Espainiako Mediku Kolegioen iritzitan, indarkeria obstetrikoa ez da existitzen
"Indarkeria obstetrikoa" terminoaren aurka agertu da Espainiako Mediku Elkargo Ofizialen Kontseilu Orokorra, sexu eta erreprodukzio osasunaren eta haurdunaldiaren borondatezko etetearen 2/2010 legearen etorkizuneko erreformari begira egindako mintegien ondotik. El Parto es Nuestro elkarteak gogorarazi du nazioarteko hainbat erakundek aitortua dutela indarkeria obstetrikoaren existentzia, eta iaz NBEk Espainia zigortu zuela indarkeria obstetriko kasuengatik.
Berriki plazaratu duen prentsa ohar batean, Espainiako Mediku Elkargo Ofizialen Kontseilu Orokorrak (Consejo General de Colegios Oficiales de Médicos, CGCOM) adierazi du "indarkeria obstetrikoa" terminoa iraingarria dela, ez datorrela bat errealitatearekin eta profesionalak iraintzen dituela. Adierazpenok uztailaren 9an Espainiako Emakumearen Institutuak sexu eta erreprodukzio osasunaren inguruan egindako mintegien ondotik egin dituzte kolegioek.
Aipatu mintegiak sexu eta erreprodukzio osasunaren eta haurdunaldiaren borondatezko etetearen 2/2010 legearen etorkizuneko erreformaren abiapuntutzat ditu Espainiako Berdintasun Ministerioak, baina erreforma horren ardatzetako bat izango litzatekeenaren kontrako jarrera agertu dute mediku elkargoek. Izan ere, erreformak aurreikusten du emakumeen aurkako indarkeria askotarikoak lantzea, indarkeria obstetrikoa barne.
Mediku elkargoen arabera, medikuaren partetik pazientearenganako ematen den indarkeriari erreferentzia egiten dion terminoa urruti dago errealitatetik; idatzian ulertzera ematen denaren arabera, beren arabera indarkeria hori ezohikoa da haurdunaldian, erditzean eta erditzeondokoan. Kolegioen aburuz, termino horrek ez dio errealitateari erantzuten eta “zehaztasun zientifikoaren eta etika medikoaren printzipioaren arabera lan egiten duten profesionalen jarduna kriminalizatzen du”. Hala bada, diote “komunitate zientifikoak igorritako posizio berbera” hartzen dutela: posizio bat “indarkeria obstetrikoa” terminoa arbuiatzen duena, pazienteak artatzerakoan indarkeriazko jarrerak eman ez daitezela bermatzen duena, eta profesionalei emakumeen eta haurren ongizatea zaintzeko konpromisoa gogorarazten diena.
“Indarkeria obstetrikoa” terminoarekin “beharrezkoak ez diren alarma sozialak” sortzen direla iritzirik, “zuhurtzia” eskatu dute. Lerro artean irakur daitekeenez, mediku kolegioen arabera indarkeria obstetrikoa terminoaren erabilerak kaltetzen du medikuaren eta pazientearen arteko konfiantza, eta ez lehenak bigarrenaren aurka erabil dezakeen indarkeriak.
Esandakoak zuzentzeko eskakizuna
Adierazpenon aurrean, mintegietan parte hartu duen El Parto es Nuestro elkarteak mediku elkargoei gogorarazi die hainbat nazioarteko erakundek aitortu egiten dutela indarkeria obstetrikoaren existentzia. Munduko Osasun Erakundea, Europako Parlamentua eta Nazio Batuen Erakundea jarri ditu adibide gisa, eta gogorarazi azken horren parte den Emakumeen Kontrako Diskriminazioa Ezabatzeko Batzordeak (CEDAW) 2020ko otsailaren 28an Espainia zigortu zuela indarkeria obstetriko kasuengatik.
Hala bada, mediku elkargoei dei egin die hausnarketa egitera eta esandakoak zuzentzera. “Gure ustez, oso garrantzitsua da sozietate zientifikoen presentzia lege honen erreforman, begiak ireki behar baitizkiote ikusarazten ari garen errealitateari”, adierazi du El Parto es Nuestro elkarteko lehendakariorde Virginia Murialdok. Jakinarazi du badakitela idatzi horrek ez duela barnebiltzen mediku guztien ikuspuntua eta aliantzak egin nahi dituztela indarkeria obstetrikoa aitortzen duten profesionalekin.
.jpg)
84 urteko andrea erail zuen bere semeak urtarrilaren 3an euren etxebizitzan. Kolpeka hil zuela azaldu dute zenbait iturrik. Astearte arratsaldean egingo dira elkarretaratzeak Barakaldon eta Euskal Herriko lau hiriburutan.
