Meaka-Irimo herri plataformak 3.022 alegazio aurkeztu ditu Eusko Jaurlaritzako Industria sailean, "Trekutz" izeneko proiektuaren aurka. Zera adierazi du: "Meaka-Irimo herri plataforman energia berriztagarriak behar-beharrezkoak direla argi dugu, baina ezin dira inposatu eta zabaldu era desordenatuan eta multinazionalen mesedetan eta haien apeten arabera". Hurrengo ekimen hauek iragarri ditu: otsailaren 17an Antzuolan 8 Milak lasterketan aldarrikapenak egingo dituzte eta otsailaren 25ean Meakan eta Irimon jarri nahi dituzten aerosorgailuen tamaina irudikatuko dute Antzuolako herrian.
Meaka-Irimo herri-plataformak hedabideetara bidali duen oharrean azaldu du nola izan zen bere sorrera: "Herri-plataforma 2023ko azaroaren 7an sortu zen, Antzuolako Udalak Meakan eta Irimon egin nahi duten zentral eolikoaren inguruan antolatutako informazio bilera irekian. Aste horretan bertan herritar talde batek antolatu zuen lehenengo bilera hura, eta harrezkero, ia astero bildu gara".
Plataforma sortu orduko, bi hitzaldi antolatu zituzten: Aitziber Sarobe natur-kontserbazionista eta biologian doktorearena eta Alvaro Campos ikertzaile eta energian doktorearena. Plaraformaren arabera, "bi hitzaldiok herrian urruti zegoen errealitatea ezagutzeko aukera izan genuen herritar guztiok: energia enpresen funtzionamendua eta burbuila energetikoaren eragina biodibertsitatean eta landa-eremuan".
Abenduaren 15ean, Trekutz proiektua argitaratu zen EAEko agintaritzaren aldizkarian eta herri-plataformak astero biltzeari ekin zion, hilabeteko epean aurkeztu beharreko helegiteak prestatzeko. Esparru legalak bi lerro izan ditu: "Alde batetik, alegazio teknikoak osatzeko dokumentazioaren bilketa eta datuen prozesamendua; eta bestealdetik, herritarron alegazio-orrien prestaketa". Otsailaren 6an bukatu da alegazio-orriak administrazioaren aurrean aurkezteko epea. Herri-plaraformak zera adierazi du parte-hartzeaz: "Hilabete honetan zehar, 3.022 lagunek sinatu dute Irimon eta Meakan egin nahi duten zentral eolikoaren proiektua bertan behera gelditu dadin. Antzuolako 540 biztanlek eman diote atxikipena gure eskaerari. Aipagarria da Antzuolatik kanpo jaso dugun babesa, bereziki Azkoitia eta Azpeititik".
Herri-plataformak lanean jarraitzeko konpromisoa agertu du, eta bi ekimen hauek iragarri ditu:
Lehenik, otsailaren 17an, Antzuolako 8 Milak mendi lasterketan aldarriak ikusgai jarriko dituzte egunean zehar. Geroago, otsailaren 25ean, eguerdiko 12:30ean, giza-kate bidez irudikatuko dute Meakan eta Irimon jarri nahi dituzten aerosorgailuen tamaina erreala.
Enigma Green Power enpresak "Ikatz Gane" deitu dion proiektu eolikoa egiteko "aldez aurreko administrazio-baimena" eskatu du. Bost haize errota jarri nahi ditu. Enigma Green Powerren jabe bakarra Arena Green Power da, eta honen kargudunen artean da Endesa.
Kolitza mendiaren magal batean eraiki nahi zituzten haize erroten proiektua atzera bota du Eusko Jaurlaritzak, hala adierazi du Balmasedako alkateak. Baina horren ordez, "eragin gutxiago" duen beste zentral bat aurreikusi dute inguru bertsuan. Maiatzaren 26an Euskal... [+]
Energiaren sektoreari loturiko konpainiak bere zuzendari nagusia aldatu du, doikuntzak iragartzearekin batera. Euskal Herriko lantegietan ia 3.000 langile aritzen dira eta sindikatuak kezkatuta agertu dira, kaleratzeak ekar litzakeelako erabakiak.
Martxoaren 20an Barakaldoko BECen egingo du Europako industria eolikoak bere urteroko kongresua, "Wind Europe" deitu diotena. 10:00etan atarian elkarretaratze zaratatsua deitu du EH Bizirik sareak.
Berriztagarriek Galizian ere sukarra bizi dute eta proiektu ugari justizia auzitegietan dira momentu honetan. Galiziako Justizia Auzitegi Nagusiak haietako hamahiruren gaineko suspentsioa agindu du, eta horretarako bere irizpideak egokitu ditu Espainiako Auzitegi Gorenak... [+]
"Hamaika arrazoi lurraldea defendatzeko" izeneko erakusketa artistiko honetan, Euskal Herriko hamaika ilustratzailek parte hartu dute eta makroproiektu eolikoek kaltetutako Euskal Herriko zenbait familia eta bizilagunen hamaika testigantza ere jasotzen dira. Etxalarko... [+]
Irimo mendian Cilda Energy SLU enpresak 200 metroko bi haize errota ezarri nahi ditu, Trekutz izeneko proiektuaren baitan. Dimentsioaz jabetzeko giza katea egin dute Antzuolan otsailaren 25ean, Meaka-Irimo herri plataformak deituta "berriztagarriak bai, horrela ez!"... [+]
Euskal Herria Bizirik sareak elkarretaratzea egin du Eusko Legebiltzarraren atarian, barruan Trantsizio Energetiko eta Klima Aldaketaren Legea onartzen zuten bitartean. Sare horren hitzetan, "EAJ-PNV, PSE eta EH Bilduren aldeko botoekin onartu da, agerian utziz hiru alderdi... [+]
Arabako Mendiak Askek administrazioarekiko auzi-errekurtsoa jarri du EAEko Auzitegi Nagusian, Azazeta Parke Eolikoaren proiektuaren aldez aurreko administrazio-baimenaren aurka. Horrez gain, Aixeindar SA enpresa sustatzailearen "lege-iruzurra" salatu du,... [+]
"Lurraldearen defentsan lanean ari garen Euskal Herriko hainbat herri mugimenduk eta plataformak gure indarrak, ezagutzak eta ekintzak batu ditugu natura eta landa-ingurunea suntsitzen dituzten makroproiektu andana baten inposaketari aurre egiteko". Hitz horiekin eman... [+]
Green Capital-en matrizea den Capital Energyk berriki aurkeztu ditu Trekutz (Antzuola-Urretxun) eta Buruzaiko (Azkoitia-Azpeitia-Zumarraga) zentral eolikoen ingurumen txostenak, "eta bertan izan genuen lehenengoz erabakiaren berri esplizituki. Ondoren enpresaren... [+]
Euskal Herria Bizirik-en kide diren hamalu eragilek Araba, Gipuzkoa eta Bizkaiko gailurretara igotzeko deia egin dute, energia-enpresek hauetan egin nahi dituzten "megaproiektuen" aurrean "espazio hauek mantendu, babestu eta defendatzearen alde". Urteko azken... [+]
Begi aurrean duzun hau eskuz dago idatzita, irakurle. Ordenagailuz idazten ditut normalean hemengoak, baina gaur gorputzak halaxe agindu dit, behar duela hemen bere arrastoa utzi, bere nekearen eta ezinen berri eman. Eta nor naiz ni gorputzari kontra egiteko, berak ere sufritzen... [+]