“Ezker ez nazionalistaren lidergoa lortu dugu”
Parte-hartzea inoizko baxuena izatea pena dela nabarmendu du PSEko idazkari nagusiak, baina osatuko den legebiltzar berriak legitimitate osoa duela azpimarratu nahi izan du Idoia Mendiak. PSEk lortu duen “emaitza ona bide luze baten ondorio” dela adierazi du.
Idoia Mendia PSEko lehendakarigaiak agerraldia egin duenean, alderdiko 40 bat militantek hartu dute txaloka. Eskerrak emanez hasi du hitzaldia: eskerrak hedabideei, alderdiko kideei, “eta noski, gugan konfiantza izan duten euskal herritarrei”. Euren alde bozkatu dutenek “konfiantza izan dute bizi dugun une historiko berri honetan ere maila emango dugula, eta ez izan dudarik hala izango dela”. Boto bakoitza “Euskadi ekonomikoki eta sozialki berreraikitzeko” baliatuko dutela gehitu du.
“Ez dago aitzakiarik”
Parte-hartze baxua dela-eta, pena dela adierazi du Mendiak, “batez ere hain une zaila bizi dugunean sozial eta ekonomikoki, eta gobernu indartsu bat ona izango litzatekeelako”. Baina jendea bozkatzeko edo ez bozkatzeko libre dela eta osatuko den legebiltzarrari parte-hartze datuek ez diotela zilegitasunik kentzen gaineratu du; "ez dago inongo aitzakiarik, guk behintzat ez dugu aitzakiarik jarriko”.
“Emaitza hobea gustatuko zitzaigukeen”
Abstentzio handia izan arren, gora egin dutela eta emaitza ona dela adierazi du PSEko lehendakarigaiak (2016an baino aulki bat gehiago lortu dute, 10 aulki), eta emaitza hori bide luze baten ondorio dela, hauteskundez hauteskunde egindako bidea. “Krisiak izango genituen, baina emaitza ez da aldatu”. Egonkortasunaren alde egin duten apustuak zerikusia duela uste du Mendiak. Emaitza hobea gustuko zitzaiela ere adierazi du, “baina dagokigun lekua lortu dugu: ezker ez nazionalistaren lidergoa. Bazterreko emaitzak lortuko genituela ere iragarri ziguten batzuek, baina ez da hala izan”. Hauteskunde hauetatik alderdi sozialista indartuta atera dela argi utzi nahi izan du.
Berriz ere eskerrak emateari ekin dio, duela sei urte alderdiko idazkari nagusi izateko bere burua aurkeztu zuenetik alboan izan dituenei: “Ez dugu deskantsu une bakar bat izan, baina ez diogu lan egiteari utzi”. Emaitza hau jende askoren lanaren fruitua dela azaldu du, zinegotzi, diputatu eta militante askoren lanarena. “Ezin dut harroago egon”.
Pedro Sánchezen Gobernuari hauspoa
Pedro Sánchez Espainiako Gobernuko presidenteari ere eskerrak eman dizkio Idoia Mendiak, “Euskadiko sozialistengan eta daramagun politikan konfiantza izan duelako beti”. Gau honetan Sánchezekin hitz egin duela eta konfiantza hori berretsi diola argitu du. EAEn lorturiko emaitzek, gainera, “Sánchezen proiektua are gehiago indartu” dutela nabarmendu du.
Hala ere, garaile nagusia EAJ izan dela eta Iñigo Urkulluri zoriontzeko deitu diola ere jakinarazi du Idoia Mendiak. Azkenik, COVID-19arengatik hil direnak eta haien senideak izan ditu gogoan.
AEBetako Berkeley Unibertsitateko irakaslea eta pentsamendu dekolonialean aditua da Ramón Grosfoguel. Artikulu honetan, Galiziako BNGren eta Euskal Autonomia Erkidegoko EH Bilduren azken hauteskundeetako emaitzez iritzia ematen du, Podemos alderdiko Juan Carlos... [+]
Hauteskundeak izan dira oraingoan Euskal Herriaren mendebalde honetan, eta horien ondoren gerta ohi denez, erabateko garaipen loriatsua (auto)aldarrikatzera abiatu da prestu irabazten lar ohituta dugun EAJ.
Luza dakioke gaur EAJri esaldi klasikoan egiten den galdera: Non dago... [+]
Demokrazian penko, suspentso, kate, gutxiegi. Politika egiteko oinarritzat hauteskundeak eta bozak dituen jendarte batek hori esan beharko lioke bere buruari herritarren erdiak "festan" parte hartu ere egiten ez duenean, ezta?
Atzerrian bizi diren Euskal Herritarren botoak zenbatu ostean, PPk eta Ciudadanosek eratutako koalizioak bereganatu du Bizkaiko 25. eserlekua.
Iñigo Urkullu jarduneko lehendakariak eta bere alderdiak hauteskunde kanpainan esan dutenez, “ezkerrekoak eta eskuinekoak jada ez dira existitzen”. Gaur egun EAEn nagusi den politikaren alternatibarik existituko ez balitz bezala, hau da, ez balego bezala... [+]
Data: 2020ko uztailaren 12a (igandea). Ordua: 13:00. Tokia: H. herriko bozkaleku nagusiko kanpoaldean dagoen banku bat. Eguraldia: orduak iraun dituen euri jasa baten azken tantak. Jende mugimendu etengabea atarian. Talde handirik ez. Gehienak banaka, binaka, trioren bat... [+]
2020ko uztailak 12ko Eusko Legebiltzarrerako hauteskunde emaitzak esku artean ditugu eta horiek aztertzeko asmoz hiru artikulu idatziko ditugu, gaurkoa lehenengo izango da interpretazio deskriptibo-orokor bat eskaintzeko:
Jokaldia ondo atera zaie. EAEko hauteskundeak Kataluniakoekin, eta batez ere, erabakitzeko eskubidearekin, talka ez egiteko aurreratu zituzten aurrena. Koronabirusak uztailera arte atzeratu du bozkaketa, baina helburua lortu dute boterean jarraitu nahi zuten alderdiek: orain... [+]
Euskal lurraldeen artean, EAJren eta EH Bilduren lehia-gune handia da Gipuzkoa. 2012ko Eusko Legebiltzarrerako hauteskundeetan EH Bilduk irabazi zuen ozta-ozta, 2016koetan EAJk aise eta 2020koan ezker abertzaleko alderdia jeltzaleengandik oso gertu egon da. Abstentzio handia... [+]
EAJk irabazi ditu hauteskundeak eta 31 legebiltzarkide lortu ditu, 2016ko hauteskundeetan baino hiru gehiago. Andoni Ortuzarrek Iñigo Urkullu jo du krisitik ateratzeko gidaritzat, eta alderdi politiko guztiei eta euskal gizarteari egin die elkarlanerako eskaintza.
Ordizian parte-hartzea nabarmen handiagoa izan da bataz-bestekoa baino: %55,92k eman du botoa eta EH Bilduk irabazi ditu Legebiltzarreko hauteskundeak herri honetan. 1.747 (%45,3) boto lortu ditu, eta bigarren indarra izan den EAJk, berriz, 1.268 (%32,88). Duela lau urteko... [+]
Abstentzio-tasa %47koa izan da, 2016an baino baino %7 handiagoa.
EH Bilduko lehendakarigai Maddalen Iriarte “oso oso pozik” agertu da koalizio abertzaleak izandako emaitzekin. Bere esanetan emaitza horiek “aldaketa baten hasiera baino ez” dira.