Mediterraneoan iaz hildako 2.000 migratzaileen alde, gurutze bana Donostiako Kontxako hondartzan
Ehunka bolondresek migratzaile eta errefuxiatuek pairatzen duten egoera salatu dute igandean, Gora Herria. Basque People ekimenaren baitan. Datorren igandean Donostian manifestatzera deitu dute eragile ezberdinek.
2.000 migratzaile baino gehiago hil dira Mediterraneo itsasoan 2018an, Europako lurretara heltzeko ahaleginetan. Horiek gogoratu eta Europar Batasunaren jarrera salatu nahi izan dute ehunka bolondresek Donostian, hildako bakoitzarengatik gurutze bana jarriz Kontxako hondartzan. Europar Batasunari, Espainiako Gobernuari eta Eusko Jaurlaritzari zuzendu zaie Maider Lazkano plataformako kidea, “utzikeria” leporatuz. Europar Batasunaren migrazio politikak salatu ditu, Pedro Sanchezek Aita Mari itsasontziari itsasoratzen ez uztea gaitzetsi du eta Jaurlaritzak egoeraren aurrean “ezikusiarena” egiten duela esan du.
“Aurreko urteetan milatik gora asilo eskaera aurkeztu zituzten Araban, Bizkaian eta Gipuzkoan, eta dena dela, instituzioek ez dituzte euren konpromisoak bete”, salatu du Lazkanok. Espainiako Gobernuak hitzartutako migratzaile kopuruaren %11 soilik jaso du, eta Frantziak %22.
“Harrera herria”
Asteburuan Euskal Herriko leku ezberdinetan aldarrikatu dute Euskal Herria harrera herria dela, eta egun indarrean dagoen migrazio politika bidegabea dela. Donostian, datorren igandean, manifestazioa deitu eta babestu dute eragile ezberdinek Inor ez da ilegala. Pertsona guztiontzat eskubide guztiak lelopean. Udaz geroztik migratzaileen eskubideen aldeko defentsan lanean diharduten hainbat Donostiako herritarrek luzatu dute deia. Lau printzipio dituzte: 1) Inor ez da ilegala 2) Hemen lan eta bizi diren guztiek eskubide guztien jabe izan behar dute 3) Migratzaile guztiek dute harrera duin bat jasotzeko eskubidea 4) Instituzioei dagokie aurrez aipatutakoa bermatzea.
Iaz 2.000 lagun hil ziren Mediterraneo itsasoa zeharkatu ezinik, eta gaur 2.000 gurutze iltzatu ditugu Kontxako hondartzan. Migratzaile eta errefuxiatuek pairatzen duten egoera salatu eta beste migrazio-politika bat exijitu dugu.#GoraHerria#OpenTheBorders#HarreraHerria pic.twitter.com/3IQ6zDhWNy
— SORTU #HERRItmoaBIZItu (@sortuEH) January 27, 2019
Hendaiako komisarian deklaratu dute asteazken goiz honetan, eta segidan atxilotu dituzte, martxoaren 14an Korrika Irundik Hendaiara iragan zen egunean “talde antolatuan migratzaileak Frantziako Estatuan sartzen laguntzea” leporatuta. Zazpi herritarren aldeko... [+]
"Segurtasun gehiago, inmigrazio gutxiago". Bruno Retailleau barne ministro frantsesa argi mintzatu da, kargua hartu berritan. Etorkinen gaineko kontrola azkartu nahi du Michel Barnier lehen ministro eskuindar-kontserbadorearen gobernuak, eta jada Retailleauk aitzinatu... [+]
Ama da, Perukoa, eta ezingo luke euskara zerotik ikasten doan hasi, egunkarietan irakurri dugun moduan (gezurra zen): hemen agian bai, gurean udalak bermatzen duelako eskubide hori (Hernani). Etortzen bazait ikasturtea amaitutakoan (etorri zaizkidan moduan), alabarekin udan zer... [+]
Manteroek azken hilabeteetan Bilbon bizi duten egoeraz aritu gara Manteroekin Bat plataformaren barruan dauden hiru elkartetako kideekin: Boubacar Diouf (Mbolo Moye Doole), Luisa Menéndez (Ongi Etorri Errefuxiatuak) eta Elena Bezanilla (Bizkaiko SOS Arrazakeria). Salatu... [+]
Guardia Zibilak 18.000 euro baino gehiago bideratu ditu aurten kautxuzko bolak erostera, "istiluen kontrako" materialaren barruan. Itsas Armadak, berriz, gomazko 1.500 pilota erosiko ditu. Poliziak erabiltzen dituen bitartekoak erregulatzen dituen araudia ez da... [+]
Pertsona migratzaile asko eraman ditu Aritzek bere autoan, Poliziak ez ditzan harrapatu, gaueko iluntasunean ez daitezen galdu eta batetik bestera seguru ibili daitezen. Bereziki gogoan ditu Irundik Hendaiara muga gurutzatzen lagundu eta etxean lotan izan zituen emakumea eta... [+]
Andoni Gabantxo arrantzale bermeotarrak Mastodon sare sozialean argitaratu zuen haria artikulu formatuan ekartzen dizuegu, bere oniritziarekin. Gaurko errefuxiatuei buruzko eztabaidetan ez dezagun ahantz atzoko hainbat errefuxiatu gure arbasoak zirela, hemengo portuetatik ihes... [+]
Gutxienez zortzi migratzaile hil dira Manchako kanalean, Frantziako Ambleteunse hiritik Erresuma Batura zeramatzan ontzia hondoratuta. Aurten, 45 lagun hil dira jada Erresuma Batura iritsi nahian. Bestetik, Espainiako Ceutara igerian heldu nahi zuen pertsona bat ito da igandean... [+]
Mendebaldeko herrialde aberats gehienetan ultraeskuina etengabe eztenka ari da migratzaileekiko gorrotoa eta arrazismoa akuilatzen. Deportazio planei ekitea izan da gobernu askoren erantzuna, izan afganiarrak talibandarren eskutan uzteko, Alemania pentsatzen ari den moduan, edo... [+]
Gobernuak argudiatu du "migrazioaren karga handia" eta "terrorismo islamistaren arriskua" areagotu direla.
Kanporatze agindu mehatxua gainean du Moussa txantrearrak. Bizilagunak bildu dira prozesuari aurre egiten laguntzeko.
Mugak Zabalduz karabanarekin, Bosnia Herzegovinako Bihac hirian, Nihad Suljic aktibistak Drina ibaia Balkanetako hilobi handiena dela azaldu zigun. Ahantzi ez daitezen, topatzen diren hilotzak identifikatzeaz eta ehorzketa emateaz arduratzen da, merezi duten duintasuna aitortu... [+]
Nerea Melgosa sailburuak esan du "ezinbestekoa" dela Espainiako Gobernuak bere migrazio-politiken berri ematea, autonomia-erkidegoek ez baitute "inongo ezagutzarik".
"Migrazio zirkularra" sustatu nahi du PSOEren gobernuak, langile batzuek behin-behineko hainbat lan egiteko migra dezaten Espainiako Estatura, eta gero euren jatorrizko herrialdeetara itzul daitezen.
Caminando Fronteras gobernuz kanpoko erakundearen arabera, iaz 6.007 pertsona hil ziren Kanarietako Bidean itota. 2023an 39.910 migratzaile iritsi dira Kanariar Uharteetara. Espainiako Estatuko presidente Pedro Sánchez hurrengo egunetan Gambia, Senegal eta Mauritaniako... [+]