aginduaren kontrako helegitea aurkeztu du STEILAS sindikatuak. “Murgiltzea ataka larrian jartzen ari dira” salatu dute.
Lizarraldean euskara sustatzeko lana egiten duen Bagara elkarteak egin du salaketa: "Sorkuntzarako gaitasuna bultzatzen da eta pentsamendua kritikoa lantzen, hori guztia ikuspegi ludikotik, gozamenean oinarrituta".