Mediterraneoan turistekin dabiltzan ferryetan legez kanpo deportaturiko migratzaileentzako ezkutuko ziegak daude
Italiaren eta Greziaren arteko ibilbideak egiten dituzten ontzi komertzialetan asilo eskatzaileen itzultze ilegalak burutzeko ziega ezkutuak daudela frogatu du Lighthouse Report erakundeak.
"Asilo eskatzaileak, haurrak barne, ofizialak ez diren ziegatan atxikitzen ari dira Italiatik Greziara doazen bidaiari-ontzien sotoetan, metalezko kaxetan eta gela ilunetan, Italiako autoritateek buruturiko itzultze ilegalen estrategia jarraituz”. Ikerketa kazetaritza egiten duen Lighthouse Report erakundeak Europako Batasunean ematen den eta hain ezaguna ez den deportazio praktika honen berri eman du aste honetan.
Beste zenbait eragilerekin kolaboratuz, argazkiak, bideoak eta testigantzak bildu dituzte Veneziako, Anconako, Bariko eta Brindisiko portu italiarretara heldutako asilo eskatzaileak atxilotuak eta Greziara bueltan doazen ontzietan modu ilegalean itzuliak direla frogatzeko. Haietan ikus daitekeenez, pertsonak ontzien sotoetan atxikitzen dituzte, metalezko kutxatan eta kaioletan, duinak izatetik urrun dauden baldintzetan eta, zenbait kasutan, eskuburdinak jarrita.
.jpg)
2014an, Giza Eskubideen Europako Auzitegiak ebatzi zuen Italiak praktika berbera erabiliz asilo eskatzaileak Greziara ilegalki itzularazi zituela, Europako Batasunean babesa eskatzeko aukera ukatu zitzaiela azpimarratuz. Erromako Gobernuak itzultze ilegalak gelditu egin zirela hainbatetan errepikatu duen arren, argitaratu berri den ikerketak argi utzi du, bederatzi urte igarota, autoritateek berdin jokatzen jarraitu dutela.
Adingabeak tarteko
Ikerketak hamabi kasuren ebidentziak jasotzen ditu, hiru adingaberenak tarteko. Haietako batek, 17 urteko afganiar batek, argi utzi du zein izan zen Italiara heltzerakoan bizitako prozesua: “Greziarako ontzian bidali ninduten bueltan, nire asilo eskaerari buruz, ez beste ezeri buruz, ezer galdetu gabe”.
Lighthouse Reportek erregistraturiko itzultze horiek guztiak Greziako Attica Group enpresaren ferryetan egin dira, eta elkarrizketatutako pertsonek salatu dutenez, izugarrizko tenperatura altuak jasan behar izan zituzten ziegetan egon ziren bitartean. Zenbait kasutan, 24 orduz baino gehiago izan zituzten bertan atxikita.
Ikertzaileek ontzi horietako batera igotzera behartua izan zen Afganistango beste asilo eskatzaile baten hitzak ere partekatu dituzte: “Bi metro luze eta 1,2 metro zabal dituen gela txiki bat da […]. Ur botila txiki bat soilik duzu, eta batere janaririk ez […]. Ontzi barruko gela txiki horretan geratu behar izan ginen, eta zailtasunak onartu”.
Aditu juridikoek eta GKEk ikerketaren emaitzak berretsi dituztela adierazi du ere Lighthouse Reportek, Italiak buruturiko praktika honi erreferentzia egiten dioten txosten ugari dituztela nabarmenduz. Haien estimazioen arabera, 2014tik hona, modu horretan ilegalki deportatuak izan diren pertsonen kasuak “ehunka” izan dira.
HTSk boterea hartu duenetik, babes-eskaerak gelditu dituzte Mendebaldeko hainbat gobernuk. Alemaniak 47.270 eskaera utzi ditu bertan behera bat-batean, "Siriako etorkizun politikoa zalantzazkoa" dela argudiatuta.
Gobernuak aberriratu ondoren, ia urtebetez bizi behar izan dute aterpetxeetan eta ostatu pribatuetan, eta etengabe lekualdatu dituzte. Gaur egun erabiltzen duten aterpetxea urriaren 31n utzi beharko zutela esan zieten azkenekoz, nahiz eta badirudien beste luzapen bat ezarriko... [+]
"Segurtasun gehiago, inmigrazio gutxiago". Bruno Retailleau barne ministro frantsesa argi mintzatu da, kargua hartu berritan. Etorkinen gaineko kontrola azkartu nahi du Michel Barnier lehen ministro eskuindar-kontserbadorearen gobernuak, eta jada Retailleauk aitzinatu... [+]
Kazetaria eta giza eskubideen defendatzaile sutsua. Munduko Medikuak, Apoyo Mutuo edota SHM gobernuz kanpoko erakundeekin lan egin izan du boluntario eta kazetari moduan. Hainbat komunikabidetan hamaika erreportaje plazaratu ditu Greziako Chios irlatik, hala nola Mediterraneoko... [+]
Igandean egin du erreskatea Aita Mari salbamendu ontziak. Azaldu dute Siriatik etorritakoak direla gehienak, baina badaudela haien artean Egiptotik, Nigeriatik eta Bangladeshtik etorritakoak ere. Aita Mari ontziari Ravennako portuan lehorreratzea agindu dio Italiako... [+]
Calabriako (Italia) kostaldetik 120 miliatara hondoratu da astelehenean ontzi bat eta erreskate lanetan, haurdun zegoen emakume bat hil da. Libiatik gertu beste ontzi batean, ura sartu eta hamar pertsona hil dira sotoan. Desagertuen artean gutxienez 26 ume daude.
Ekainaren 16an Britainia Handiko BBC telebista kateak publiko egin duenez, Greziatik Europara joan nahi zuten pertsonak modu basatian hil izan dituztela frogatzen duten lekukotasunak bildu dituzte. Greziako uretatik irten eta brankatik behera itsasora bota dituzten bederatzi... [+]
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]
Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.