Mediterraneoko hilerria ekiditea, delitu
Hamazazpi egun itsasoan ibili ostean, Carola Rackete Sea-Watch 3 ontziko kapitainak Lampedusako (Italia) portuan baimenik gabe porturatzea erabaki zuen. Hau dela eta, kapitaina atxilotu zuen Italiako armadak, hainbat delitu egotzita. Egoera larrian zeuden 42 migratzaile zeramatzan ontziak, eta larritasunak bultzatuta aldebakartasunez porturatzea erabaki zuen kapitainak.
Italiako itsas-mugaren ertzean hainbat egun nabigatzen ibili eta gero, Sea-Watch 3 ontzian zeuden 42 migratzaileen ezinegona amaitu da. Honek, bada, eragin zuzena izango du jada ikono bihurtu den Carola Rackete kapitainarengan. Izan ere, hiru delitu egozten dizkio Italiako Justiziak kapitainari: gerra-ontziei obeditzeari uko egitea, debekatutako uretan nabigatzea eta gerra-ontzien aurkako erresistentzia eta biolentzia.
Joan den larunbat goizean porturatu zuen Racketek Sea-Watch 3 ontzia Lampedusako portuan. Portura iritsi bezain pronto atxilotu zuten kapitaina, eta irla italiarreko bizilagun batek jaso zuen bere etxean, 48 orduko egoitza-atzipenaldian. Astelehen arratsaldean galdeketa egingo diote kapitainari, eta hortik aurrera jarraituko du bere aurkako bide judizialak. Nahiz eta delitu larriak egozten zaizkion, fiskaltzak Agrigento probintzian sartzeko debekua bakarrik eskatuko du.
Munduko hainbat GKEk eta Giza Eskubideen Aldeko Elkartek irmoki salatu dute Italiako Gobernuaren jarrera, 42 pertsonen bizitza arriskuan jarri dutela esanaz. Ekialde Hurbilean eta Europan errefuxiatuen egoera nolakoa den ikusita, giza eskubideen aurkako erasotzat jo dute kasu hau.
Erresistentziaren gorpuztea
Italiak errefuxiatuak salbatzea zailtzeko lege berriak onartu ditu aurten; adibidez, baimenik gabe ur italiarretan sartzen den GKE orok 50.000 euroko isuna eta 15 urterainoko kartzela zigorra jasoko du. Sea-Watch 3 ontzia baimenik gabe ibili zen Lampedusa irla inguruan hainbat egunez, eta Matteo Salvini Italiako barne-ministroak eta Carola Rackete kapitainak etsaitasuna adierazi zioten elkarri. Salvinik publikoki hainbat adierazpen egin zituen Sea Watch GKEaren aurka. Joan den larunbatean, Racketeren atxiloketa eta gero, pozik azaldu zen Salvini, nahiz eta egin zutena Italiak sinatutako nazioarteko akordioaren aurkakoa izan.
Carola Racketeren atxiloketa dela eta, munduan erakunde eta pertsona asko jarri dira kapitainaren alde, eta bizitzak salbatzea ez dela delitua aldarrikatu dute. Rackete askatzea eta berehalako kargugabetzea eskatu dute, eta migratzaile eta errefuxiatuen aurkako politikak amaitzea eta nazioarteko legedi eta akordioak errespetatzea aldarrikatu dute.
Igandean egin du erreskatea Aita Mari salbamendu ontziak. Azaldu dute Siriatik etorritakoak direla gehienak, baina badaudela haien artean Egiptotik, Nigeriatik eta Bangladeshtik etorritakoak ere. Aita Mari ontziari Ravennako portuan lehorreratzea agindu dio Italiako... [+]
Calabriako (Italia) kostaldetik 120 miliatara hondoratu da astelehenean ontzi bat eta erreskate lanetan, haurdun zegoen emakume bat hil da. Libiatik gertu beste ontzi batean, ura sartu eta hamar pertsona hil dira sotoan. Desagertuen artean gutxienez 26 ume daude.
Ekainaren 16an Britainia Handiko BBC telebista kateak publiko egin duenez, Greziatik Europara joan nahi zuten pertsonak modu basatian hil izan dituztela frogatzen duten lekukotasunak bildu dituzte. Greziako uretatik irten eta brankatik behera itsasora bota dituzten bederatzi... [+]
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]
Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.
Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]
2021eko abuztuaren 15ean, talibanek Kabul mendean hartu zutenean, milaka afganiar ihes egiten saiatu ziren. Soilik hilabete hartan, 35.000 pertsona baino gehiagok zeharkatu zuten Pakistango muga, eta 2022. urtea hasi orduko 145.000 ziren beste aldean. Aldiz, gertakari horien... [+]
Ongi Etorri Errefuxiatuak plataformak urteroko Marea Horia izeneko mobilizazioa egin du zapatuan, Plentzia eta Gorlizko hondartzetan. Horietan bildutako lagunek salatu dute mundu osoko milioika pertsonak, euren jatorrizko herrialdeak utzi eta Europara iritsi nahian,... [+]
Zalaparta sortu du Libia eta Tunisiako mugako basamortuan hilik ikus zitezkeen ama alaba batzuen argazkiak. Migratzaileak zenbaki gisa tratatu arren, Fati eta Marie izena zuten pertsonak ziren.
2005. urtean 6,5 milioi euroko aurrekontua zuen Mugen eta Kosten Europako agentziak. 2022. urtean, berriz, 750 milioi eurotik gora jaso zituen erakunde publikoetatik. Migratzaileen kanporaketak gauzatzera bideratutako diru-partidak %480 handitu dira azken bi urteetan.