Gipuzkoako Fiskaltzaren ustez, 40 urteko irakasle hondarribiarrak 9 eta 17 urte arteko hamaika adin txikikori sexu gehiegikeriak egin zizkien 2011 eta 2021 urte artean. 2021ean kartzelatu zuten, bere sei ikaslek salaketa jarri eta gero.
Getariako etxebizitza batean egin dio eraso, Segurtasun Sailaren arabera. Emakumea astero joaten zen terapia naturaleko kontsultara, eta Ertzaintza ikertzen ari da ea antzeko ekintzen biktima gehiago dauden.
Sexu erasoak 1998an hasi ziren, biktimak 13 urte zituenean. 2003an kluba utzi bazuen ere, emakumeak iaz salatu zituen sexu erasoak, Mario Lopezek taldeko entrenatzaile gisa jarraitzen zuela. Orain 18 urteko espetxe-zigorra eskatzen du akusazioak, fiskaltzak baino lau urte... [+]
Dozenaka lagun batu dira igandean Laudioko Herriko plazan, Ez zara fisioa, erasotzailea zara lelopean.
2024ko azarora bitarte 683 sexu eraso salatu dituzte, iaz baino %16,7 gehiago, Emakunderen arabera. Familia barruko indarkeria salatu duten emakumeen kopurua ere handitu da (975 izan dira), baita bikotekide edo bikotekide ohiek egindakoa ere (3.554).
Mundu osoko 70.000 gizonek baino gehiagok hartzen dute parte emakumeak nola drogatu eta bortxatu hitz egiteko txat-talde batean. Alemaniako ARD irrati publikoko bi kazetarik egin dute ikerketa urtebetez eta erakutsi dute kasu batzuetan biktimak bikotekideak, arrebak eta amak... [+]
Gipuzkoako Auzitegiak urte eta erdiko espetxe zigorra ezarri dio gizon bati, emakume bat bortxatzen saiatzeagatik. Epaiketa asteazkenean egin zuten, eta, hasi aurretik, gizonak gertakariak onartu eta akordioa erdietsi zuen Fiskaltzarekin eta akusazio partikularrarekin, zigorra... [+]
Bortxaketen kasuentzako bideratu daitekeen kartzela zigorrik gorena jarri diote senar-ohi Dominique Pelicoti; eta beste 50 bortxatzaileei dagokionez, guztiak dituzte erruduntzat jo, baina fiskalak galdetzen zuena baino apalagoak dira zigorrak. Hiru hilabetez iraun du Mazango... [+]
Hiru hilabetez iraun du Mazango auziak, Gisèle Pelicotek irekitakoa, zeineten ikertu duten urte luzez senarrak somniferoz drogatu eta berak zein beste dozenaka gizonek 200 bat aldiz bortxatu izana. 51 gizon epaitu dituzte, eta senar ohi Dominique Pelicotentzat 20 urteko... [+]
.jpg)
Bilboko ikastolako ikasle eta ikasle ohien talde batek zentroko irakasle baten partetik jasandako sexu abusuak zerrendatu ditu, eta komunikatu baten bidez salatu du ikastetxeak gizona babestu duela. Gertakariak azalera atera direnean ikastolak “beren burua zuritu besterik... [+]
Biktimak 13 urte zituenean, 1998 eta 2001 artean, Lointek kirol taldeko Mario Lopez entrenatzaile ohiaren parteko sexu abusuak jasan zituen. Emakumeak duela urtebete salatu zuen, eta epaiketa 2025eko urtarrilaren 14tik 16ra egingo da, Bizkaiko Auzitegian. Mugimendu... [+]
.jpg)
Urretxindorra Ikastolako (Bilbo) eta Azkue Ikastolako (Lekeitio) bi irakasleren aurkako salaketak egin dituzte zenbait emakumek sare sozialen bidez. Horren aurrean, Urretxindorra ikastolako irakasleak astelehen honetatik aurrera klaserik ez ematea erabaki du Ikastolen Elkarteak... [+]
Erasoen aurrean “kikilduko ez direla” eta "nazkaturik" daudela adierazi dute Lezo eta Errenteriako feministek eta autodefentsa feminista eta ekintza zuzena aldarrikatu dituzte.
Gizon batek egindako jazarpena salatu du Irati Rusiñol hendaiarrak sare sozialetan. Komisarian ere jarri du salaketa. Salaketa publiko egin ostean, beste 30 emakumek esan dute gizon beraren erasoak jasan dituztela. Rusiñolek adierazi du beste inori halakorik egin... [+]